1 Samuel 2:7 - Li Santil hu

⁷ Cui li Dios naraj nak nebaꞌak junak, li jun aꞌan nebaꞌ. Ut cui li Dios naraj nak biomak, biomak ajcuiꞌ. Ut li ani naraj, narisi xcuanquil. Ut li ani naraj xqꞌuebal xcuanquil, naxqꞌue xcuanquil.

Q'eqchi Bible

⁷ Li Qaawa' nab'ihomob'resink ut namaq'ok, najuk'uk ut nawaklesink wi' chik.

1 Samuel 2:7 ပူးပေါင်းရင်းမြစ်များ

Salmos 75:7

Caꞌaj cuiꞌ li Dios, aꞌan li narakoc a̱tin chi tzꞌakal. Li ani naraj naxqꞌue xcuanquil ut li ani naraj narisi xcuanquil.

Li xHu LAJ JOB 5:11

Ut naxqꞌueheb xcuanquil li ma̱cꞌaꞌeb xcuanquil. Ut eb li raheb xchꞌo̱l, naxqꞌue xsahil xchꞌo̱leb.

Li xHu LAJ JOB 1:21

Ut quixye: —Ma̱cꞌaꞌ cuan cue saꞌ li ruchichꞌochꞌ aꞌin nak quinyoꞌla ut ma̱cꞌaꞌ ajcuiꞌ tincꞌam chicuix nak tinca̱mk. Li Ka̱cuaꞌ xqꞌuehoc cue chixjunil li cꞌaꞌru cuan cue ut aꞌan x-isin re chicuu. Lokꞌoninbil taxak xcꞌabaꞌ li Ka̱cuaꞌ, chan.

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Salmos 102:10

Cꞌajoꞌ li raylal xincꞌul xban nak yo̱ a̱joskꞌil saꞌ inbe̱n. Xbe̱n cua xina̱cuosobtesi, abanan anakcuan xacubsi incuanquil.

2 Reyes 9:6

Quicuacli ut laj Jehú ut queꞌoc saꞌ cab xjuneseb. Ut li profeta quixqꞌue li aceite saꞌ xjolom ut quixye re: —Joꞌcaꞌin xye li Ka̱cuaꞌ li nequeꞌxlokꞌoni eb laj Israel, “Anakcuan xatinxakab chokꞌ xreyeb lin tenamit Israel.

Li xHu LAJ JOB 40:12

Cꞌut xxuta̱neb li nequeꞌxnimobresi ribeb ut sach ruheb li incꞌaꞌ useb xnaꞌleb toj bar cuanqueb cuiꞌ.

1 Crónicas 29:12

La̱at nacatqꞌuehoc re li biomal ut li lokꞌal. La̱at yal a̱cue saꞌ xbe̱n chixjunil. Saꞌ a̱cuukꞌ cuan li cacuilal ut li cuanquilal. La̱at nacatqꞌuehoc re li junju̱nk lix cacuilal ut lix cuanquilal.

2 Crónicas 32:27

Laj Ezequías nabal lix biomal quicuan ut lix lokꞌal. Quixchꞌutub nabal lix plata, lix oro, ut lix cha̱bil pec li terto xtzꞌak, joꞌ ajcuiꞌ lix sununquil ban, lix chꞌi̱chꞌ ut chixjunil li cꞌaꞌak re ru terto xtzꞌak.

2 Crónicas 32:29

Nabal li tenamit li quixyi̱b laj Ezequías ut nabaleb lix queto̱mk ut lix carner xban nak li Ka̱cuaꞌ quirosobtesi ut quixqꞌue nabal lix biomal.

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Proverbios 22:2

Li biom ut li nebaꞌ juntakꞌe̱teb xban nak li Dios quiyi̱ban reheb.

Jeremías 49:15

Li Dios quixye: —Anakcuan la̱in tincuisi lix cuanquileb saꞌ xya̱nkeb li xni̱nkal ru tenamit ut tzꞌekta̱nanbilakeb chic.

Ezequiel 17:24

Chixjunileb li cheꞌ li cuanqueb saꞌ li qꞌuicheꞌ teꞌxnau nak la̱in nintꞌaneb li cheꞌ li najt xteram ut ninqꞌue chi qꞌui̱c li cocꞌ rokeb. La̱in ninchakihobresiheb li cheꞌ li rax ru ut ninqꞌueheb chi raxocꞌ li chaki. La̱in li Ka̱cuaꞌ quinyehoc re aꞌin ut la̱in ninba̱nu li cꞌaꞌru ninye.—