1 Samuel 2:1 - Li Santil hu

¹ Lix Ana quitijoc chiru li Dios ut quixye chi joꞌcaꞌin: —At Ka̱cuaꞌ, la̱in nasahoꞌ saꞌ inchꞌo̱l a̱cuiqꞌuin xban nak la̱at nacaqꞌue incacuilal re nak naru ninsumeheb li xicꞌ nequeꞌiloc cue. Cꞌajoꞌ xsahil inchꞌo̱l xban nak la̱at xattenkꞌan cue, chan lix Ana saꞌ lix tij.

Q'eqchi Bible

¹ Lix Ana kitijok chiru li Yos ut kixye chi jo'ka'in: “K'ajo' naq nasaho'k linch'ool rik'in li Qaawa', nintaqsi linjolom sa' xk'ab'a' linYos, sa nekeb'inse'e li xik' neke'ilok we. Laa'at xinaakol: k'ajo' xsahil li waanm!

1 Samuel 2:1 ပူးပေါင်းရင်းမြစ်များ

Salmos 13:5

La̱in cꞌojcꞌo inchꞌo̱l xban nak la̱at niquina̱ra. Nasahoꞌ inchꞌo̱l xban nak la̱at nacatcoloc cue.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Salmos 92:10

La̱at ta̱qꞌue inmetzꞌe̱u joꞌ xmetzꞌe̱u li toro ut ta̱qꞌue li sununquil ban saꞌ injolom retalil xsahil inchꞌo̱l.

Salmos 89:17

Relic chi ya̱l la̱at nacatqꞌuehoc xsahil li kachꞌo̱l ut la̱at nacatqꞌuehoc kametzꞌe̱u. Ta̱cua̱nk kacuanquil xban nak joꞌcan nacacuaj la̱at.

Filipenses 4:4

Chisahokꞌ taxak saꞌ e̱chꞌo̱l chi junelic xban nak junajex chic riqꞌuin li Ka̱cuaꞌ. Ut jun sut chic tinye e̱re: Chisahokꞌ taxak saꞌ e̱chꞌo̱l.

Salmos 20:5

Cꞌajoꞌ nak ta̱sahokꞌ saꞌ kachꞌo̱l la̱o nak ta̱cue̱chani li cꞌaꞌru xatzꞌa̱ma chiru li Dios. Tobicha̱nk chi anchal kachꞌo̱l re xlokꞌoninquil li Dios riqꞌuin li usilal xba̱nu cue. ¡Chixsume taxak li Dios chixjunil li nacatzꞌa̱ma chiru!

Salmos 9:14

re nak tinye resil xnimal la̱ cuusilal reheb li cuanqueb Jerusalén. Ut ta̱sahokꞌ inchꞌo̱l xban nak la̱at tatcolok cue.

Salmos 35:9

Tojoꞌnak ta̱sahokꞌ saꞌ inchꞌo̱l la̱in xban li rusilal li Ka̱cuaꞌ. Ta̱sahokꞌ saꞌ inchꞌo̱l xban nak aꞌan ta̱colok cue.

Filipenses 3:3

La̱o ac xkacꞌul li tzꞌakal circuncisión xban nak la̱o nakalokꞌoni li Dios joꞌ naxcꞌut chiku li Santil Musikꞌej. Aꞌan li tzꞌakal circuncisión. La̱o nasahoꞌ li kachꞌo̱l nak junajo chic riqꞌuin li Cristo yal xban xnimal rusilal. Ma̱cuaꞌ riqꞌuin li nakaba̱nu la̱o kajunes.

Romanos 5:11

Ut moco caꞌaj cuiꞌ ta li kacolbal quixqꞌue li Dios. Naxqꞌue aj ban cuiꞌ lix sahilal kachꞌo̱l saꞌ xcꞌabaꞌ li Ka̱cuaꞌ Jesucristo li quicꞌamoc ke saꞌ usilal riqꞌuin li Dios.

Habacuc 3:18

Usta chixjunil li cꞌaꞌak re ru aꞌin ma̱cꞌaꞌak chic, abanan la̱in ta̱sahokꞌ saꞌ inchꞌo̱l riqꞌuin li Ka̱cuaꞌ laj Colol cue.

Salmos 118:14

La̱in ninbichan re xlokꞌoninquil li nimajcual Dios. Aꞌan naqꞌuehoc inmetzꞌe̱u ut aꞌan nacoloc cue.

Salmos 89:24

La̱in tinra aꞌan ut tintenkꞌa. Aꞌan ta̱numta̱k saꞌ xbe̱neb li xicꞌ nequeꞌiloc re riqꞌuin li cuanquilal li tinqꞌue re.

Éxodo 15:21

Lix María quixbicha li bich aꞌin: Bichanko chiru li Ka̱cuaꞌ Dios xban nak kꞌaxal nim lix cuanquilal. Quixcuteb chi haꞌ li cacua̱y joꞌ eb ajcuiꞌ li cuanqueb chirix, chan nak quibichan.

