1 Samuel 20:21 - Li Santil hu

²¹ Chirix aꞌan tintakla lin mo̱s chixsicꞌbal. Cui la̱in tinye re, “Lin tzimaj cuan nachꞌ riqꞌuin li pec. Cꞌam chak”, aꞌan retalil nak ma̱cꞌaꞌ ta̱cꞌul. Tatcha̱lk cuiꞌchic xban nak saꞌ xcꞌabaꞌ li Ka̱cuaꞌ ninye a̱cue nak ma̱cꞌaꞌ ta̱cꞌul.

Q'eqchi Bible

²¹ Ut tinye re linmoos: «Ayu, sik' chaq linsimaj». Wi tinye re: «Linsimaj wank nach' rik'in li pek; k'am chaq», cha'qin, laa'at tatchalq: a'an reetalil naq us yo chi elk chixjunil ut maak'a' taak'ul, sa' xk'ab'a' li Qaawa'.

1 Samuel 20:21 ပူးပေါင်းရင်းမြစ်များ

Amós 8:14

Eb li nequeꞌxba̱nu xjuramento saꞌ xcꞌabaꞌ li yi̱banbil dios li cuan Samaria, eb aꞌan teꞌosokꞌ. Cuanqueb li teꞌxpatzꞌ xcꞌabaꞌ lix yi̱banbil dios li cuanqueb saꞌ li naꞌajej Dan ut teꞌxpatzꞌ xcꞌabaꞌeb lix dioseb li cuanqueb aran Beerseba. Eb li tenamit aꞌan teꞌsachekꞌ chi junaj cua, chan li Dios.

Jeremías 12:16

Ya̱l nak eb aꞌan queꞌcꞌamoc be chiruheb lin tenamit chixlokꞌoninquil li yi̱banbil dios Baal. Abanan naru teꞌcua̱nk saꞌ xya̱nkeb lin tenamit cui teꞌxqꞌue inlokꞌal joꞌ nequeꞌxba̱nu lin tenamit ut cui teꞌxba̱nu li juramento saꞌ incꞌabaꞌ la̱in li yoꞌyo̱quil Dios.

Jeremías 5:2

Cuanqueb li nequeꞌxba̱nu li juramento saꞌ incꞌabaꞌ la̱in li yoꞌyo̱quil Dios. Abanan moco ya̱l ta li nequeꞌxye xban nak moco nequeꞌxba̱nu ta chi anchaleb xchꞌo̱l, chan li Dios.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

1 Samuel 20:20

La̱in tincut oxib lin tzimaj chixcꞌatk li pec. Tinba̱nu cuib nak yo̱quin chixtzolbal cutuc.

1 Samuel 20:22

Abanan cui tinye re lin mo̱s, “Lin tzimaj toj jun pacꞌal li pec xnak”, aꞌan retalil nak tate̱lelik xban nak li Ka̱cuaꞌ naraj nak tatxic.

1 Samuel 20:36

Quixye re li al: —A̱linan ut ta̱xoc chak li tzimaj li tincut, chan. Li al quia̱linac ut laj Jonatán quixcut lix tzimaj toj jun pacꞌal li al.