1 Samuel 18:23 - Li Santil hu

²³ Queꞌxye re laj David joꞌ quiyeheꞌ reheb xban laj Saúl. Ut laj David quixye reheb: —¿Ma nequecꞌoxla la̱ex nak kꞌaxal us chokꞌ re junak cui̱nk joꞌ la̱in oc chokꞌ xhiꞌ li rey? La̱in ma̱cꞌaꞌ incuanquil ut nebaꞌin, chan.

Q'eqchi Bible

²³ Ab'anan naq eb' laj k'anjel chiru laj Saúl ke'xye li aatin a'in re laj David, kixsumeheb': “Laa'in maak'a' inwankil ut neb'a'in. Chan put ru naq nekek'oxla naq tin'ok cho'q xhi' li awab'ej?”, chan.

1 Samuel 18:23 ပူးပေါင်းရင်းမြစ်များ

1 Juan 3:1

Cheqꞌuehak retal nak li Acuabej Dios cꞌajoꞌ nocoxra. Nocoxqꞌue chokꞌ ralal xcꞌajol. Relic chi ya̱l nak la̱o ralal xcꞌajol. Joꞌcan nak li ma̱jiꞌ nequeꞌpa̱ban incꞌaꞌ nequeꞌxtau ru li kanaꞌleb xban nak ma̱jiꞌ nequeꞌxnau xya̱lal xpa̱banquil li Dios.

Proverbios 14:20

Eb li nebaꞌ tzꞌekta̱nanbileb xbaneb li rami̱g, usta rami̱gueb. Abanan eb li biom nabal li rami̱gueb.

Salmos 119:141

Usta ma̱cꞌaꞌ incuanquil ut usta tzꞌekta̱nanbilin, incꞌaꞌ nincanab xba̱nunquil li naxye la̱ chakꞌrab.

1 Samuel 9:21

Laj Saúl quixye re: —La̱in xcomoneb li ralal xcꞌajol laj Benjamín, li incꞌaꞌ qꞌuiheb saꞌ xya̱nkeb laj Israel. Ut la̱o li ralal xcꞌajol li kayucuaꞌ, ma̱cꞌaꞌ kacuanquil saꞌ xya̱nkeb chixjunileb li ralal xcꞌajol laj Benjamín. ¿Cꞌaꞌut nak nacaye cue chixjunil aꞌin? chan.

Génesis 29:20

Cuukub chihab tzꞌakal quitrabajic laj Jacob re nak tixcꞌam lix Raquel chokꞌ rixakil. Laj Jacob incꞌaꞌ quirecꞌa nak quinumeꞌ li cuukub chihab xban nak cꞌajoꞌ nak naxra lix Raquel.

Génesis 34:12

Yehomak cue joꞌ nimal te̱raj. Usta nabal, la̱in tinqꞌue e̱re. Mexcꞌoxlac riqꞌuin aꞌan. Qꞌuehomak cue li xkaꞌal re nak tinsumla̱k riqꞌuin, chan.

1 Samuel 18:18

Laj David quixye: —¿Ma cuan ta biꞌ incuanquil la̱in nak tin-oc chokꞌ a̱hiꞌ, at rey? Ut, ¿ma cuanqueb ta biꞌ xcuanquil lin yucuaꞌ ut eb lix comon arin Israel? chan.

1 Samuel 18:22

Laj Saúl quixtaklaheb lix mo̱s ut quixye reheb nak teꞌa̱tinak riqꞌuin laj David chi ma̱ ani ta̱abi̱nk re ut teꞌxye re chi joꞌcaꞌin: —Laj Saúl nacatxra ut chikajunilo la̱o lix mo̱s nacatkara ajcuiꞌ. Us ta̱sume oc chokꞌ xhiꞌ li rey, chanqueb.

1 Samuel 18:24

Ut eb li mo̱s co̱eb chixyebal re laj Saúl li cꞌaꞌru quixye laj David.

Proverbios 29:5

Li ani naxye cha̱bil a̱tin re li ras ri̱tzꞌin chi incꞌaꞌ ya̱l li naxye, aꞌan chanchan yo̱ chixqꞌuebal jun li raꞌal re xtꞌanbal.