1 Samuel 20:13 - Li Santil hu

¹³ Cui ut ta̱raj tixba̱nu raylal a̱cue, li Ka̱cuaꞌ chixba̱nuhak raylal cue cui incꞌaꞌ tintakla resil a̱cue ut tatintenkꞌa xcolbal a̱cuib. Li Ka̱cuaꞌ taxak chicua̱nk a̱cuiqꞌuin joꞌ nak quicuan riqꞌuin lin yucuaꞌ.

Q'eqchi Bible

¹³ Wi ut linyuwa' taaraj xb'aanunkil rahilal aawe, chinxrahob'tesiiq li Qaawa' chi q'axal ra wi ink'a' tintaqla resil aawe re naq taakol aawib'. A' taxaq li Qaawa' chiwanq aawik'in jo' naq xwank rik'in linyuwa'.

1 Samuel 20:13 ပူးပေါင်းရင်းမြစ်များ

1 Crónicas 22:16

Li oro, li plata, li bronce ut li hierro moco bisbil ta joꞌ qꞌuial. Anakcuan tiquib cꞌanjelac ut li Dios taxak chicua̱nk a̱cuiqꞌuin, chan laj David.

1 Crónicas 22:11

Anakcuan ut, at cualal, aꞌ taxak li Ka̱cuaꞌ chicua̱nk a̱cuiqꞌuin. Ut us taxak tat-e̱lk riqꞌuin chixjunil li ta̱ba̱nu nak ta̱yi̱b lix templo li Ka̱cuaꞌ li kaDios, joꞌ quixye chak cha̱cuix.

1 Samuel 17:37

Ut quixye cuiꞌchic laj David: —Li Ka̱cuaꞌ quicoloc cue chiruheb li cakcoj ut li oso. Ut aꞌan ajcuiꞌ ta̱colok cue chiru li cui̱nk aꞌin aj filisteo, chan. Ut laj Saúl quixye re: —Ayu, ut li Ka̱cuaꞌ Dios taxak chitenkꞌa̱nk a̱cue.—

Li xHu LIX RUT 1:17

Bar tatca̱mk la̱at, aran ajcuiꞌ tinca̱mk la̱in ut aran ajcuiꞌ tinmukekꞌ. Joꞌcan taxak chixba̱nu cue li Ka̱cuaꞌ ut joꞌcan taxak chixqꞌue cue nak caꞌaj cuiꞌ li ca̱mc ta̱jachok ke nak takacanab kib, chan lix Rut.

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

1 Samuel 3:17

Laj Elí quixye: —¿Cꞌaꞌru xye a̱cue li Ka̱cuaꞌ? Ma̱muk chicuu li cꞌaꞌru quixye. Li Dios taxak ta̱qꞌuehok a̱cue chixtojbal a̱ma̱c cui incꞌaꞌ ta̱ye cue chixjunil li quixye a̱cue, chan.

Filipenses 4:9

Ut chixjunil li cꞌaꞌru xinye e̱re ut li cꞌaꞌru xinba̱nu che̱ru, aꞌan ajcuiꞌ te̱ba̱nu la̱ex. Chetzol e̱rib cuiqꞌuin ut cheba̱nu joꞌ ninba̱nu la̱in. Ut li Ka̱cuaꞌ Dios li naqꞌuehoc tuktu̱quil usilal ta̱cua̱nk e̱riqꞌuin.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

1 Reyes 20:10

Laj Ben-adad quixtakla cuiꞌchic xyebal re laj Acab: —Tinsach ru la̱ tenamit Samaria. Chinixcamsihak ta lin Dios cui incꞌaꞌ tinsach ru. Ma̱cꞌaꞌ ta̱cana̱k chi moco lix poksil ta̱tzꞌaklok re nak lin soldados teꞌxcꞌam saꞌ rukꞌeb, chan.

1 Reyes 19:2

Ut lix Jezabel quixtakla jun lix takl riqꞌuin li profeta Elías chixyebal re nak tixcamsi chi chꞌi̱chꞌ joꞌ quixba̱nu reheb lix profeta lix Jezabel. Quixye: —Chineꞌxcamsihak lin dios cui toj ma̱jiꞌ nacatcam saꞌ li ho̱nal aꞌin cuulaj, chan re laj Elías.

