1 Samuel 2:5 - Li Santil hu

⁵ Li cuanqueb nabal cꞌaꞌru eb re nak xeꞌcuan, anakcuan ma̱cꞌaꞌ chic cꞌaꞌru reheb. Yo̱queb chi trabajic chi cau re nak ta̱cua̱nk caꞌchꞌinak xtzacae̱mkeb. Ut eb li ma̱cꞌaꞌ cuan reheb re teꞌtzaca̱nk nak xeꞌcuan, anakcuan cuan chic cꞌaꞌruheb re. Ut li ixk li incꞌaꞌ naqꞌuiresin, xeꞌcuan cuukub xcocꞌal. Abanan li ixk li xcuan nabal xcocꞌal, anakcuan incꞌaꞌ chic naqꞌuiresin.

Q'eqchi Bible

⁵ Li xe'xb'ut xsa'eb' yookeb' chi k'anjelak anaqwan chirix li xwaheb', ut eb' li te'tz'okaaq ink'a' chik neke'xtawasi rib'eb'. Li xma'al ixq wuqub' sut x'alank, ut li naab'aleb' xkok'al yo chi tixk anaqwan.

1 Samuel 2:5 ပူးပေါင်းရင်းမြစ်များ

San Lucas 1:53

Li ma̱cꞌaꞌ cuan reheb naxqꞌue chi nabal cꞌaꞌru reheb. Ut eb li biom naxtaklaheb chi ma̱cꞌaꞌ cuan reheb.

Salmos 113:9

Naxqꞌueheb ralal xcꞌajol li ixk li incꞌaꞌ nequeꞌqꞌuiresin. Ut naxqꞌueheb xsahil xchꞌo̱l saꞌ li rochocheb. ¡Lokꞌoninbil taxak li Ka̱cuaꞌ!

Jeremías 15:9

Ta̱lucta̱k xchꞌo̱l li naꞌbej li quicuan cuukub xcocꞌal. Incꞌaꞌ chic ta̱ru̱k ta̱musikꞌak. Ut toj sa̱j nak ta̱ca̱mk. Sachso xchꞌo̱l ut ta̱xuta̱na̱k ta̱cana̱k xban nak ma̱cꞌaꞌ chic xcocꞌal. Ut cui cuanqueb li teꞌcolekꞌ, eb li xicꞌ nequeꞌiloc reheb teꞌxcamsiheb chi chꞌi̱chꞌ. La̱in li Ka̱cuaꞌ ninyehoc re aꞌan.—

Salmos 34:10

Li nequeꞌxye nak cauheb rib xjuneseb chanchaneb li cakcoj. Eb aꞌan teꞌraj ru cuaꞌac xban nak teꞌtzꞌoca̱k. Abanan li nequeꞌxtzꞌa̱ma xtenkꞌanquil chiru li Dios, aꞌan incꞌaꞌ napaltoꞌ li cꞌaꞌru us chiruheb.

San Lucas 16:25

Ut laj Abraham quixye re: “At cuas cui̱tzꞌin, julticak a̱cue nak toj yoꞌyo̱cat saꞌ ruchichꞌochꞌ nabal a̱biomal ut kꞌaxal sa nak xatcuan. Ut laj Lázaro cꞌajoꞌ li raylal quixcꞌul. Anakcuan cꞌojobanbil xchꞌo̱l laj Lázaro arin ut la̱at kꞌaxal ra cuancat.

Isaías 54:1

Li Ka̱cuaꞌ quixye: —Bichankex la̱ex aj Jerusalén. Junxil chanchanex li ixk li incꞌaꞌ naqꞌuiresin. Abanan anakcuan naru te̱jap e̱re chi bicha̱nc xban xsahil e̱chꞌo̱l. Anakcuan kꞌaxal cuiꞌchic nabaleb le̱ ralal e̱cꞌajol chiruheb li queꞌcuan junxil. Chanchanex chic jun li ixk nabaleb xcocꞌal.

1 Samuel 1:6

Joꞌcan nak lix Penina li xcab rixakil naxchꞌiꞌchꞌiꞌi lix Ana ut naxqꞌue xrahil xchꞌo̱l rajlal xban nak li Dios incꞌaꞌ quixqꞌue chi qꞌuiresi̱nc.

1 Samuel 1:20

Quicuulac xkꞌehil nak quiyoꞌla lix cꞌulaꞌal lix Ana. Ut aj Samuel quixqꞌue chokꞌ xcꞌabaꞌ xban nak li cꞌulaꞌal aꞌan tzꞌa̱manbil chiru li Dios.

Gálatas 4:27

Joꞌcaꞌin tzꞌi̱banbil saꞌ li Santil Hu: Chisahokꞌ taxak saꞌ a̱chꞌo̱l, at ixk, li incꞌaꞌ nacatqꞌuiresin. Jap a̱cue xban xsahil a̱chꞌo̱l la̱at li incꞌaꞌ a̱cuecꞌahom xrahil li ala̱nc, la̱at li tzꞌekta̱nanbilat xban la̱ be̱lom. Chisahokꞌ taxak saꞌ a̱chꞌo̱l xban nak kꞌaxal nabal cuiꞌchic la̱ cualal a̱cꞌajol ta̱cua̱nk chiruheb li ralal xcꞌajol li lokꞌbil mo̱s. (Isa. 54:1)

Li xHu LIX RUT 4:15

Ut aꞌan taxak ta̱cꞌojoba̱nk a̱chꞌo̱l ut tixqꞌue xcacuil a̱chꞌo̱l saꞌ a̱ti̱xilal. La̱ cualib, li kꞌaxal narahoc a̱cue, xqꞌuehoc a̱cue la̱ cui. La̱ cualib, aꞌan li kꞌaxal lokꞌ cha̱cuu chiru cuukub chi cocꞌal, chanqueb re lix Noemí.

Isaías 33:9

Ma̱cꞌaꞌ chic li acui̱mk saꞌ lix chꞌochꞌeb. Kꞌaxal ra saꞌ xchꞌo̱l li naꞌajej. Quicꞌuteꞌ xxuta̱n li tenamit Líbano. Ut li ru takꞌa Sarón quisukꞌisi̱c chaki chꞌochꞌ. Ma̱cꞌaꞌ chic xxak li cheꞌ li cuan Basán, chi moco cuan xxak li cheꞌ li cuan saꞌ li tzu̱l Carmelo.