1 Samuel 2:15 - Li Santil hu

¹⁵ Ut nak toj ma̱jiꞌ nacꞌatman lix xe̱bul li tib li ta̱mayeja̱k, lix mo̱s laj tij nachal ut naxye reheb li cristian: —Qꞌue caꞌchꞌinak xtib laj tij re tixpom, xban nak aꞌan incꞌaꞌ naxcꞌul li tib nak ac chikbil. Caꞌaj cuiꞌ li tib toj rax naxcꞌul, chan.

Q'eqchi Bible

¹⁵ Jo'kan ajwi', naq toj maji' nak'atmank li xeeb', nachalk laj k'anjel chiru laj tij ut naxye re li yo chi mayejak: “K'e kach'inaq xtib' laj tij re naq tinpom. Tento naq a'anaq rax tib'; moko tink'ul ta chawu wi chiqb'ilaq”.

1 Samuel 2:15 ပူးပေါင်းရင်းမြစ်များ

Levítico 3:16

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Filipenses 3:19

Eb aꞌan incꞌaꞌ us yo̱queb. Li cꞌaꞌru nequeꞌxrahi ru xba̱nunquil, aꞌan chic lix dioseb chiruheb xban nak junes aꞌan chic nequeꞌxcꞌoxla. Nequeꞌxnimobresi ribeb riqꞌuin xba̱nunquil li incꞌaꞌ us, usta xuta̱nal raj chokꞌ reheb. Junes li cꞌaꞌru cuan saꞌ ruchichꞌochꞌ nequeꞌxcꞌoxla. Eb aꞌan teꞌsachekꞌ saꞌ li tojba ma̱c.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

San Judas 1:12

Xuta̱nal chokꞌ e̱re nak cuanqueb laj balakꞌ saꞌ e̱ya̱nk nak nequeba̱nu le̱ ninkꞌe re sahil chꞌo̱lej. Eb laj balakꞌ caꞌaj cuiꞌ li numcuaꞌac ut num ucꞌac nequeꞌxba̱nu ut incꞌaꞌ nequeꞌxuta̱nac. Junes xchꞌolaninquileb rib nequeꞌxcꞌoxla. Eb laj balakꞌ aꞌan chanchaneb li chok li ma̱cꞌaꞌ hab chi saꞌ, li nacꞌameꞌ yalak bar xban li ikꞌ. Laj balakꞌ ma̱cꞌaꞌ nequeꞌoc cuiꞌ. Chanchaneb li cheꞌ li incꞌaꞌ nequeꞌu̱chin, li namichꞌman chi junaj cua ut nachakic.

Éxodo 12:9

Me̱tiu li tib chi rax chi moco chi caltinbil. Chi pombil ban te̱tiu. Te̱pom chi tzꞌakal jun, rochben lix jolom joꞌ ajcuiꞌ li rok, li rukꞌ ut li cuan chi saꞌ. Caꞌaj cuiꞌ lix tzꞌaj te̱risi.

1 Samuel 2:14

Lix mo̱s naxchꞌic li chꞌi̱chꞌ saꞌ li ucꞌal, malaj li secꞌ, li yo̱ cuiꞌ chi chakꞌac li tib. Nak quirisi li chꞌi̱chꞌ, li joꞌ qꞌuial li narisi chak chi ruꞌuj li chꞌi̱chꞌ, aꞌan re laj tij. Joꞌcan nequeꞌxba̱nu riqꞌuineb chixjunileb laj Israel li queꞌchal chi mayejac aran Silo.

1 Samuel 2:16

Abanan cuan nak li cristian queꞌchakꞌoc ut queꞌxye: —Incꞌaꞌ. Kaba̱nuhak ban saꞌ xya̱lal. Kacꞌatak cuan xbe̱n cua lix xe̱b, tojoꞌnak te̱cꞌam li joꞌ qꞌuial te̱raj.— Ut cui xsume chi joꞌcan, quijoskꞌoꞌ lix mo̱s laj tij ut quixye: —Qꞌue cue anakcuan. Cui incꞌaꞌ nacaqꞌue cue anakcuan, la̱in tinchap chi pue̱rs, chan.