1 Samuel 20:41 - Li Santil hu

⁴¹ Nak ac xco̱ li al, laj David qui-el chak chirix li jun tu̱b chi pec. Quixcuikꞌib rib oxib sut saꞌ chꞌochꞌ. Queꞌrutzꞌ ru chi ribileb rib. Ut cꞌajoꞌ nak queꞌya̱bac. Laj David kꞌaxal cuiꞌchic quiya̱bac toj retal quicꞌojla xchꞌo̱l.

Q'eqchi Bible

⁴¹ Naq ak xkoho li al, ki'elk chaq laj David chi xk'atq li jun tuub' chi pek, kixhupub' rib' chiru ch'och' ut ox sut kixk'utzub' rib'. Chirix a'an ke'xq'alu rib' xkab'ichaleb' laj David ut laj Jonatán, ut k'ajo' naq ke'yaab'ak.

1 Samuel 20:41 ပူးပေါင်းရင်းမြစ်များ

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

Génesis 29:11

Laj Jacob quirutzꞌ ru lix Raquel ut quiya̱bac xban xsahil saꞌ xchꞌo̱l.

Hechos 20:37

Cꞌajoꞌ nak queꞌya̱bac chixjunileb. Queꞌxkꞌalu laj Pablo ut queꞌrutzꞌ ru.

2 Samuel 19:39

Chixjunileb li tenamit queꞌnumeꞌ jun pacꞌal li nimaꞌ Jordán. Ut quinumeꞌ ajcuiꞌ li rey. Quirutzꞌ ru laj Barzilai ut quixtzꞌa̱ma chiru li Dios nak ta̱rosobtesi. Chirix aꞌan laj Barzilai co̱ cuiꞌchic saꞌ rochoch.

2 Samuel 9:6

Laj Mefi-boset, li ralal laj Jonatán quicuulac riqꞌuin laj David. Laj Mefi-boset, aꞌan li ri laj Saúl. Quixcuikꞌib rib chiru laj David re xqꞌuebal xlokꞌal. Laj David quixye re: —At Mefi-boset, chan. Ut aꞌan quixye re: —La̱in aj cꞌanjel cha̱cuu, chan.

2 Samuel 1:26

At Jonatán, la̱at chanchanat li cuas. Cꞌajoꞌ xrahil inchꞌo̱l xban nak kꞌaxal raro̱cat inban. Kꞌaxal lokꞌ chokꞌ cue nak xina̱ra. Kꞌaxal lokꞌ nak xinraheꞌ a̱ban chiru nak xinraheꞌ xbaneb li ixk.

1 Samuel 25:23

Nak lix Abigail quiril laj David, quicube chirix lix bu̱r saꞌ junpa̱t ut quixcuikꞌib rib saꞌ chꞌochꞌ chiru laj David re xqꞌuebal xlokꞌal.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Génesis 45:15

Ut quilajrutzꞌeb ru li ras chixju̱nkaleb ut quiya̱bac xban xsahil saꞌ xchꞌo̱l. Ut eb aꞌan queꞌa̱tinac chi ribileb rib.

Génesis 43:28

Eb aꞌan queꞌchakꞌoc ut queꞌxye re laj José: —Bantiox xak a̱cue, Ka̱cuaꞌ, nak nacatpatzꞌoc chikix. Cau li kayucuaꞌ, chanqueb ut queꞌxcuikꞌib rib chiru laj José re nak teꞌxqꞌue xcuanquil.

Génesis 29:13

Nak laj Labán quirabi resil nak laj Jacob cuan aran, quia̱linac saꞌ junpa̱t chixcꞌulbal. Nak quicuulac cuan cuiꞌ laj Jacob, quixkꞌalu ut quirutzꞌ ru. Ut saꞌ junpa̱t quixbok saꞌ rochoch. Laj Jacob najt quiserakꞌic riqꞌuin laj Labán.

Génesis 42:6

Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

1 Samuel 20:40

Ut laj Jonatán quixqꞌue lix tzimaj re li al ut quixtakla cuiꞌchic saꞌ li tenamit.

Génesis 33:4

Laj Esaú quia̱linac chixcꞌulbal li ri̱tzꞌin. Quixkꞌalu chi xcux laj Jacob ut quirutzꞌ ru ut queꞌoc chi ya̱bac xcabichaleb xban xsahileb saꞌ xchꞌo̱l.

1 Samuel 24:9

Laj David quixye re: —¿Cꞌaꞌut nak nacapa̱b li cꞌaꞌru nequeꞌxye li cui̱nk li nequeꞌxye nak tincuaj xba̱nunquil ma̱usilal a̱cue?

2 Samuel 1:2

Saꞌ rox li cutan quicuulac jun li sa̱j cui̱nk riqꞌuin laj David. Li cui̱nk aꞌan xcomoneb lix soldados laj Saúl. Pejel li rakꞌ ut cuan li poks saꞌ xjolom retalil lix rahil xchꞌo̱l. Quixcuikꞌib rib saꞌ chꞌochꞌ re xqꞌuebal xlokꞌal laj David.

2 Samuel 14:4

Li ixk co̱ riqꞌuin li rey David ut quixcuikꞌib rib saꞌ chꞌochꞌ re xqꞌuebal xlokꞌal, ut quixye: —At rey, ba̱nu usilal. China̱tenkꞌa, chan.

1 Reyes 1:16

Lix Betsabé quixcuikꞌib rib re xqꞌuebal xlokꞌal li rey. Ut li rey David quixye re: —¿Cꞌaꞌ raj ru ta̱cuaj? chan re.

1 Reyes 1:23

Queꞌxye re li rey: —Li profeta Natán xchal chi a̱tinac a̱cuiqꞌuin, chanqueb. Nak qui-oc cuan cuiꞌ li rey, laj Natán quixcuikꞌib rib chiru li rey.

1 Reyes 1:31

Ut lix Betsabé quixcuikꞌib rib saꞌ chꞌochꞌ ut quixye: —Chicua̱nk taxak a̱yuꞌam chi junelic, at rey David, chan.