1 Samuel 20:8 - Li Santil hu

⁸ Ba̱nu usilal cue saꞌ xcꞌabaꞌ li juramento li kaba̱nu chi kibil kib. China̱tenkꞌa la̱in aj cꞌanjel cha̱cuu. Cui ut la̱in cuan inma̱c, china̱camsi la̱at anakcuan. Incꞌaꞌ tento nak tina̱cꞌam riqꞌuin la̱ yucuaꞌ re nak aꞌan tinixcamsi, chan laj David.

Q'eqchi Bible

⁸ B'aanu usilal we, xb'aan naq laa'in aj k'anjel chawu ut xqak'uub' jun sumwank chiqib'il qib' chiru li Qaawa'. Wi ut laa'in wank linmaak, chinaakamsi laa'at anaqwan. K'a' aj e naq toj tinaak'am rik'in laayuwa'?”.

1 Samuel 20:8 ပူးပေါင်းရင်းမြစ်များ

2 Samuel 14:32

Laj Absalón quixye re: —Xeꞌxcꞌat xban nak xintakla a̱bokbal ut incꞌaꞌ xatcꞌulun chicuilbal. Xcuaj raj nak tatxic chi a̱tinac riqꞌuin li rey saꞌ incꞌabaꞌ la̱in. Xatintakla raj chixyebal re, “¿Cꞌaꞌru aj e nak xatakla incꞌambal arin? Us raj chokꞌ cue cui ta xincana aran Gesur”. La̱in tincuaj rilbal ru li rey. Cui cuan inma̱c chiru, chinixcamsihak, chan laj Absalón.

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

1 Samuel 23:18

Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.

1 Samuel 20:16

Joꞌcaꞌin nak laj Jonatán quixba̱nu li pacto riqꞌuin laj David ut quixye: —Aꞌ taxak li Dios chiqꞌuehok reheb chixtojbal xma̱queb li xicꞌ nequeꞌiloc re laj David joꞌqueb ajcuiꞌ li ralal xcꞌajol, chan.

Hechos 25:11

Cui ut cuan junak ma̱c xinba̱nu re nak tento tineꞌxcamsi, chineꞌxcamsihak. La̱in incꞌaꞌ ninxucua li ca̱mc. Abanan cui incꞌaꞌ ya̱l li yo̱queb chixyebal chicuix, ma̱ ani ta̱ru̱k ta̱kꞌaxtesi̱nk cue saꞌ rukꞌeb aꞌan. La̱in tintzꞌa̱ma nak li acuabej César li kꞌaxal nim xcuanquil ta̱rakok a̱tin saꞌ inbe̱n, chan laj Pablo.

Proverbios 3:3

Me̱canab xpa̱banquil li ya̱l. Junelic ban cua̱nk saꞌ e̱chꞌo̱l. Me̱canab li uxta̱na̱nc u. Junelic ban cua̱nkex saꞌ ti̱quilal re nak ta̱cꞌutu̱nk nak cha̱bil le̱ naꞌleb.

Salmos 116:11

Xban nak incꞌaꞌ chic nintau cꞌaꞌru tinba̱nu, joꞌcan nak quinye nak chixjunileb li cui̱nk aj ticꞌtiꞌeb.

1 Crónicas 12:17

Qui-el laj David chixcꞌulbaleb ut quixye reheb: —Cui saꞌ sahil chꞌo̱lej xexchal cuiqꞌuin chintenkꞌanquil, texincꞌul chi sa saꞌ inchꞌo̱l. Abanan cui xexchal re tine̱kꞌaxtesi saꞌ rukꞌeb li xicꞌ nequeꞌiloc cue chi ma̱cꞌaꞌ inma̱c, aꞌ taxak li Dios li queꞌxlokꞌoni inxeꞌto̱nil yucuaꞌ chi qꞌuehoc e̱re chixtojbal e̱ma̱c.—

Li xHu LIX RUT 1:8

Ut lix Noemí quixye reheb li ralib: —Ayukex che̱cabichalex. Sukꞌinkex saꞌ rochoch le̱ naꞌ. Ut aꞌ taxak li Ka̱cuaꞌ chi-ilok xtokꞌoba̱l e̱ru la̱ex joꞌ xeba̱nu nak quexcuan riqꞌuineb lin yum ut joꞌ ajcuiꞌ xeba̱nu cuiqꞌuin la̱in.

Josué 22:22

—Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Josué 2:14

Ut eb aꞌan queꞌxye: —Joꞌ nak xacol rix li kayuꞌam la̱o, joꞌcan ajcuiꞌ nak takacol rix le̱ yuꞌam la̱ex cui ma̱ ani aj e ta̱ye li cꞌaꞌru yo̱co chixba̱nunquil. Ut nak ac xkꞌaxtesi saꞌ kukꞌ li naꞌajej aꞌin li Ka̱cuaꞌ, la̱o takaba̱nu usilal e̱re ut saꞌ xya̱lal tocua̱nk e̱riqꞌuin, chanqueb.

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Génesis 24:49

—Anakcuan checuyak inma̱c nak tinpatzꞌ e̱re. ¿Ma te̱ba̱nu li usilal re lin patrón? ¿Ma te̱takla lix Rebeca chokꞌ rixakil li ralal lin patrón malaj ut incꞌaꞌ? Yehomak cue re nak tinnau ma tento nak tinxic saꞌ jalan naꞌajej chixsicꞌbal rixakil laj Isaac, chan.

1 Samuel 20:9

Laj Jonatán quixye re: —Matcꞌoxlac. Cui la̱in tinnau nak lin yucuaꞌ ac xcꞌoxla xba̱nunquil ma̱usilal a̱cue, la̱in tinye resil a̱cue, chan.

1 Samuel 18:1

Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.