1 Samuel 21:5 - Li Santil hu

⁵ Laj David quixye re: —Chalen cabajer eb li cui̱nk incꞌaꞌ xeꞌcuan riqꞌuin ixk. Junelic nequeꞌxra rib nak nequeꞌel chixba̱nunquil junak taklanquil. Kꞌaxal cuiꞌchic teꞌxra rib nak yo̱queb chixba̱nunquil li taklanquil aꞌin, chan.

Q'eqchi Bible

⁵ Kisumeek xb'aan laj David: “Rajlal naq nokooxik chi yalok, ink'a' nokooch'e'ok ixq. Eb' laj k'anjel chiwu xe'xra rib' naq xoo'elk, us ta li qataqlankil a'in maak'a' xloq'al. Anaqwan saq ru li xtz'ejwaleb'”.

1 Samuel 21:5 ပူးပေါင်းရင်းမြစ်များ

Hechos 9:15

Ut li Ka̱cuaꞌ quixye re: —Ayu xban nak li cui̱nk aꞌan sicꞌbil ru inban re xyebal resil li colba-ib saꞌ incꞌabaꞌ la̱in reheb li cuanqueb saꞌ xcuanquil ut reheb ajcuiꞌ li ma̱cuaꞌeb aj judío joꞌqueb ajcuiꞌ li ralal xcꞌajol laj Israel.

Levítico 24:9

Li caxlan cua aꞌin, aꞌan li teꞌxcꞌul laj Aarón ut eb li ralal. Teꞌxcuaꞌ li caxlan cua saꞌ junak santil naꞌajej xban nak aꞌin jun mayej kꞌaxal santo saꞌ xya̱nkeb li cꞌatbil mayej li naqꞌueheꞌ re li Dios. Aꞌin jun chakꞌrab junelic teꞌxba̱nu.

Levítico 8:26

Ut laj Moisés quixchap li caxlan cua saꞌ li chacach li cuan cuiꞌ li caxlan cua li ma̱cꞌaꞌ xchꞌamal li kꞌaxtesinbil re li Ka̱cuaꞌ. Quixchap jun li caxlan cua ma̱cꞌaꞌ xchꞌamal, ut jun li caxlan cua yi̱banbil riqꞌuin aceite ut jun li caxlan cua jay. Quixqꞌueheb aꞌin saꞌ xbe̱n lix xe̱bul li carner ut li rukꞌ li cuan saꞌ xnim.

1 Pedro 3:17

Cui li Dios naraj nak te̱cꞌul li raylal chi ma̱cꞌaꞌ e̱ma̱c, kꞌaxal us nak te̱cꞌul li raylal chi ma̱cꞌaꞌ e̱ma̱c chiru nak te̱cꞌul li raylal riqꞌuin xba̱nunquil li ma̱usilal.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Éxodo 19:14

Laj Moisés quicube chak chiru li tzu̱l. Co̱ saꞌ xya̱nkeb li cristian ut quixkꞌaxtesiheb saꞌ rukꞌ li Dios. Ut eb li cristian quilajeꞌxpuchꞌ li rakꞌeb.

Éxodo 19:15

Laj Moisés quixye reheb: —Checauresi e̱rib re li rox cutan. Eb li cui̱nk incꞌaꞌ teꞌcua̱nk riqꞌuin rixakileb, chan.

Éxodo 25:30

Ut rajlal te̱qꞌue li caxlan cua saꞌ xbe̱n li me̱x. Junelic cua̱nk li mayejanbil caxlan cua aran.