1 Samuel 19:4 - Li Santil hu

⁴ Ut laj Jonatán quia̱tinac riqꞌuin lix yucuaꞌ. Us li quixye chirix laj David. Quixye re: —At inyucuaꞌ, matma̱cob riqꞌuin xba̱nunquil li incꞌaꞌ us re laj David laj cꞌanjel cha̱cuu. Aꞌan ma̱cꞌaꞌ xba̱nu incꞌaꞌ ta us. Us ban chixjunil li quixba̱nu re a̱tenkꞌanquil.

Q'eqchi Bible

⁴ Ut laj Jonatán ki'aatinak chirix laj David chiru laj Saúl li xyuwa'; kixye re: “At awab'ej, matmaakob'k rik'in xb'aanunkil li ink'a' us re laj David laj k'anjel chawu, xb'aan naq a'an ink'a' xmaakob'k chawu, xb'aanu b'an naab'al li us re aatenq'ankil.

1 Samuel 19:4 ပူးပေါင်းရင်းမြစ်များ

Jeremías 18:20

¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Génesis 42:22

Ut laj Rubén quixye reheb: —¿Ma incꞌaꞌ ta biꞌ quinye e̱re nak incꞌaꞌ te̱ba̱nu raylal re laj José li ki̱tzꞌin? Ut la̱ex incꞌaꞌ xex-abin chicuu. Ut anakcuan tento nak ta̱cua̱nk re̱kaj lix camic. Aꞌan na li cꞌaꞌru yo̱co chixtojbal anakcuan riqꞌuin li xkaba̱nu chak junxil, chan laj Rubén.

Proverbios 17:13

Junelic cua̱nk li ma̱usilal saꞌ lix jun cablal li ani naxba̱nu ma̱usilal re li naba̱nun usilal re.

1 Samuel 20:32

Laj Jonatán quixye re: —¿Cꞌaꞌut nak ta̱camsi laj David? ¿Cꞌaꞌru xma̱c cha̱cuu? chan.

Salmos 35:12

La̱in ninba̱nu usilal reheb, abanan eb aꞌan nequeꞌxba̱nu ma̱usilal cue. Cꞌajoꞌ narahoꞌ inchꞌo̱l xbaneb.

1 Samuel 22:14

Laj Ahimelec quixye re: —¿Ma cuan ta biꞌ junak reheb li nequeꞌcꞌanjelac cha̱cuu kꞌaxal cha̱bil chiru laj David? At rey, aꞌan a̱hiꞌ ut aꞌan ajcuiꞌ nataklan saꞌ xbe̱neb la̱ soldados. Xcꞌulub nak ta̱qꞌuehekꞌ xlokꞌal saꞌ la̱ cuochoch.

1 Corintios 8:12

Cui e̱ban la̱ex nak yo̱queb chi lucta̱c xchꞌo̱leb le̱ rech aj pa̱banelil li toj kꞌuneb xchꞌo̱l saꞌ lix pa̱ba̱l, yo̱quex chi ma̱cobc chiruheb aꞌan. Ut yo̱quex ajcuiꞌ chi ma̱cobc chiru li Cristo.

2 Crónicas 6:22

Cui cuan junak ta̱ma̱cobk chiru li ras ri̱tzꞌin, ut tixpuersi ru chixba̱nunquil li juramento chiru li artal saꞌ li templo aꞌin,

1 Samuel 2:25

Cui junak cui̱nk nama̱cob chiru li ras ri̱tzꞌin, narakeꞌ a̱tin saꞌ xbe̱n xban laj rakol a̱tin. Abanan, li ani nama̱cob chiru li Ka̱cuaꞌ, ¿ma cuan ta biꞌ junak ta̱oque̱nk chirix? chan. Abanan incꞌaꞌ queꞌabin chiru lix yucuaꞌeb xban nak ac cuan saꞌ xchꞌo̱l li Dios nak tento nak teꞌca̱mk.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

1 Juan 3:15

Li ani xicꞌ naril lix herma̱n, aꞌan chanchan aj camsinel ras ri̱tzꞌin. La̱ex nequenau nak junak aj camsinel ras ri̱tzꞌin ma̱cꞌaꞌ xyuꞌam chi junelic.

Salmos 59:4

At Ka̱cuaꞌ, usta ma̱cꞌaꞌ inma̱c, teꞌraj ru incamsinquil. Yo̱queb xcꞌu̱banquil chanru nak tineꞌxcamsi. Chacuil li cꞌaꞌru yo̱queb chixba̱nunquil cue, at Ka̱cuaꞌ. Cha̱lkat chi junpa̱t ut cholina̱col.