1 Samuel 2:35 - Li Santil hu

³⁵ La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

Q'eqchi Bible

³⁵ Chirix chik a'an laa'in tinsik' ru jun aj tij tiik ru li xyu'am, li tixb'aanu jo' naraj linch'ool ut li wajom. Tink'e jun xjunkab'al li ink'a' taa'oso'q, ut eb' li ralal xk'ajol te'k'anjelaq junelik chiru li awab'ej yulb'il inb'aan.

1 Samuel 2:35 ပူးပေါင်းရင်းမြစ်များ

2 Samuel 7:27

At nimajcual Dios, la̱at li kaDios la̱o aj Israel. La̱at xacꞌutbesi chicuu nak xakxo̱k saꞌ xnaꞌaj lin cuanquil chi junelic. La̱at xaye cue nak eb li cualal incꞌajol teꞌoc chokꞌ rey chi junelic. Joꞌcan nak la̱in aj cꞌanjel cha̱cuu, yo̱quin chixtzꞌa̱manquil cha̱cuu li usilal aꞌin.

1 Reyes 11:38

Cui la̱at ta̱ba̱nu li cꞌaꞌru tatintakla cuiꞌ, ut cui tatcua̱nk saꞌ ti̱quilal chicuu, ut cui ta̱ba̱nu li cꞌaꞌru naxye lin chakꞌrab joꞌ quixba̱nu laj David laj cꞌanjel chicuu, la̱in cua̱nkin a̱cuiqꞌuin. Ut tinxakab saꞌ xnaꞌaj la̱ cuanquilal, la̱at joꞌ eb ajcuiꞌ la̱ cualal a̱cꞌajol, joꞌ nak quinxakab xcuanquil laj David.

2 Samuel 7:11

Chalen nak xebinxakab chak laj rakol a̱tin chi takla̱nc saꞌ xbe̱neb lin tenamit Israel, nabal li raylal xeꞌxcꞌul xbaneb li xicꞌ nequeꞌiloc reheb. Anakcuan la̱in tatinqꞌue chi hila̱nc riqꞌuin li raylal aꞌin. Incꞌaꞌ chic texchꞌiꞌchꞌiꞌi̱k xbaneb li xicꞌ nequeꞌiloc e̱re. Ut tinqꞌueheb a̱cualal a̱cꞌajol.

1 Samuel 25:28

Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

Salmos 18:50

Li Ka̱cuaꞌ quixqꞌue li rey chi numta̱c saꞌ xbe̱neb li xicꞌ nequeꞌiloc re. Li Ka̱cuaꞌ naruxta̱na ru li rey David, li sicꞌbil ru xban. Junelic tixra aꞌan joꞌqueb ajcuiꞌ li ralal xcꞌajol.

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

1 Crónicas 29:22

Queꞌcuaꞌac ut queꞌucꞌac chiru li Ka̱cuaꞌ saꞌ li cutan aꞌan chi kꞌaxal sa saꞌ xchꞌo̱leb. Ut queꞌxxakab cuiꞌchic xcaꞌ sut laj Salomón li ralal laj David chokꞌ xreyeb. Ut chiru li Ka̱cuaꞌ queꞌxqꞌue li aceite saꞌ xjolom re xxakabanquil chokꞌ rey ut queꞌxxakab laj Sadoc chokꞌ aj tij.

1 Reyes 2:35

Ut li rey Salomón quixqꞌue laj Benaía li ralal laj Joiada chi takla̱nc saꞌ xbe̱neb li soldados chokꞌ re̱kaj laj Joab. Ut quixqꞌue laj Sadoc laj tij chi cꞌanjelac chokꞌ re̱kaj laj Abiatar.

1 Reyes 1:45

Laj Sadoc laj tij ut li profeta Natán queꞌxqꞌue li aceite saꞌ xjolom laj Salomón ut queꞌxxakab chokꞌ rey aran cuan cuiꞌ li yuꞌam haꞌ Gihón. Ut queꞌsukꞌi chi sa saꞌ xchꞌo̱leb. Aꞌan aꞌin li choki̱nc li yo̱quex chirabinquil.

