1 Samuel 19:9 - Li Santil hu

⁹ Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

Q'eqchi Bible

⁹ Ab'an sa' jun kutan laj Saúl ki'eechaniik wi' chik xb'aan li ink'a' usil musiq'ej taqlanb'il xb'aan li Qaawa'. Naq chunchu sa' rochoch ut wank xjutz' che' sa' ruq',

1 Samuel 19:9 ပူးပေါင်းရင်းမြစ်များ

1 Samuel 16:14

Ut incꞌaꞌ chic quicuan lix musikꞌ li Dios riqꞌuin laj Saúl. Li Dios quixtakla jun li ma̱us aj musikꞌej chixchꞌiꞌchꞌiꞌinquil.

1 Samuel 16:16

La̱at naru nacaye ke la̱o aj cꞌanjel cha̱cuu nak takasicꞌ junak li cui̱nk naxnau xchꞌeꞌbal li arpa. Nak ta̱cha̱lk li ma̱us aj musikꞌej cha̱chꞌiꞌchꞌiꞌinquil, li cui̱nk aꞌan tixchꞌeꞌ li arpa, ut li ma̱us aj musikꞌej tixcanab a̱chꞌiꞌchꞌiꞌinquil ut ta̱cꞌojla̱k cuiꞌchic a̱chꞌo̱l, chanqueb.

1 Samuel 19:8

Eb laj filisteo queꞌoc cuiꞌchic chi pletic riqꞌuineb laj Israel. Laj David cau quipletic ut queꞌnumta saꞌ xbe̱neb toj retal nak eb laj filisteo queꞌe̱lelic chiruheb.

1 Reyes 22:22

Li musikꞌej quixye, “La̱in tin-oc riqꞌuineb chixjunileb li profeta re nak teꞌxye ticꞌtiꞌ re laj Acab,” chan. Ut li Ka̱cuaꞌ quixye re, “Us. Ayu ut balakꞌi laj Acab. Ta̱uxma̱nk joꞌ xaye” chan.—

1 Samuel 16:15

Eb lix mo̱s queꞌxye re laj Saúl: —Qꞌue retal, at rey. Li Dios quixqꞌue jun li ma̱us aj musikꞌej re tatxchꞌiꞌchꞌiꞌi.

1 Samuel 22:6

Saꞌ jun li cutan laj Saúl quirabi nak qui-ileꞌ laj David ut eb li cuanqueb rochben. Laj Saúl cuan aran Gabaa saꞌ jun li tzu̱l. Chunchu rubel jun li cheꞌ tamarisco ut cuan xla̱ns saꞌ rukꞌ. Chꞌutchꞌu̱queb riqꞌuin chixjunileb li nequeꞌcꞌanjelac chiru.