Éxodo 15:1

Laj Moisés rochbeneb laj Israel queꞌbichan re xlokꞌoninquil li Ka̱cuaꞌ Dios. Aꞌin lix bicheb: La̱in tinbicha̱nk chiru li Ka̱cuaꞌ Dios xban nak kꞌaxal nim lix cuanquilal. Quixcanabeb chi osocꞌ saꞌ li haꞌ li cacua̱y joꞌ eb ajcuiꞌ li cuanqueb chirix.

1 Pedro 1:8

Nequera li Cristo usta incꞌaꞌ nequeril ru. Nequepa̱b li Cristo, usta incꞌaꞌ e̱rilom ru. Kꞌaxal cuiꞌchic numtajenak xsahil saꞌ e̱chꞌo̱l chixpa̱banquil. Ut incꞌaꞌ nequetau junak a̱tin re xchꞌolobanquil lix sahil e̱chꞌo̱l xban nak kꞌaxal lokꞌ.

Salmos 51:15

At Ka̱cuaꞌ, chatehak taxak lix tzꞌu̱mal cue re nak ta̱ru̱k tatinlokꞌoni.

Salmos 18:2

La̱at nacatcoloc cue. Caꞌaj cuiꞌ a̱cuiqꞌuin naru nincol cuib chiruheb li xicꞌ nequeꞌiloc cue. La̱at nacat-iloc cue, at inDios, re nak ma̱cꞌaꞌ tincꞌul. Chanchanat jun li sako̱nac bar ta̱ru̱k tincol cuiꞌ cuib. La̱at nacatcoloc cue joꞌ jun li ramleb chꞌi̱chꞌ li naxcol cuiꞌ rib li soldado. La̱at niquina̱col riqꞌuin lix nimal la̱ cuanquilal.

Habacuc 3:1

Aꞌan aꞌin jun li tij quixbicha li profeta Habacuc:

Salmos 75:10

Tinqꞌue xlokꞌal li Dios xban nak aꞌan ta̱risiheb xcuanquil li incꞌaꞌ useb xnaꞌleb. Abanan tixnimobresi xcuanquil li ti̱queb xchꞌo̱l.

Salmos 71:8

Rajlal cutan tinqꞌue a̱lokꞌal ut junelic tinnima a̱cuu.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

San Lucas 1:69

Xqꞌue jun laj Colol ke kꞌaxal nim xcuanquil. Quixsicꞌ ru saꞌ xya̱nkeb li ralal xcꞌajol li rey David laj cꞌanjel chiru.

Nehemías 11:17

Ut cuan ajcuiꞌ laj Matanías li ralal laj Micaía. Ut laj Micaía, aꞌan li ralal laj Zabdi. Ut laj Zabdi, aꞌan li ralal laj Asaf. Laj Matanías, aꞌan li quicꞌamoc be chiruheb li nequeꞌbichan re xlokꞌoninquil ut re bantioxi̱nc chiru li Dios. Ut cuan ajcuiꞌ laj Bacbuquías li natenkꞌan re laj Matanías. Ut cuan ajcuiꞌ laj Abda li ralal laj Samúa. Laj Samúa, aꞌan li ralal laj Galal. Ut laj Galal, aꞌan li ralal laj Jedutún.

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Li xHu LAJ JOB 16:15

Xban xrahil inchꞌo̱l xinqꞌue kꞌes ru tꞌicr chicuix ut xinqꞌue poks saꞌ injolom.

Salmos 148:14

Li Ka̱cuaꞌ quixnimobresi xcuanquileb laj Israel. Quixqꞌueheb xlokꞌal li ralal xcꞌajol, li sicꞌbil ru xban. ¡Lokꞌoninbil taxak li Ka̱cuaꞌ!

1 Samuel 1:6

Joꞌcan nak lix Penina li xcab rixakil naxchꞌiꞌchꞌiꞌi lix Ana ut naxqꞌue xrahil xchꞌo̱l rajlal xban nak li Dios incꞌaꞌ quixqꞌue chi qꞌuiresi̱nc.

1 Samuel 1:7

Rajlal chihab nak nequeꞌxic chi lokꞌoni̱nc saꞌ li rochoch li Dios, lix Penina rajlal naxqꞌue chi rahocꞌ xchꞌo̱l lix Ana. Joꞌcan nak lix Ana naya̱bac ut incꞌaꞌ chic nacuaꞌac xban xrahil xchꞌo̱l.

2 Crónicas 20:27

Chirix chic aꞌan laj Josafat quicꞌamoc be chiruheb laj Judá ut laj Jerusalén nak queꞌsukꞌi cuiꞌchic Jerusalén chi kꞌaxal sa saꞌ xchꞌo̱leb xban nak li Ka̱cuaꞌ quicoloc reheb saꞌ rukꞌeb li xicꞌ nequeꞌiloc reheb.

Salmos 21:2

Xasume chak li cꞌaꞌru xtzꞌa̱ma cha̱cuu. Ma̱cꞌaꞌ cꞌaꞌru xtzꞌa̱ma cha̱cuu incꞌaꞌ ta xaqꞌue.

Salmos 89:18

At nimajcual Dios, la̱at li nacatcoloc ke. La̱at li karey la̱o aj Israel. La̱at santo.