1 Samuel 20:42 - Li Santil hu

⁴² Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

Q'eqchi Bible

⁴² Toja' naq laj Jonatán kixye: “Ayu sa' tuqtuukil usilal, xb'aan naq qakab'ichal xqaye sa' xk'ab'a' li Qaawa' naq A'an chiwanq taxaq chi junelik sa' qayanq jo'wi' sa' xyanqeb' li qalal qak'ajol”. Moqon kixaqliik laj David ut koho, ut laj Jonatán kisutq'iik wi' chik sa' li tenamit.

1 Samuel 20:42 ပူးပေါင်းရင်းမြစ်များ

1 Samuel 1:17

Ut laj Elí quixye re lix Ana: —Ayu chi cꞌojcꞌo a̱chꞌo̱l. Ut aꞌ taxak li Dios li nequeꞌxlokꞌoni laj Israel chi qꞌuehoc a̱cue li cꞌaꞌru xatzꞌa̱ma chiru, chan.

1 Samuel 23:18

Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.

Hechos 16:36

Laj ilol tzꞌalam quixye reheb: —Eb laj rakol a̱tin xeꞌxtakla chak xyebal nak tex-achꞌaba̱k. Joꞌcan nak ayukex chi ma̱cꞌaꞌ e̱cꞌaꞌux, chan.

San Lucas 7:50

Ut li Jesús quixye cuiꞌchic re li ixk: —Xban nak cuan a̱pa̱ba̱l, xatcoleꞌ. Joꞌcan nak ayu chi sa saꞌ a̱chꞌo̱l, chan re.

1 Samuel 20:15

Chaba̱nuhak usilal reheb li cuechꞌalal chi junelic. Ut nak li Ka̱cuaꞌ acak xsach ruheb chixjunileb li xicꞌ nequeꞌiloc a̱cue, incꞌaꞌ taxak chisachk lin cꞌabaꞌ chi junaj cua, chan laj Jonatán.

Números 6:26

Aꞌ taxak li Ka̱cuaꞌ chi-ilok e̱re riqꞌuin lix rahom ut chixqꞌue taxak li tuktu̱quil usilal e̱re.

1 Samuel 20:16

Joꞌcaꞌin nak laj Jonatán quixba̱nu li pacto riqꞌuin laj David ut quixye: —Aꞌ taxak li Dios chiqꞌuehok reheb chixtojbal xma̱queb li xicꞌ nequeꞌiloc re laj David joꞌqueb ajcuiꞌ li ralal xcꞌajol, chan.

1 Samuel 25:35

Chirix aꞌan laj David quixcꞌul chixjunil li ma̱tan li quixcꞌam lix Abigail ut quixye re: —Ayu saꞌ la̱ cuochoch chi ma̱cꞌaꞌ a̱cꞌaꞌux. La̱in xcuabi li cꞌaꞌru xaye cue ut tinba̱nu joꞌ xatzꞌa̱ma chicuu, chan laj David.

2 Samuel 9:1

Saꞌ jun li cutan li rey David quixye: —¿Ma toj yoꞌyo junak ralal xcꞌajol laj Saúl re tinba̱nu usilal re saꞌ xcꞌabaꞌ laj Jonatán? chan.