1 Samuel 2:25 - Li Santil hu

²⁵ Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Q'eqchi Bible

²⁵ Wi junaq poyanam namaakob'k chiru li ras riitz'in, li Yos truuq taa'okenq chirix. Ab'anan wi namaakob'k chiru li Qaawa', ani taa'okenq chirix?”. A'ut eb' a'an ink'a' ke'ab'ink chiru li xyuwa'eb', xb'aan naq ak wank sa' xch'ool li Qaawa' naq tento te'kamq.

1 Samuel 2:25 ပူးပေါင်းရင်းမြစ်များ

Hebreos 10:26

Cui junelic yo̱co chi ma̱cobc chi ac nakanau xya̱lal li ra̱tin li Dios, ma̱cꞌaꞌ chic xcuybal li kama̱c xban nak nakanau nak ma̱c yo̱co chixba̱nunquil.

1 Samuel 3:14

Joꞌcan nak ac xinye nak tinrakok a̱tin saꞌ xbe̱neb li ralal xcꞌajol laj Elí. Lix ma̱usilal ma̱ jokꞌe ta̱ru̱k xcuybal xsachbal riqꞌuin li mayejac xul chi moco riqꞌuin lix mayejeb, chan li Ka̱cuaꞌ.

Josué 11:20

Li Ka̱cuaꞌ quixcacuubresi lix chꞌo̱leb li tenamit li cuanqueb Canaán re nak teꞌpletik, re nak teꞌsachekꞌ ruheb chixjunileb xbaneb laj Israel. Li Ka̱cuaꞌ Dios ac quixye re laj Moisés nak incꞌaꞌ teꞌril xtokꞌoba̱l ruheb. Teꞌxcamsiheb ban chixjunileb.

Números 15:30

Abanan li ani naxkꞌet junak li chakꞌrab chi yal naraj xchꞌo̱l, li jun aꞌan ta̱camsi̱k usta aj Israel usta jalan xtenamit. Ta̱camsi̱k xban nak quinixtzꞌekta̱na la̱in li Ka̱cuaꞌ.

Proverbios 15:10

Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

1 Timoteo 2:5

Ut li ya̱l, aꞌan aꞌin: nak jun ajcuiꞌ li Dios cuan ut jun ajcuiꞌ li na-oquen ut naa̱tinac chikix chiru li Dios. Aꞌan li Ka̱cuaꞌ Jesucristo li quitzꞌejcualoꞌ nak quicꞌulun saꞌ ruchichꞌochꞌ.

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

Deuteronomio 1:17

Incꞌaꞌ te̱sicꞌ ru li ani te̱col rix. Texrakok ban a̱tin saꞌ ti̱quilal saꞌ xbe̱neb li ma̱cꞌaꞌeb xcuanquil joꞌ eb ajcuiꞌ li cuanqueb xcuanquil. Ma̱ ani te̱xucua ru xban nak li tzꞌakal aj rakol a̱tin, aꞌan li Dios. Cui kꞌaxal nim li chꞌaꞌajquilal ut incꞌaꞌ texru̱k chixyi̱banquil, te̱cꞌameb chak cuiqꞌuin ut la̱in tinrakok a̱tin saꞌ xbe̱neb,” chanquin reheb.

Salmos 51:16

Cui ta cꞌatbil mayej nacacuaj, tinqꞌue raj a̱cue. Abanan la̱at incꞌaꞌ nacacuaj li cꞌatbil mayej.

Deuteronomio 2:30

Abanan laj Sehón lix reyeb laj Hesbón incꞌaꞌ coxcanab chi numecꞌ xban nak li Ka̱cuaꞌ le̱ Dios quixcacuubresi xchꞌo̱l re nak tixkꞌaxtesi saꞌ kukꞌ li naꞌajej toj chalen anakcuan.

Hebreos 10:27

Cui junelic yo̱ko chi ma̱cobc, caꞌaj chic li rakba a̱tin ut lix xamlel li tojba ma̱c yo̱co chiroybeninquil bar cuiꞌ teꞌcꞌatekꞌ li xicꞌ nequeꞌiloc re li Ka̱cuaꞌ Dios.

Li xHu LAJ JOB 9:33

Us raj nak cuan ta junak aj rakol a̱tin cuan xcuanquil chi rakoc a̱tin saꞌ kabe̱n saꞌ cuibal.

Proverbios 29:1

Li ani incꞌaꞌ naxqꞌue saꞌ xchꞌo̱l lix kꞌusbal ta̱sachekꞌ ru chi junpa̱t ut ma̱ ani naru nacoloc re chiru li sachc.

Génesis 38:7

Laj Er kꞌaxal yibru xnaꞌleb chiru li Dios. Joꞌcan nak li Ka̱cuaꞌ Dios quixrak xcutan laj Er.

Génesis 38:10

Xban nak incꞌaꞌ quicuulac chiru li Dios li cꞌaꞌru quixba̱nu laj Onán, li Dios quixrak ajcuiꞌ lix yuꞌam aꞌan.

1 Reyes 8:31

Cui cuan junak ta̱ma̱cobk chiru li ras ri̱tzꞌin ut tixpuersi ru chixba̱nunquil li juramento chiru li artal saꞌ li templo aꞌin,

1 Reyes 8:32

la̱at ta̱cuabi toj saꞌ choxa li cꞌaꞌru teꞌxtzꞌa̱ma cha̱cuu. Tatrakok a̱tin saꞌ xbe̱neb ut ta̱qꞌueheb chixtojbal xma̱c li cuanqueb xma̱queb. Ta̱coleb rix li ma̱cꞌaꞌeb xma̱c saꞌ xcꞌabaꞌ la̱ ti̱quilal.

2 Crónicas 10:15

Li rey incꞌaꞌ quixba̱nu li queꞌxtzꞌa̱ma li tenamit xban nak ac joꞌcan chak saꞌ xchꞌo̱l li Dios. Ut re ajcuiꞌ nak ta̱tzꞌaklok ru li cꞌaꞌru quiyeheꞌ re laj Jeroboam li ralal laj Nabat xban li profeta Ahías Silo xtenamit nak quixye re li cꞌaꞌru quixye li Dios.

Proverbios 13:1

Li alalbej li cuan xnaꞌleb naxqꞌue saꞌ xchꞌo̱l lix kꞌusbal naqꞌueheꞌ xban lix yucuaꞌ. Abanan li alalbej li incꞌaꞌ naraj kꞌusecꞌ incꞌaꞌ naxqꞌue saꞌ xchꞌo̱l lix kꞌusbal.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.