1 Samuel 20:27 - Li Santil hu

²⁷ Joꞌ cuulajak chic saꞌ xcab li cutan re li ninkꞌe, laj Saúl quiril nak ma̱ ani laj David. Quixye re laj Jonatán: —Laj David incꞌaꞌ xcꞌulun chi cuaꞌac chi moco ecue̱r, chi moco anakcuan. ¿Cꞌaꞌut? chan.

Q'eqchi Bible

²⁷ Ab'an sa' li kutan jun chik, a' li xkab' kutan re li ninq'e, li xna'aj laj David kikanaak wi' chik chi yamyo. Ut laj Saúl kixye re laj Jonatán li ralal: “K'a' naq li ralal laj Jesé ink'a' xk'ulunk chi tzekank ewer chi moko anaqwan?”.

1 Samuel 20:27 ပူးပေါင်းရင်းမြစ်များ

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

San Mateo 13:55

¿Ma ma̱cuaꞌ ta biꞌ aꞌan li ralal laj pechꞌ? ¿Ma ma̱cuaꞌ ta biꞌ lix María lix naꞌ? Ut, ¿ma ma̱cuaꞌ ta biꞌ aꞌan li raseb laj Jacobo ut laj José, laj Simón ut laj Judas?

1 Samuel 25:10

Laj Nabal quichakꞌoc ut quixye reheb: —¿Ani li cui̱nk aꞌan? ¿Ani laj David li ralal laj Isaí? Anakcuan cꞌajoꞌeb li lokꞌbil mo̱s yo̱queb chi e̱lelic chiru lix patrón.

1 Samuel 19:15

Laj Saúl quixtaklaheb cuiꞌchic lix takl ut quixye reheb: —Cꞌamomak chak laj David, usta yaj, re nak tincamsi, chan.

1 Samuel 18:11

Laj Saúl quixye saꞌ xchꞌo̱l: —Tinnumsi li la̱ns saꞌ xsaꞌ laj David chiru li tzꞌac, chan. Ut quixcut lix la̱ns. Aꞌut laj David caꞌ sut quixcol rib chiru.

1 Samuel 20:5

Laj David quixye re: —Cuulaj nequeꞌxninkꞌei li xyoꞌlajic li po ut la̱in cꞌaynakin chi cꞌojla̱c saꞌ li me̱x cuochben la̱ yucuaꞌ. Abanan ta̱qꞌue inlese̱ns re nak la̱in tinmuk cuib saꞌ li cꞌaleba̱l toj saꞌ li ecuu saꞌ rox li cutan.

1 Samuel 20:26

Saꞌ xbe̱n li cutan ma̱cꞌaꞌ quixye laj Saúl. Saꞌ xchꞌo̱l aꞌan nak laj David quixba̱nu cꞌaꞌak re ru incꞌaꞌ us ut incꞌaꞌ quixsantobresi rib re ta̱ru̱k ta̱cuaꞌak saꞌ li ninkꞌe. Joꞌcan nak ma̱cꞌaꞌ quixye.

1 Samuel 20:28

Laj Jonatán quixye re: —Laj David quixtzꞌa̱ma chicuu nak tinqꞌue xlese̱ns chi xic Belén.