2 Samuel 19:13

Laj David quixye reheb nak teꞌxye re laj Amasa chi joꞌcaꞌin: —¿Ma ma̱cuaꞌ ta biꞌ la̱at cuechꞌalal? Chalen anakcuan la̱at chic tattakla̱nk saꞌ xbe̱neb lin soldados chokꞌ re̱kaj laj Joab. Aꞌ taxak li Dios chiqꞌuehok cue chixtojbal inma̱c cui incꞌaꞌ tinba̱nu li cꞌaꞌru yo̱quin chixyechiꞌinquil a̱cue, chan.

2 Samuel 7:15

Abanan incꞌaꞌ tincanab ruxta̱nanquil ru joꞌ nak quincanab ruxta̱nanquil ru laj Saúl. Quicuisi saꞌ xcuanquil re nak la̱at chic tat-oc chokꞌ rey.

2 Samuel 3:35

Queꞌxye re laj David nak tento nak ta̱cuaꞌak. Abanan laj David incꞌaꞌ quicuaꞌac ut quixye: —Li Dios taxak chiqꞌuehok cue chixtojbal inma̱c cui tintzaca yalak cꞌaꞌru chi tzacae̱mkil nak toj ma̱jiꞌ na-ecuu, chan.

1 Samuel 25:22

Aꞌ taxak li Ka̱cuaꞌ chiqꞌuehok cue chixtojbal inma̱c cui toj yoꞌyo̱keb li cui̱nk xcomoneb laj Nabal nak ta̱sake̱uk cuulaj, chan laj David.

1 Samuel 18:12

Laj Saúl qui-oc xxiu xban laj David xban nak li Dios cuan riqꞌuin laj David ut incꞌaꞌ chic nacuan riqꞌuin laj Saúl.

1 Samuel 14:47

Nak ac x-oc laj Saúl chokꞌ xreyeb laj Israel, quipletic riqꞌuineb chixjunileb li xicꞌ nequeꞌiloc reheb. Quipletic riqꞌuineb laj Moab, ut eb laj Amón, ut eb laj Edom. Ut quipletic ajcuiꞌ riqꞌuineb lix reyeb laj Soba, joꞌ eb ajcuiꞌ laj filisteo. Saꞌ chixjunil li tenamit li queꞌpletic cuiꞌ, eb laj Israel queꞌnumta saꞌ xbe̱neb li xicꞌ nequeꞌiloc reheb.

1 Samuel 10:7

Nak ta̱cꞌul li cꞌaꞌak re ru aꞌin, la̱at ta̱ba̱nu li cꞌaꞌru nacacuecꞌa nak us xba̱nunquil xban nak li Ka̱cuaꞌ cua̱nk a̱cuiqꞌuin.

1 Samuel 19:3

La̱in tinxic cuochben lin yucuaꞌ saꞌ li cꞌaleba̱l nachꞌ cuancat cuiꞌ. Tina̱tinak cha̱cuix. Cꞌaꞌ na ru tixye lin yucuaꞌ, la̱in tinye cuiꞌchic a̱cue, chan.

1 Samuel 20:12

Ut laj Jonatán quixye re laj David: —Saꞌ xcꞌabaꞌ li Ka̱cuaꞌ li kaDios la̱o aj Israel, la̱in ninye a̱cue nak saꞌ ajcuiꞌ li ho̱nal aꞌin cuulaj malaj ut caꞌbej, la̱in tina̱tinak riqꞌuin lin yucuaꞌ. Cui sa saꞌ xchꞌo̱l a̱cuiqꞌuin, la̱in tintakla xyebal a̱cue.

1 Samuel 20:14

Cui ut toj yoꞌyo̱kin chaba̱nuhak usilal cue joꞌ nak naxba̱nu usilal a̱cue la̱at li Ka̱cuaꞌ re nak incꞌaꞌ tincamsi̱k.

1 Reyes 1:37

Joꞌ nak quicuan a̱cuiqꞌuin, at rey, joꞌcan taxak nak chicua̱nk riqꞌuin laj Salomón. Ut kꞌaxal taxak nimak xcuanquil laj Salomón chiru la̱ cuanquil la̱at, chan.