1 Samuel 2:4 - Li Santil hu

⁴ Aꞌan quixsach ru li tzimaj li nacꞌanjelac chiruheb li cauheb rib chi pletic ut aꞌ chic li ma̱cꞌaꞌeb xmetzꞌe̱u, aꞌaneb chic li cauheb rib.

Q'eqchi Bible

⁴ Li xna' simaj eb' li kaweb' rib' xe'toqje'k chiruheb', ut eb' li neke'parpotk xe'chalk xkawilaleb'.

1 Samuel 2:4 ပူးပေါင်းရင်းမြစ်များ

Salmos 76:3

Aran Jerusalén li Dios quixtenkꞌaheb lix tenamit. Chanchan nak quilajxtoki chixjunil li chꞌi̱chꞌ li nacꞌanjelac re pletic reheb li xicꞌ nequeꞌiloc ke. Li Dios quixtoki li tzimaj li nequeꞌcutuc cuiꞌ ut li chꞌi̱chꞌ li caꞌ pacꞌal xkꞌesnal joꞌqueb ajcuiꞌ li chꞌi̱chꞌ li nequeꞌxqꞌue chire xchꞌo̱l re xcolbal ribeb.

Salmos 37:15

Abanan eb aꞌan ajcuiꞌ li teꞌcamsi̱k chiruheb lix chꞌi̱chꞌ. Ut lix tzimaj telajeꞌtokekꞌ.

Filipenses 4:13

La̱in nincuy xnumsinquil chixjunil li raylal xban nak li Cristo naxqꞌue xcacuilal inchꞌo̱l re nak tincuy xnumsinquil.

Salmos 46:9

Li Ka̱cuaꞌ Dios, aꞌan li narakoc re li ple̱t saꞌ chixjunil li ruchichꞌochꞌ. Naxtokeb li tzimaj ut naxtokiheb li chꞌi̱chꞌ re camsi̱nc ut naxcꞌateb ajcuiꞌ li carruaje re pletic.

Hebreos 11:34

Xban lix pa̱ba̱leb incꞌaꞌ queꞌcꞌat nak queꞌcuteꞌ saꞌ xam. Cuan queꞌcamsi̱c raj chi chꞌi̱chꞌ, aban incꞌaꞌ queꞌyoqꞌueꞌ. Riqꞌuin lix pa̱ba̱leb, queꞌqꞌueheꞌ xcacuilal li ma̱cꞌaꞌeb xmetzꞌe̱u. Nak queꞌpletic riqꞌuineb li jalanil tenamit, queꞌnumta xcuanquil saꞌ xbe̱neb xban li Dios toj retal queꞌre̱chani li tenamit.

2 Corintios 12:9

Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

Salmos 37:17

Li Ka̱cuaꞌ tixsach xcuanquileb li incꞌaꞌ useb xnaꞌleb ut tixcoleb li ti̱queb xchꞌo̱l.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

Efesios 6:14

Xakxo̱kex biꞌ chi cau. Aꞌan aꞌin li ta̱cꞌanjelak che̱ru re xcolbal e̱rib chiru laj tza. Li ya̱l ta̱cꞌanjelak joꞌ xcꞌa̱mal e̱saꞌ ut li ti̱quil chꞌo̱lej ta̱cꞌanjelak joꞌ li chꞌi̱chꞌ naramoc re le̱ chꞌo̱l.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

Salmos 18:39

La̱at xatqꞌuehoc inmetzꞌe̱u re tinpletik. La̱at xakꞌaxtesiheb li xicꞌ nequeꞌiloc cue rubel incuanquil.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

Isaías 40:29

Aꞌan naxqꞌue xcacuilal li tacuajenak, ut naxqꞌue xmetzꞌe̱u li ma̱cꞌaꞌ xmetzꞌe̱u.

Jeremías 51:56

Teꞌcha̱lk chixsachbal li tenamit Babilonia. Eb lix soldado laj Babilonia teꞌchapekꞌ ut teꞌtokekꞌ lix tzimaj. La̱in li Ka̱cuaꞌ tinqꞌueheb laj Babilonia chixtojbal xma̱queb joꞌ xcꞌulubeb xcꞌulbal.