1 Samuel 19:5 - Li Santil hu

⁵ Quixkꞌaxtesi rib chi ca̱mc nak quixcamsi laj Goliat. Ut li Ka̱cuaꞌ quixcoleb laj Israel. La̱at xacuil nak xcamsi laj Goliat ut quisahoꞌ saꞌ a̱chꞌo̱l. ¿Cꞌaꞌut nak tatma̱cobk anakcuan riqꞌuin xcamsinquil laj David? Aꞌan ma̱cꞌaꞌ xma̱c cha̱cuu, chan.

Q'eqchi Bible

⁵ Ink'a' xra li xyu'am ut xkamsi laj Filistea. Chi jo'kan li Qaawa' xk'e chixjunileb' laj Israel chi q'axok u. Laa'at aawilom ut xsaho'k sa' laach'ool. K'a'ut naq taawaj maakob'k chiru li maak'a' xmaak? K'a'ut naq taawaj xkamsinkil laj David chi maak'a' xyaalal?”.

1 Samuel 19:5 ပူးပေါင်းရင်းမြစ်များ

1 Crónicas 11:14

Laj Eleazar rochbeneb lix soldado queꞌxxakab ribeb saꞌ xyi li acui̱mk ut queꞌpletic riqꞌuineb laj filisteo re teꞌxcol ribeb. Queꞌpletic toj retal queꞌnumta saꞌ xbe̱neb xban nak li Ka̱cuaꞌ quitenkꞌan reheb.

1 Samuel 11:13

Ut laj Saúl quixye reheb: —Ma̱ jun reheb laj Israel ta̱camsi̱k anakcuan xban nak saꞌ li cutan aꞌin li Ka̱cuaꞌ coxcol la̱o aj Israel, chan.

San Mateo 27:4

Quixye reheb: —Xinma̱cob nak xinkꞌaxtesi e̱re li cui̱nk aꞌin xban nak ma̱cꞌaꞌ xma̱c, chan. Aꞌut eb aꞌan queꞌxye re: —¿Cꞌaꞌ takaj re la̱o? Il cꞌaꞌru ta̱ba̱nu.—

1 Samuel 20:32

Laj Jonatán quixye re: —¿Cꞌaꞌut nak ta̱camsi laj David? ¿Cꞌaꞌru xma̱c cha̱cuu? chan.

Jueces 9:17

Laj Gedeón lin yucuaꞌ incꞌaꞌ quixra lix yuꞌam nak co̱ chi pletic riqꞌuineb laj Madián re e̱colbal la̱ex.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

Salmos 119:109

Junelic xiu xiu cuanquin. Abanan incꞌaꞌ nincanab xcꞌoxlanquil la̱ chakꞌrab.

1 Samuel 28:21

Li ixk quinachꞌoc riqꞌuin ut quiril nak ma̱cꞌaꞌ chic xmetzꞌe̱u xban xxiu. Quixye re: —At rey, la̱in xinba̱nu li cꞌaꞌru xaye cue, usta naru tincamsi̱k xban.

Filipenses 2:30

Nak yo̱ chi cꞌanjelac chiru li Ka̱cuaꞌ, caꞌchꞌin chic ma̱ quicam. Quixqꞌue rib saꞌ raylal re intenkꞌanquil xban nak ma̱ anihex la̱ex chintenkꞌanquil.

San Juan 15:25

Joꞌcaꞌin xcꞌulman xban nak tzꞌi̱banbil chak retalil saꞌ li chakꞌrab li quiqꞌueheꞌ reheb: Ma̱cꞌaꞌ raj inma̱c, abanan xicꞌ quineꞌril.

San Mateo 27:24

Ut laj Pilato quiril nak incꞌaꞌ qui-el chi us li quiraj xba̱nunquil ut quixqꞌue retal nak kꞌaxal cuiꞌchic nak queꞌpoꞌ xchꞌo̱l li tenamit. Tojoꞌnak quixtakla xcꞌambal lix haꞌ re xchꞌajbal li rukꞌ chiruheb li tenamit ut quixye: —Ma̱cꞌaꞌ inma̱c la̱in riqꞌuin xcamic li cui̱nk aꞌin li ma̱cꞌaꞌ xma̱c. La̱ex chic yal e̱re saꞌ xbe̱n, chan.

Jeremías 26:15

Aban chenauhak chi tzꞌakal cui tine̱camsi te̱bok chak nabal li raylal saꞌ e̱be̱n ut saꞌ xbe̱n li tenamit aꞌin ut saꞌ xbe̱neb li cuanqueb arin xban nak la̱in ma̱cꞌaꞌ inma̱c. Relic chi ya̱l nak li a̱tin li xinye e̱re li Ka̱cuaꞌ quitaklan chak cue chixyebal, chan laj Jeremías.

Salmos 69:4

Nabaleb li xicꞌ nequeꞌiloc cue. Kꞌaxal cuiꞌchic nabaleb chiru xqꞌuial li cuismal. Nequeꞌnumta saꞌ inbe̱n. Nequeꞌraj insachbal usta ma̱cꞌaꞌ inma̱c chiruheb. ¿Ma ta̱ru̱k ta biꞌ tinkꞌajsi reheb li incꞌaꞌ xcuelkꞌa chiruheb?

