1 Samuel 20:24 - Li Santil hu

²⁴ Joꞌcan nak laj David co̱ ut quixmuk rib saꞌ li cꞌaleba̱l. Nak yo̱ li ninkꞌe re xyoꞌlajic li po, laj Saúl quichunla saꞌ me̱x chi cuaꞌac.

Q'eqchi Bible

²⁴ Laj David koxmuq rib' sa' li pim ut naq kiwulak li ninq'e re xyo'lajik li po, kichunlaak li awab'ej sa' meex re tzekank.

1 Samuel 20:24 ပူးပေါင်းရင်းမြစ်များ

Proverbios 21:3

Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Proverbios 17:1

Kꞌaxal us li tzaca̱nc saꞌ nebaꞌil chi sa saꞌ kachꞌo̱l chiru nak yo̱ko chi ninkꞌei̱c rajlal ut yo̱ko chi pletic.

Proverbios 15:17

Kꞌaxal us nak takatzaca li tzacae̱mk li cubenak xtzꞌak ut takara kib chiru nak takatzaca li cha̱bil tzacae̱mk terto xtzꞌak ut xicꞌ takil kib.

Proverbios 4:17

Li ma̱usilal li nequeꞌxba̱nu chanchan chic lix cua rucꞌaheb.

San Juan 18:28

Toj ekꞌela chi us queꞌrisi li Jesús riqꞌuin laj Caifás ut queꞌxcꞌam saꞌ li naꞌajej li narakoc cuiꞌ a̱tin laj Pilato li acuabej aj Roma. Eb li nequeꞌtaklan saꞌ xbe̱neb laj judío incꞌaꞌ queꞌoc saꞌ li rochoch laj Pilato xban nak aꞌan ma̱cuaꞌ aj judío. Cui ta queꞌoc saꞌ rochoch junak ma̱cuaꞌ aj judío, queꞌxmux raj rib saꞌ lix pa̱ba̱leb. Xban nak queꞌraj cuaꞌac re li ninkꞌe Pascua, incꞌaꞌ queꞌru chi oc saꞌ li cab aꞌan.

Zacarías 7:6

¿Ma ma̱cuaꞌ ta biꞌ chokꞌ e̱re ajcuiꞌ la̱ex nak xexcuaꞌac ut xex-ucꞌac?

Proverbios 21:27

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. ¿Ma tojaꞌ ta chic tixcꞌul nak teꞌxqꞌue chi incꞌaꞌ useb lix cꞌaꞌuxeb?

1 Samuel 20:5

Laj David quixye re: —Cuulaj nequeꞌxninkꞌei li xyoꞌlajic li po ut la̱in cꞌaynakin chi cꞌojla̱c saꞌ li me̱x cuochben la̱ yucuaꞌ. Abanan ta̱qꞌue inlese̱ns re nak la̱in tinmuk cuib saꞌ li cꞌaleba̱l toj saꞌ li ecuu saꞌ rox li cutan.

1 Samuel 20:23

Ut li Ka̱cuaꞌ ta̱tenkꞌa̱nk ke re nak incꞌaꞌ takakꞌet li ka̱tin li xkaye chi kibil kib.—

1 Samuel 20:25

Laj Saúl quichunla saꞌ li naꞌajej li nachunla cuiꞌ rajlal chiru li tzꞌac. Ut laj Jonatán quichunla saꞌ xcaꞌyaba̱l. Ut laj Abner quichunla chixcꞌatk laj Saúl. Abanan li naꞌajej li nachunla cuiꞌ laj David yamyo.