1 Samuel 2:12 - Li Santil hu

¹² Eb li ralal laj Elí incꞌaꞌ useb xnaꞌleb ut incꞌaꞌ queꞌxqꞌue xlokꞌal li Ka̱cuaꞌ Dios.

Q'eqchi Bible

¹² Eb' li ralal laj Elí ink'a' useb' xna'leb' ut ink'a' neke'xk'e xloq'al li Qaawa',

1 Samuel 2:12 ပူးပေါင်းရင်းမြစ်များ

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

2 Corintios 6:15

¿Ma naru ta biꞌ ta̱cua̱nk chi sum a̱tin li Cristo riqꞌuin laj tza? ¿Ma naru ta biꞌ teꞌcua̱nk chi sum a̱tin laj pa̱banel riqꞌuineb li toj ma̱jiꞌ nequeꞌpa̱ban?

Jueces 2:10

Ut queꞌcam ajcuiꞌ chixjunileb laj Israel li cuanqueb nak toj yoꞌyo laj Josué. Ut eb li ralal xcꞌajol li queꞌyoꞌla mokon incꞌaꞌ chic queꞌxpa̱b li Ka̱cuaꞌ, chi moco queꞌxnau chixjunil li usilal li quixba̱nu li Dios reheb laj Israel.

Romanos 1:21

Nequeꞌxnau nak cuan li Dios, aban incꞌaꞌ queꞌxqꞌue xlokꞌal chi moco queꞌbantioxin chiru. Caꞌaj cuiꞌ li joꞌ ma̱joꞌil naꞌleb nequeꞌxcꞌoxla ut xban aꞌan nak quikꞌojyi̱noꞌ ru lix cꞌaꞌuxeb.

San Juan 17:3

Li junelic yuꞌam, aꞌan nak teꞌxnau a̱cuu la̱at li junajat chi tzꞌakal Dios ut teꞌxnau ajcuiꞌ cuu la̱in li Jesucristo li quina̱takla chak.

San Juan 16:3

Teꞌxba̱nu li raylal aꞌin e̱re xban nak incꞌaꞌ nequeꞌxnau ru lin Yucuaꞌ chi moco nequeꞌxnau cuu la̱in.

San Juan 8:55

La̱ex incꞌaꞌ nequenau ru aꞌan. Abanan la̱in ninnau ru. Cui ut tinye ta nak incꞌaꞌ ninnau ru, la̱inak raj aj ticꞌtiꞌ joꞌ la̱ex. Aban la̱in ninnau ru ut ninba̱nu li cꞌaꞌru naxye aꞌan.

Jeremías 22:16

Saꞌ xya̱lal quirakoc a̱tin saꞌ xbe̱neb li nebaꞌ ut saꞌ xbe̱neb li rahobtesinbileb. Ut us qui-el riqꞌuin chixjunil li quixba̱nu. Joꞌcan tzꞌakal inpa̱banquil, chan li Dios.

Jeremías 9:6

Cꞌajoꞌ li rahobtesi̱c nequeꞌxba̱nu. Xban nak xnumta li balakꞌic nequeꞌxba̱nu, joꞌcan nak incꞌaꞌ chic nequeꞌraj xpa̱banquil nak la̱in li Dios.—

1 Reyes 21:13

Ut queꞌcuulac li cui̱nk li incꞌaꞌ useb xnaꞌleb. Queꞌchunla chiru laj Nabot ut queꞌxye li ticꞌtiꞌ chiruheb li tenamit. Queꞌxye nak laj Nabot quixmajecua li Dios ut quixmajecua ajcuiꞌ li rey. Ut queꞌxcꞌam laj Nabot chire tenamit ut queꞌxcuti chi pec toj retal quicam.

1 Reyes 21:10

Te̱sicꞌ cuibakeb li cui̱nk li incꞌaꞌ useb xnaꞌleb. Te̱cꞌam chak chiru laj Nabot re teꞌxye nak xmajecua li Dios ut xmajecua ajcuiꞌ li rey Acab. Chirix aꞌan te̱cꞌam laj Nabot chire tenamit ut te̱cuti chi pec toj retal ta̱ca̱mk, chan saꞌ li hu.

1 Samuel 25:17

Ba̱nu usilal, cꞌoxla rix chi us cꞌaꞌru ta̱ba̱nu. Relic chi ya̱l ta̱cha̱lk raylal saꞌ xbe̱n li kapatrón ut saꞌ xbe̱n ajcuiꞌ chixjunileb lix jun cablal. Xban nak kꞌaxal joskꞌ, ma̱ ani naru naa̱tinac riqꞌuin, chan.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

1 Samuel 3:7

Laj Samuel toj ma̱jiꞌ naxnau nak li Ka̱cuaꞌ Dios yo̱ chi bokoc re xban nak li Ka̱cuaꞌ toj ma̱ jun sut naa̱tinac riqꞌuin.

Jueces 19:22

Nak sa saꞌ xchꞌo̱leb, queꞌcuulac jun chꞌu̱tal li cui̱nk li incꞌaꞌ useb xnaꞌleb. Queꞌxsut li cab ut yo̱queb chixtꞌochbal li puerta ut queꞌxye re li che̱quel cui̱nk, laj e̱chal re li cab: —Isi chak li cui̱nk li xacꞌul saꞌ la̱ cuochoch. Takaj ma̱cobc riqꞌuin, chanqueb.

Deuteronomio 13:13

nak cuanqueb cui̱nk incꞌaꞌ useb xnaꞌleb yo̱keb chixcꞌambal xbe li tenamit chixlokꞌoninquil li jalan Dios li incꞌaꞌ xelokꞌoni la̱ex.

1 Samuel 3:13

Ac xinye nak tinrakok a̱tin saꞌ xbe̱neb li ralal xcꞌajol laj Elí. Tinsach ruheb chi junaj cua xban lix ma̱usilaleb. Laj Elí naxnau nak ac xnumta xyibal ru xnaꞌlebeb li ralal ut incꞌaꞌ naxkꞌuseb.

Jeremías 9:3

Li Ka̱cuaꞌ quixye: —Junelic se̱beb xchꞌo̱l chi ticꞌtiꞌic lin tenamit. Chanchaneb li nequeꞌcutuc riqꞌuin tzimaj. Nequeꞌxqꞌue xcuanquil li ticꞌtiꞌ ut incꞌaꞌ nequeꞌxqꞌue xcuanquil li ya̱l. Numtajenak li ma̱usilal nequeꞌxba̱nu ut incꞌaꞌ nequeꞌraj xqꞌuebal inlokꞌal, la̱in li Ka̱cuaꞌ.

Ezequiel 22:26

Eb laj tij queꞌxkꞌet lin chakꞌrab ut queꞌxmux ru lin santil naꞌaj. Incꞌaꞌ nequeꞌxqꞌue retal bar cuan li santobresinbil ut bar cuan li muxbil ru, chi moco nequeꞌxcꞌut chiru li tenamit li cꞌaꞌru santobresinbil ut li cꞌaꞌru muxbil ru, chi moco nequeꞌxqꞌue xlokꞌal li hiloba̱l cutan. Ut la̱in tzꞌekta̱nanbilin xbaneb.

Deuteronomio 13:14

Cui te̱rabi resil te̱tzꞌil rix chi us. Cui te̱qꞌue retal nak ya̱l nak cuan li yo̱queb chixba̱nunquil li ma̱usilal aꞌan,