1 Samuel 2:28 - Li Santil hu

²⁸ Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

Q'eqchi Bible

²⁸ Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

1 Samuel 2:28 ပူးပေါင်းရင်းမြစ်များ

Éxodo 28:1

Saꞌ xya̱nkeb laj Israel ta̱sicꞌ ru la̱ cuas laj Aarón joꞌqueb ajcuiꞌ li ralal. Aꞌaneb laj Nadab, laj Abiú, laj Eleazar ut laj Itamar. Aꞌaneb li ta̱xakabeb chi cꞌanjelac chicuu chokꞌ aj tij.

Números 18:19

Chalen anakcuan ut chi junelic la̱in ninye nak a̱cue ut reheb la̱ cualal a̱cꞌajol li mayej li teꞌxqꞌue cue eb laj Israel. Aꞌin jun li contrato incꞌaꞌ najala li xinba̱nu a̱cuiqꞌuin ut riqꞌuineb la̱ cualal a̱cꞌajol chi junelic.—

Levítico 6:16

Ut li joꞌ qꞌuial chic li mayej li ta̱elaꞌa̱nk, teꞌxtzaca laj Aarón ut eb li ralal chi ma̱cꞌaꞌ xchꞌamal. Teꞌxtzaca saꞌ jun li naꞌajej lokꞌ. Teꞌxtzaca chiru li neba̱l li cuan chiru li Santil Naꞌajej.

Levítico 2:10

Ut li joꞌ qꞌuial chic li mayej ta̱cana̱k, aꞌan ta̱qꞌuehekꞌ re laj Aarón ut reheb li ralal. Li mayej cꞌaj aꞌan li kꞌaxal santo saꞌ xya̱nkeb li nequeꞌxcꞌat chokꞌ mayej chiru li Ka̱cuaꞌ.

Levítico 2:3

Ut li joꞌ qꞌuial chic li mayej cꞌaj li ta̱cana̱k, aꞌan ta̱qꞌuehekꞌ re laj Aarón ut reheb li ralal. Li cꞌaj aꞌan santobresinbil chic xban li ac xcꞌatman chokꞌ mayej chiru li Ka̱cuaꞌ.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

2 Samuel 12:7

Ut laj Natán quixye re: —At David, la̱at li cui̱nk aꞌan. Joꞌcaꞌin xye a̱cue li Ka̱cuaꞌ, lix Dioseb laj Israel, “La̱in xatinxakab chokꞌ xreyeb laj Israel ut xatincol chiru laj Saúl.

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Levítico 7:32

Ut li rukꞌ li cuan saꞌ xnim, teꞌxqꞌue re laj tij xban nak aꞌan li tento ta̱tzꞌak.

Éxodo 30:7

Rajlal ekꞌela nak ta̱oc laj Aarón chixyi̱banquil li candil, tixcꞌat li sununquil incienso saꞌ xbe̱n li artal aꞌan.

Éxodo 30:8

Ut tixcꞌat ajcuiꞌ rajlal ecuu nak ta̱oc chixlochbal li candil. Joꞌcan nak chalen anakcuan le̱ ralal e̱cꞌajol li teꞌcua̱nk mokon teꞌxcꞌat li incienso chicuu.

Levítico 7:36

Saꞌ li cutan nak li Ka̱cuaꞌ quixsiqꞌueb ru chi cꞌanjelac chokꞌ aj tij, li Ka̱cuaꞌ quixye nak eb laj Israel junelic teꞌxqꞌue li tib aꞌan reheb laj tij.

1 Samuel 2:18

Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

1 Samuel 14:3

(Laj tij li cuan lix efod chirix, aꞌan laj Ahías li ralal laj Ahitob. Laj Ahitob, aꞌan li ri̱tzꞌin laj Icabod. Ut laj Icabod, aꞌan li ralal laj Finees. Laj Finees, aꞌan li ralal laj Elí laj tij li nacꞌanjelac chiru li Dios aran Silo.) Ma̱ ani quinaꞌoc re nak laj Jonatán co̱ bar cuanqueb cuiꞌ laj filisteo.

2 Samuel 6:14

Laj David cuan chirix jun li efod yi̱banbil riqꞌuin li cha̱bil tꞌicr lino ut yo̱ chi xajoc chi anchal xchꞌo̱l re xqꞌuebal xlokꞌal li Dios.