1 Samuel 19:8 - Li Santil hu

⁸ Eb laj filisteo queꞌoc cuiꞌchic chi pletic riqꞌuineb laj Israel. Laj David cau quipletic ut queꞌnumta saꞌ xbe̱neb toj retal nak eb laj filisteo queꞌe̱lelic chiruheb.

Q'eqchi Bible

⁸ Moqon chik a'an kitiklaak wi' chik li yalok rik'ineb' laj Filistea, ut laj David koho ut kixq'axeb' ru, toj reetal ke'elelik chixjunileb'.

1 Samuel 19:8 ပူးပေါင်းရင်းမြစ်များ

Salmos 27:3

Usta tineꞌxsut jun tu̱bak chi soldado, la̱in incꞌaꞌ tinxucuak. Usta teꞌoc chi pletic cuiqꞌuin, la̱in cauhak inchꞌo̱l riqꞌuin li Dios.

1 Samuel 19:7

Joꞌcan nak laj Jonatán quixbok laj David ut quixye re chixjunil li quixye laj Saúl. Quixcꞌam cuiꞌchic riqꞌuin laj Saúl ut laj David quicꞌanjelac chiru joꞌ junxil.

1 Samuel 19:9

Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

1 Samuel 18:14

Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

1 Samuel 18:30

Rajlal nak nequeꞌchal eb laj filisteo chi pletic riqꞌuineb laj Israel, laj David, aꞌan li kꞌaxal us na-el chiruheb li jun chꞌol chic li nequeꞌcꞌanjelac chiru laj Saúl. Joꞌcan nak chixjunileb queꞌxqꞌue saꞌ xnakꞌ ruheb laj David.

1 Samuel 23:5

Laj David rochbeneb lix soldados queꞌco̱eb Keila ut queꞌxcamsiheb nabal laj filisteo ut queꞌre̱chani lix cuacax. Chi joꞌcaꞌin quixcoleb li tenamit Keila chiruheb laj filisteo.

1 Reyes 20:21

Li rey Acab quira̱linaheb toj retal quixchapeb li cacua̱y ut li carruaje ut quinumta saꞌ xbe̱neb li soldados aj Siria. Kꞌaxal nabaleb li queꞌcamsi̱c.