1 Samuel 2:18 - Li Santil hu

¹⁸ Laj Samuel, li sa̱j al, yo̱ chi cꞌanjelac chiru li Dios, ut quixqꞌue chirix li efod yi̱banbil riqꞌuin lino joꞌ nequeꞌrocsi laj tij.

Q'eqchi Bible

¹⁸ Laj Samuel li ch'ina'al wan chaq chi k'anjelak chiru li Qaawa', tiqto rik'in efod yiib'anb'il rik'in liin.

1 Samuel 2:18 ပူးပေါင်းရင်းမြစ်များ

1 Samuel 3:1

Laj Samuel yo̱ chi cꞌanjelac chiru li Dios saꞌ xsa̱jilal ut laj Elí naxcꞌut chiru chanru tixba̱nu. Saꞌ eb li cutan aꞌan li Ka̱cuaꞌ incꞌaꞌ quira̱tinaheb li tenamit rajlal, ut moco junelic ta quixcꞌut li visión chiruheb.

Éxodo 28:4

Joꞌcaꞌin nak te̱yi̱b li rakꞌeb: li rakꞌ li nim rok li nequeꞌxqꞌue toj chi saꞌ (túnica), ut li rakꞌ jun chic li nequeꞌxqꞌue saꞌ xbe̱n (manto), ut li rakꞌ jun chic li kꞌaxal cha̱bil xyi̱banquil li nequeꞌxqꞌue toj saꞌ xbe̱n (efod). Ut teꞌxyi̱b ajcuiꞌ li tꞌicr li nequeꞌxqꞌue chire xchꞌo̱l (pectoral) joꞌ ajcuiꞌ lix cꞌa̱mal xsaꞌ (cinturón) ut li tꞌicr li nequeꞌxbacꞌ saꞌ xjolom (mitra). Joꞌcan nak yi̱bomak chi cha̱bil li rakꞌ la̱ cuas laj Aarón joꞌ eb ajcuiꞌ li ralal re nak eb aꞌan teꞌcꞌanjelak chicuu chokꞌ aj tij.

1 Samuel 2:11

Chirix aꞌan, laj Elcana quisukꞌi saꞌ rochoch aran Ramá. Abanan laj Samuel, li chꞌina al, quicana ut yo̱ chi cꞌanjelac chiru li Dios. Ut laj Elí, laj tij, yo̱ chi cꞌamoc be chiru.

2 Samuel 6:14

Laj David cuan chirix jun li efod yi̱banbil riqꞌuin li cha̱bil tꞌicr lino ut yo̱ chi xajoc chi anchal xchꞌo̱l re xqꞌuebal xlokꞌal li Dios.

1 Samuel 22:18

Laj Saúl quixye re laj Doeg laj Edom: —Camsiheb la̱at, chan. Ut laj Doeg quixcamsiheb chixjunileb laj tij. O̱b roꞌcꞌa̱leb (85) laj tij, li nequeꞌrocsi li efod queꞌcamsi̱c saꞌ li cutan aꞌan.

1 Crónicas 15:27

Li rakꞌ laj David cuan chirix yi̱banbil riqꞌuin li cha̱bil tꞌicr lino. Joꞌcaneb ajcuiꞌ laj levita li yo̱queb chi pako̱nc re li Lokꞌlaj Ca̱x, joꞌqueb ajcuiꞌ laj bichanel ut laj Quenanías. Aꞌan li nacꞌamoc be chiruheb laj bichanel. Laj David quirocsi ajcuiꞌ li efod yi̱banbil riqꞌuin lino.

1 Samuel 2:28

Saꞌ xya̱nkeb chixjunileb li xte̱paleb li ralal xcꞌajol laj Israel la̱in xinsicꞌ ru laj Aarón joꞌ eb ajcuiꞌ li ralal xcꞌajol, re nak teꞌcꞌanjelak chicuu chokꞌ aj tij. Teꞌmayejak chicuu chiru li artal. Teꞌxcꞌat li incienso ut teꞌrocsi li efod nak teꞌtijok chicuu. Ut xinye ajcuiꞌ reheb le̱ xeꞌto̱nil yucuaꞌ nak tento teꞌxcꞌul caꞌchꞌinak eb li mayej li nequeꞌxqꞌue eb laj Israel.

Levítico 8:7

Ut laj Moisés quixqꞌue chirix laj Aarón li rakꞌ li nim rok li nequeꞌxqꞌue toj chi saꞌ, túnica xcꞌabaꞌ. Ut quixqꞌue lix cꞌa̱mal xsaꞌ. Ut quixqꞌue ajcuiꞌ li rakꞌ jun chic li nequeꞌxqꞌue saꞌ xbe̱n, manto xcꞌabaꞌ. Chirix aꞌan quixqꞌue li efod ut quixbacꞌ riqꞌuin xcꞌa̱mal.

1 Samuel 14:3

(Laj tij li cuan lix efod chirix, aꞌan laj Ahías li ralal laj Ahitob. Laj Ahitob, aꞌan li ri̱tzꞌin laj Icabod. Ut laj Icabod, aꞌan li ralal laj Finees. Laj Finees, aꞌan li ralal laj Elí laj tij li nacꞌanjelac chiru li Dios aran Silo.) Ma̱ ani quinaꞌoc re nak laj Jonatán co̱ bar cuanqueb cuiꞌ laj filisteo.