1 Samuel 2:3 - Li Santil hu

³ Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

Q'eqchi Bible

³ Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

1 Samuel 2:3 ပူးပေါင်းရင်းမြစ်များ

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

1 Reyes 8:39

Ut la̱at ta̱cuabi lix tijeb toj saꞌ li choxa li cuancat cuiꞌ chak. Ut ta̱cuy xma̱queb. La̱at tatrakok a̱tin saꞌ xbe̱neb aꞌ yal chanru lix naꞌlebeb cha̱cuu. La̱at nacanau cꞌaꞌru cuan saꞌ li ra̱meb xban nak la̱at nacanau cꞌaꞌru cuan saꞌ lix cꞌaꞌuxeb li cuanqueb saꞌ li ruchichꞌochꞌ.

Proverbios 24:12

Usta ta̱ye nak ma̱cꞌaꞌ nacanau, abanan li Dios naxnau cꞌaꞌru cuan saꞌ a̱chꞌo̱l. Li Dios na-iloc a̱cue ut naxnau cꞌaꞌru yo̱cat. Aꞌan ta̱kꞌajca̱mu̱nk a̱cue aꞌ yal chanru la̱ yehom a̱ba̱nuhom.

Hebreos 4:12

Li ra̱tin li Dios yoꞌyo ut kꞌaxal nim xcuanquil. Chanchan jun chꞌi̱chꞌ caꞌ pacꞌal xkꞌesnal. Riqꞌuin lix nimal xcuanquil, li ra̱tin li Dios nacuulac toj saꞌ xchamal li ka̱m. Ut naxcꞌutbesi chiku chanru li kanaꞌleb ut chanru li kacꞌaꞌux.

Proverbios 16:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan, li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Salmos 147:5

Kꞌaxal nim xcuanquil li Ka̱cuaꞌ li kaDios ut kꞌaxal cau rib. Kꞌaxal numtajenak lix naꞌleb. Ma̱cꞌaꞌ xbisbal.

Salmos 94:4

¿Joꞌ najtil chic teꞌxkꞌetkꞌeti ribeb li incꞌaꞌ useb xnaꞌleb? ¿Joꞌ najtil chic teꞌxnimobresi ribeb riqꞌuin li cꞌaꞌru nequeꞌxye?

Salmos 44:21

la̱at xanau raj ajcuiꞌ xban nak ma̱cꞌaꞌ mukmu cha̱cuu. La̱at nacanau chixjunil.

Li xHu LAJ JOB 31:6

Chitzꞌilok taxak a̱tin li Dios saꞌ ti̱quilal chicuix re nak tixqꞌue retal nak ti̱c inchꞌo̱l.

1 Samuel 16:7

Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Malaquías 3:13

—Kꞌaxal ra nanak cuiꞌ le̱ ra̱tin xeye cue, chan li Ka̱cuaꞌ. Ut toj nequeye, “¿Cꞌaꞌru xkaye? ¿Cꞌaꞌru xatkahob cuiꞌ?” chanquex.

Daniel 5:27

Tekel: Xatxbis riqꞌuin lix bisleb ut nacꞌutun nak incꞌaꞌ us la̱ naꞌleb.

Daniel 4:37

Ut anakcuan la̱in li rey Nabucodonosor ninlokꞌoni li tzꞌakal Rey li cuan saꞌ choxa. Ninnima ru ut ninqꞌue xlokꞌal xban nak naxba̱nu chixjunil saꞌ xya̱lal ut saꞌ ti̱quilal. Ut naxcubsi xcuanquil li ani naxnimobresi rib xjunes, chan laj Nabucodonosor.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Isaías 26:7

Ti̱c ru li be li nequeꞌnumeꞌ cuiꞌ li ti̱queb xchꞌo̱l. At Ka̱cuaꞌ, la̱at nacatti̱cobresin re li be chiruheb.

Salmos 17:10

Eb aꞌan incꞌaꞌ nequeꞌtokꞌoban u. Kꞌetkꞌeteb ut nequeꞌxnimobresi rib riqꞌuin li cꞌaꞌru nequeꞌxye.

Salmos 31:18

Chamemobresiheb li nequeꞌticꞌtiꞌic. Eb aꞌan nequeꞌxhobeb li ti̱queb xchꞌo̱l ut nequeꞌxmajecuaheb.

Salmos 75:5

Me̱nimobresi chic e̱cuanquil e̱junes ut canabomak inhobbal, chanquin reheb, chan li Dios.

Josué 22:22

—Li Ka̱cuaꞌ li nimajcual Dios, aꞌan naxnau chixjunil. Aꞌan naxnau cꞌaꞌru aj e nak xkayi̱b li artal aꞌin. Ut aꞌan ta̱cꞌutuk re lix ya̱lal che̱ru. Cui la̱o xkayi̱b li artal aꞌin re takakꞌetkꞌeti kib chiru, malaj ut re xtzꞌekta̱nanquil li Dios, choxqꞌuehak ta chi ca̱mc.

Jueces 9:38

Laj Zebul quixye re: —¿Ma incꞌaꞌ ta biꞌ cau a̱cuib? ¿Ma incꞌaꞌ ta biꞌ yo̱cat chixhobbal laj Abimelec nak xaye, “¿Cꞌaꞌru aj e nak tocꞌanjelak chiru aꞌan?” chancat. Ayu chi pletic riqꞌuineb anakcuan, chan laj Zebul.

Ezequiel 35:13

Xekꞌetkꞌeti e̱rib chicuu nak xeye li incꞌaꞌ us chicuix. Nabal xex-a̱tinac. Ut la̱in xcuabi li cꞌaꞌru xeye nak xine̱hob.