1 Samuel 14:45

Abanan eb li soldados queꞌxye re laj Saúl: —¿Ma ta̱ru̱k ta biꞌ ta̱ca̱mk laj Jonatán? Incꞌaꞌ, xban nak aꞌan xcoloc ke la̱o aj Israel chiruheb laj filisteo. Incꞌaꞌ ta̱ru̱k ta̱camsi̱k. Saꞌ xcꞌabaꞌ li yoꞌyo̱quil Dios nakaye nak chi moco jun li rismal xjolom ta̱isi̱k xban nak li cꞌaꞌru quixba̱nu anakcuan, quixba̱nu xban nak li Ka̱cuaꞌ quitenkꞌan re, chanqueb. Joꞌcan nak eb li soldados queꞌxcol laj Jonatán ut incꞌaꞌ quicamsi̱c.

Jueces 12:3

Nak xinqꞌue retal nak incꞌaꞌ toe̱tenkꞌa, incꞌaꞌ xinra lin yuꞌam. Xco̱in ban chi pletic riqꞌuineb laj Amón. Ut li Ka̱cuaꞌ Dios quixkꞌaxtesiheb saꞌ cuukꞌ. ¿Cꞌaꞌut nak la̱ex xexchal anakcuan chi pletic kiqꞌuin? chan laj Jefté.

Hebreos 2:3

Cui eb aꞌan queꞌxcꞌul xtojbal xma̱c, ¿chan put ru nak tocolekꞌ la̱o chiru li tojba ma̱c cui nakatzꞌekta̱na li lokꞌlaj colba-ib li quixyechiꞌi ke li Ka̱cuaꞌ Jesucristo? Li Jesucristo quixyechiꞌi ke li kacolbal kꞌaxal lokꞌ. Ut chirix aꞌan, eb li queꞌabin re li ra̱tin, aꞌan eb ajcuiꞌ queꞌchꞌoloban lix ya̱lal chiku.

Éxodo 14:13

Laj Moisés quixye reheb: —Mexxucuac. Cacuubresihomak ban e̱chꞌo̱l. Ho̱n nequeril chanru nak tocolekꞌ xban li Ka̱cuaꞌ Dios. Eb laj Egipto li yo̱quex chi rilbal anakcuan ma̱ jun cua chic te̱ril ruheb.

Salmos 25:3

Li ani cauheb xchꞌo̱l riqꞌuin li Dios incꞌaꞌ teꞌxuta̱nobresi̱k. Abanan li ani incꞌaꞌ nequeꞌxpa̱b li Dios, aꞌaneb li teꞌcꞌutekꞌ xxuta̱n.

1 Samuel 19:6

Quixcꞌul xchꞌo̱l li cꞌaꞌru quixye laj Jonatán ut quixba̱nu li juramento ut quixye: —Saꞌ xcꞌabaꞌ li yoꞌyo̱quil Dios, incꞌaꞌ ta̱camsi̱k laj David, chan.

1 Samuel 22:14

Laj Ahimelec quixye re: —¿Ma cuan ta biꞌ junak reheb li nequeꞌcꞌanjelac cha̱cuu kꞌaxal cha̱bil chiru laj David? At rey, aꞌan a̱hiꞌ ut aꞌan ajcuiꞌ nataklan saꞌ xbe̱neb la̱ soldados. Xcꞌulub nak ta̱qꞌuehekꞌ xlokꞌal saꞌ la̱ cuochoch.

2 Samuel 23:10

Abanan laj Eleazar incꞌaꞌ quie̱lelic. Quipletic ban riqꞌuineb toj retal quilub li rukꞌ ut quiletz lix chꞌi̱chꞌ saꞌ li rukꞌ. Saꞌ li cutan aꞌan li Ka̱cuaꞌ quixkꞌaxtesiheb laj filisteo saꞌ rukꞌ ut eb laj Israel queꞌsukꞌi yal re xxocbal li cꞌaꞌak re ru xeꞌre̱chani saꞌ li ple̱t.

Salmos 94:21

Nequeꞌxye nak li ti̱queb xchꞌo̱l cuanqueb xma̱c ut nequeꞌxteneb ca̱mc saꞌ xbe̱neb.

1 Crónicas 11:18

Li oxib chi cui̱nk li cauheb rib chi pletic, queꞌnumeꞌ saꞌ lix naꞌajeb laj filisteo. Queꞌrisi li haꞌ saꞌ li becbil haꞌ li cuan chire li oqueba̱l re Belén. Queꞌxcꞌam ut queꞌxqꞌue re laj David. Abanan laj David incꞌaꞌ quirucꞌ. Quixhoy ban li haꞌ re xmayejanquil chiru li Dios.

Salmos 109:5

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. La̱in ninraheb, abanan eb aꞌan xicꞌ niquineꞌril.