1 Samuel 19:21 - Li Santil hu

²¹ Laj Saúl quirabi resil li cꞌaꞌru yo̱queb ut quixtakla jalan chic lix takl. Ut eb aꞌan queꞌxtiquib ajcuiꞌ xajoc ut chixjapbal reheb chixlokꞌoninquil li Dios. Ut laj Saúl quixtaklaheb cuiꞌchic rox sut lix takl. Ut joꞌcan cuiꞌchic queꞌxcꞌul.

Q'eqchi Bible

²¹ Naq laj Saúl kixnaw a'an, kixtaqla jalaneb' chik li xtaql, ab'anan eb' a'an ajwi' ke'xtikib' aatinak jo' propeet. Ut laj Saúl kixtaqlaheb' wi' chik rox sut li xtaql; ut jo'kan wi' chik ke'xk'ul.

1 Samuel 19:21 ပူးပေါင်းရင်းမြစ်များ

Joel 2:28

Ut nak ac xnumeꞌ chixjunil li cꞌaꞌak re ru aꞌin, la̱in tinqꞌue lin musikꞌ chi cua̱nc riqꞌuineb chixjunileb li tenamit. Ut eb le̱ ralal e̱cꞌajol teꞌyehok ra̱tin profeta. Ut tincꞌut lix ya̱lal chiruheb li ti̱xil cui̱nk saꞌ xmatqꞌueb ut tincꞌuteb li visión chiruheb li sa̱j cui̱nk.

Jeremías 13:23

Junak cui̱nk li kꞌek xtibel incꞌaꞌ naru ta̱sakokꞌ xtibel, chi moco naru ta̱jala̱k rix li chꞌohix. Joꞌcan ajcuiꞌ la̱ex. Incꞌaꞌ naru te̱ba̱nu li us xban nak ac cꞌaynakex chixba̱nunquil li ma̱usilal.

Proverbios 27:22

Usta ta̱tenle junak li ma̱cꞌaꞌ xnaꞌleb, abanan ma̱ jokꞌe tixtau xya̱lal. Junelic ban ma̱cꞌaꞌak xnaꞌleb.

1 Samuel 19:20

Joꞌcan nak quixtaklaheb li cui̱nk re teꞌxchap ut teꞌxcꞌam riqꞌuin. Queꞌril nak eb li profeta yo̱queb chixlokꞌoninquil li Dios ut laj Samuel yo̱ chi cꞌamoc be chiruheb. Ut lix musikꞌ li Ka̱cuaꞌ quichal riqꞌuineb li takl li quixtakla laj Saúl. Ut eb aꞌan quisach xchꞌo̱leb ut queꞌoc ajcuiꞌ chixlokꞌoninquil li Dios.

1 Samuel 19:22

Chirix chic aꞌan, laj Saúl co̱ Ramá. Nak quicuulac cuan cuiꞌ li nimla jul haꞌ aran Secú, quixye reheb li tenamit: —¿Bar cuanqueb laj Samuel ut laj David? chan. Ut jun li cuan aran quixye: —Cuanqueb aran Naiot xcue̱nt Ramá, chan.