1 Samuel 2:27 - Li Santil hu

²⁷ Jun lix profeta li Dios quicuulac riqꞌuin laj Elí ut quixye re: —Joꞌcaꞌin xye li Ka̱cuaꞌ: “La̱in quincꞌutbesi cuib chiru laj Aarón, la̱ xeꞌto̱nil yucuaꞌ, nak aꞌan joꞌ eb ajcuiꞌ lix comon cuanqueb chak chokꞌ rahobtesinbil mo̱s aran Egipto.

Q'eqchi Bible

²⁷ Sa'eb' li kutan a'an kichalk jun propeet rik'in laj Elí ut kixye re: “Jo'ka'in xye li Qaawa': «Naq eb' laaxe'toonil yuwa' wankeb' chaq Ejiipt chi k'anjelak chiru laj Parahón, laa'in kink'utb'esi wib' chiruheb'.

1 Samuel 2:27 ပူးပေါင်းရင်းမြစ်များ

1 Reyes 13:1

Nak laj Jeroboam yo̱ chixcꞌatbal lix incienso saꞌ li artal li quixyi̱b aran Bet-el, jun li profeta quichal chak Judá taklanbil xban li Dios.

Jueces 13:6

Ut li ixk quixserakꞌi re lix be̱lom li cꞌaꞌru quiyeheꞌ re xban li ángel. Quixye re: —Jun li cui̱nk taklanbil xban li Dios xcuulac cuiqꞌuin. Cꞌajoꞌ nak x-oc incꞌaꞌux xban. Joꞌ li aꞌan x-ángel li Ka̱cuaꞌ nak xcuil, ut la̱in incꞌaꞌ xinpatzꞌ re bar xchal chak ut ani, chi moco aꞌan xye cue ani xcꞌabaꞌ.

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

Éxodo 4:27

Li Ka̱cuaꞌ Dios quixye re laj Aarón: —Tatxic saꞌ li chaki chꞌochꞌ. Ta̱cꞌul chak laj Moisés.— Ut laj Aarón co̱ chixcꞌulbal laj Moisés saꞌ li tzu̱l bar quia̱tina̱c cuiꞌ xban li Dios. Laj Aarón quirutzꞌ ru xban nak sa saꞌ xchꞌo̱l chi rilbal.

2 Pedro 1:21

Eb li profeta ma̱ jun cua queꞌxtakla rib xjuneseb. Eb aꞌan sicꞌbileb ru xban li Dios ut queꞌa̱tinac joꞌ quiyeheꞌ chak reheb xban li Santil Musikꞌej.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

1 Samuel 9:4

Co̱ laj Saúl ut quixsiqꞌui saꞌ chixjunil lix naꞌajeb li ralal xcꞌajol laj Efraín, li tzu̱l ru. Ut quixsiqꞌui ajcuiꞌ saꞌ li naꞌajej Salisa. Abanan incꞌaꞌ quixtauheb lix bu̱r lix yucuaꞌ. Quixsiqꞌui ajcuiꞌ saꞌ li naꞌajej Saalim ut saꞌ lix naꞌajeb li ralal xcꞌajol laj Benjamín. Chi moco aran quixtauheb.

Jueces 6:8

Joꞌcan nak li Ka̱cuaꞌ quixtakla jun li profeta riqꞌuineb. Li profeta quixye reheb: —Joꞌcaꞌin xye e̱re li Ka̱cuaꞌ lix Dioseb laj Israel, “La̱in quin-isin chak e̱re aran Egipto saꞌ li naꞌajej li quexcuan cuiꞌ chokꞌ rahobtesinbil mo̱s.

Éxodo 12:43

Li Ka̱cuaꞌ Dios quixye re laj Moisés ut laj Aarón: —Joꞌcaꞌin nak texninkꞌei̱k re xjulticanquil chanru nak quexcoleꞌ nak quilajeꞌcamsi̱c li xbe̱n ralaleb laj Egipto. Ma̱ jun jalan xtenamit ta̱tzaca̱nk re li tzacae̱mk aꞌin.

Éxodo 12:1

Nak toj cuanqueb saꞌ li tenamit Egipto laj Moisés ut laj Aarón, li Ka̱cuaꞌ Dios quixye reheb:

1 Samuel 3:12

Saꞌ li cutan aꞌan la̱in tinba̱nu riqꞌuineb li ralal xcꞌajol laj Elí chixjunil li xinye re.

1 Reyes 2:27

Joꞌcan nak li rey Salomón quirisi laj Abiatar chokꞌ aj tij. Arin quitzꞌakloc ru li quixye li Ka̱cuaꞌ aran Silo chirixeb li ralal xcꞌajol laj Elí.

1 Samuel 9:6

Li mo̱s quixye re: —Saꞌ li tenamit aꞌin cuan jun li profeta naꞌno ru xban nak chixjunil li cꞌaꞌru naxye nacꞌulman. Toxic chirilbal. Ma̱re aꞌan tixye ke bar takatau eb li bu̱r, chan.