1 Reyes 1:8

Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

1 Samuel 16:13

Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

1 Samuel 12:3

Xakxo̱quin che̱ru anakcuan. Yehomak cue lix ya̱lal chiru li Ka̱cuaꞌ Dios ut chiru ajcuiꞌ li rey li quixsicꞌ ru chi cꞌamoc be che̱ru. ¿Ma cuan junak xinmakꞌ xbo̱yx? ¿Ma cuan junak xinmakꞌ xbu̱r? ¿Ma cuan junak xincuelkꞌa cꞌaꞌru re? ¿Ma cuan junak xinrahobtesi? ¿Ma xinqꞌue cuib chi tumina̱c re nak incꞌaꞌ tinye li ya̱l? Cui cuan li incꞌaꞌ us xinba̱nu, yehomak cue anakcuan re nak naru tinyi̱b ru li incꞌaꞌ us xinba̱nu, chan.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

Salmos 2:2

Eb li rey queꞌjoskꞌoꞌ riqꞌuin li cꞌaꞌru quixba̱nu li Ka̱cuaꞌ. Ut queꞌxchꞌutub rib chixcꞌu̱banquil chanru nak teꞌrisi saꞌ xcuanquil li Rey xakabanbil chak xban li Dios.

Números 25:13

Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Éxodo 1:21

Li cuib chi ixk, li nequeꞌxococ cꞌulaꞌal, queꞌxxucua ru li Dios. Joꞌcan nak li Dios quirosobtesiheb ut quixqꞌueheb nabal li ralal xcꞌajoleb.

1 Samuel 2:36

Ut eb la̱ cuechꞌalal li incꞌaꞌ teꞌca̱mk teꞌxic riqꞌuin laj tij li tinsicꞌ ru ut teꞌxtzꞌa̱ma xtzacae̱mkeb ut xtumineb re. Ut teꞌxtzꞌa̱ma chiru nak tixcanabeb chi cꞌanjelac saꞌ xya̱nkeb laj tij re nak teꞌtzaca̱nk,” chan li Ka̱cuaꞌ.—

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

1 Samuel 7:9

Laj Samuel quixcamsi jun li chꞌina carner ut quixcꞌat chi jun chokꞌ xmayej chiru li Ka̱cuaꞌ. Quixtzꞌa̱ma xtenkꞌanquileb laj Israel. Ut li Ka̱cuaꞌ quirabi lix tij.

1 Samuel 8:3

Abanan eb li alalbej incꞌaꞌ queꞌrakoc a̱tin saꞌ xya̱lal joꞌ quixba̱nu li yucuaꞌbej. Yo̱queb chixrahinquil ru li tumin. Nequeꞌtumina̱c ru. Ut incꞌaꞌ nequeꞌrakoc a̱tin saꞌ ti̱quilal.

1 Samuel 9:12

Eb li tukꞌ ixk queꞌxye re: —Arin cuan. Caꞌchꞌin chic ma̱ nequexcuulac. Se̱bahomak e̱rib chi xic re nak te̱tau. Xcꞌulun anakcuan xban nak tento nak ta̱mayejak chiru li Ka̱cuaꞌ saꞌ xbe̱n li artal li cuan saꞌ li tzu̱l.

1 Samuel 9:13

Nak tex-oc saꞌ li tenamit, texxic riqꞌuin saꞌ junpa̱t nak toj ma̱jiꞌ naxic chi mayejac saꞌ li tzu̱l saꞌ xcꞌabaꞌeb li tenamit. Eb li bokbileb incꞌaꞌ teꞌcuaꞌak cui toj ma̱jiꞌ nacuulac aꞌan. Tento nak li profeta ta̱rosobtesi li mayej xbe̱n cua, tojoꞌnak teꞌcuaꞌak li tenamit. Ayukex anakcuan ut te̱tau li profeta, chanqueb.

1 Samuel 10:9

Nak laj Saúl quixsukꞌisi rib re nak ta̱e̱lk riqꞌuin laj Samuel, li Dios quixjalanobresi lix naꞌleb. Ut quilajcꞌulman chixjunil li cꞌaꞌru quixye laj Samuel saꞌ li cutan aꞌan.

1 Samuel 10:10

Mokon nak laj Saúl quicuulac Gabaa rochben lix mo̱s, queꞌxcꞌul li jun chꞌu̱tal li profetas yo̱queb chi cubec saꞌ li tzu̱l. Yo̱queb chixlokꞌoninquil li Ka̱cuaꞌ. Ut laj Saúl quirecꞌa lix cuanquil li Dios nak quichal saꞌ xbe̱n ut qui-oc chi yehoc ra̱tin profeta rochbeneb.