1 Samuel 18:30 - Li Santil hu

³⁰ Rajlal nak nequeꞌchal eb laj filisteo chi pletic riqꞌuineb laj Israel, laj David, aꞌan li kꞌaxal us na-el chiruheb li jun chꞌol chic li nequeꞌcꞌanjelac chiru laj Saúl. Joꞌcan nak chixjunileb queꞌxqꞌue saꞌ xnakꞌ ruheb laj David.

Q'eqchi Bible

³⁰ Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

1 Samuel 18:30 ပူးပေါင်းရင်းမြစ်များ

2 Samuel 11:1

Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

1 Samuel 18:5

Joꞌ qꞌuial li quitakla̱c xba̱nunquil laj David xban laj Saúl, us qui-el xban nak naxcꞌoxla chi us cꞌaꞌru tixba̱nu. Joꞌcan nak laj Saúl quixqꞌue xcuanquil chi takla̱nc saꞌ xbe̱neb lix soldado. Ut queꞌsahoꞌ saꞌ xchꞌo̱leb li tenamit riqꞌuin laj David, joꞌqueb ajcuiꞌ li nequeꞌcꞌanjelac chiru laj Saúl.

1 Pedro 2:7

Kꞌaxal lokꞌ li Cristo chokꞌ e̱re la̱ex li ac xexpa̱ban. Abanan chokꞌ reheb li ma̱jiꞌ nequeꞌpa̱ban, ma̱cꞌaꞌ na-oc cuiꞌ. Tzꞌi̱banbil retalil saꞌ li Santil Hu chi joꞌcaꞌin: Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab. (Sal. 118:22)

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Daniel 1:20

Chixjunil li cꞌaꞌru queꞌpatzꞌeꞌ reheb xban li rey, li ca̱hib chi cui̱nk aꞌin kꞌaxal cha̱bil queꞌxsume. Kꞌaxal cuiꞌchic cha̱bil queꞌxsume chiruheb chixjunileb li cuanqueb rubel xcuanquil li rey joꞌ laj kꞌe ut eb li nequeꞌtzoloc chirix li chahim.

Salmos 119:99

La̱in chic cuan innaꞌleb chi us chiruheb li nequeꞌtzoloc cue xban nak junelic yo̱quin chixcꞌoxlanquil la̱ chakꞌrab.

Salmos 116:15

Chiru li Ka̱cuaꞌ lokꞌ lix yuꞌameb li ralal xcꞌajol, ut ra narecꞌa nak nacam junak.

2 Reyes 1:13

Ut li rey quixtakla rox sut laje̱b roxcꞌa̱l chic li soldado rochben li nataklan saꞌ xbe̱neb. Queꞌtakeꞌ saꞌ li tzu̱l. Li nataklan saꞌ xbe̱neb li soldado quixcuikꞌib rib chiru laj Elías ut quixye re: —At xprofeta li Dios, chacuil taxak xtokꞌoba̱l cuu, la̱in joꞌ eb ajcuiꞌ li soldado. Incꞌaꞌ taxak tina̱qꞌue chi ca̱mc la̱in ut incꞌaꞌ taxak ta̱qꞌueheb chi ca̱mc li laje̱b roxcꞌa̱l chi soldado, li nequeꞌcꞌanjelac cha̱cuu.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

1 Samuel 18:29

Cꞌajoꞌ nak quixucuac laj Saúl xban laj David. Ut chalen saꞌ li cutan aꞌan, xicꞌ chic quiril laj David joꞌ najtil yoꞌyo.

1 Samuel 26:24

Joꞌ nak la̱in xcuil xtokꞌoba̱l a̱cuu la̱at ut incꞌaꞌ xatincamsi anakcuan, joꞌcan ajcuiꞌ nak li Ka̱cuaꞌ taxak ta̱ril xtokꞌoba̱l cuu la̱in ut tinixcol taxak ajcuiꞌ chiru li raylal li nachal saꞌ inbe̱n, chan.

1 Samuel 19:8

Eb laj filisteo queꞌoc cuiꞌchic chi pletic riqꞌuineb laj Israel. Laj David cau quipletic ut queꞌnumta saꞌ xbe̱neb toj retal nak eb laj filisteo queꞌe̱lelic chiruheb.

2 Samuel 7:9

La̱in xintenkꞌan a̱cue saꞌ chixjunil li naꞌajej xatcuulac cuiꞌ ut xinkꞌaxtesi saꞌ a̱cuukꞌ chixjunileb li xicꞌ nequeꞌiloc a̱cue. Xinqꞌue a̱cuanquil joꞌ lix cuanquileb li xni̱nkal ru cui̱nk li cuanqueb saꞌ ruchichꞌochꞌ.

Proverbios 12:8

Li ani cuan xnaꞌleb naqꞌueheꞌ xlokꞌal. Abanan li incꞌaꞌ useb xnaꞌleb nequeꞌtzꞌekta̱na̱c.