1 Samuel 20:16 - Li Santil hu

¹⁶ Joꞌcaꞌin nak laj Jonatán quixba̱nu li pacto riqꞌuin laj David ut quixye: —Aꞌ taxak li Dios chiqꞌuehok reheb chixtojbal xma̱queb li xicꞌ nequeꞌiloc re laj David joꞌqueb ajcuiꞌ li ralal xcꞌajol, chan.

Q'eqchi Bible

¹⁶ Jo'ka'in naq laj Jonatán kixk'ojob' jun sumwank rik'in li xjunkab'al laj David, naq kixye: “A' taxaq li Qaawa' chiraqoq aatin sa' xb'eeneb' li xik' neke'ilok re laj David”.

1 Samuel 20:16 ပူးပေါင်းရင်းမြစ်များ

1 Samuel 25:22

Aꞌ taxak li Ka̱cuaꞌ chiqꞌuehok cue chixtojbal inma̱c cui toj yoꞌyo̱keb li cui̱nk xcomoneb laj Nabal nak ta̱sake̱uk cuulaj, chan laj David.

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

2 Samuel 21:8

Abanan li rey David quixtakla xchapbaleb laj Armoni ut laj Mefi-boset, li cuib chi ralal laj Saúl riqꞌuin lix Rizpa lix rabin laj Aja. Ut quixtakla ajcuiꞌ xchapbaleb li o̱b chi ralal laj Adriel, li quixqꞌuiresi lix Micael lix rabin laj Saúl. Laj Adriel, aꞌan li ralal laj Barzilai, Mehola xtenamit.

1 Samuel 31:2

Ut eb laj filisteo queꞌra̱linaheb laj Saúl ut eb li ralal. Queꞌcamsi̱c li ralal laj Saúl. Aꞌaneb laj Jonatán, laj Abinadab, ut laj Malquisúa.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Deuteronomio 23:21

Cui cuan li cꞌaꞌru te̱yechiꞌi re li Ka̱cuaꞌ le̱ Dios, mexbay chixqꞌuebal. Li Ka̱cuaꞌ tixcanab saꞌ e̱be̱n xtojbal ut cuan e̱ma̱c cui incꞌaꞌ nequetoj.

1 Samuel 20:42

Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

1 Samuel 22:8

¿Cꞌaꞌut nak che̱junilex la̱ex xecꞌu̱b ru xba̱nunquil raylal cue? Ma̱ jun chic e̱re narahoc cue. Ma̱ ani xyehoc cue nak li cualal xba̱nu li juramento riqꞌuin li ralal laj Isaí. Ma̱ jun e̱re xyehoc cue nak li ralal laj Isaí yo̱ chinsicꞌbal re tinixcamsi. Ut li cualal yo̱ chi tenkꞌa̱nc re, chan.

Jeremías 40:9

Ut laj Gedalías li ralal laj Ahicam li ralal laj Safán quixba̱nu li juramento riqꞌuineb li soldados ut riqꞌuineb li nequeꞌtaklan saꞌ xbe̱neb. Ut quixye reheb: —Mexxucuac chi cꞌanjelac chiruheb laj Babilonia. Cana̱kex saꞌ li naꞌajej aꞌin ut cꞌanjelankex chiru lix reyeb laj Babilonia re nak us tex-e̱lk riqꞌuin li cꞌaꞌru te̱ba̱nu.

Josué 22:23

Aꞌ ta li Ka̱cuaꞌ chiqꞌuehok ke chixtojbal li kama̱c cui la̱o xkayi̱b li artal aꞌin re xtzꞌekta̱nanquil li Dios malaj ut re li mayej re xcꞌambal kib saꞌ usilal, malaj ut re xqꞌuebal li cꞌatbil mayej.

1 Samuel 23:18

Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.