1 Samuel 18:17 - Li Santil hu

¹⁷ Saꞌ jun li cutan laj Saúl quixye re laj David: —La̱in tinqꞌue lix Merab, li xbe̱n inrabin, chokꞌ a̱cuixakil. Caꞌaj cuiꞌ li nacuaj la̱in nak cauhak a̱chꞌo̱l chi pletic saꞌ xcꞌabaꞌ li Ka̱cuaꞌ, chan. Laj Saúl quixye saꞌ xchꞌo̱l: —Ma̱cuaꞌ la̱in tincamsi̱nk re laj David. Aꞌaneb ban laj filisteo teꞌcamsi̱nk re, chan saꞌ xchꞌo̱l.

Q'eqchi Bible

¹⁷ Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

1 Samuel 18:17 ပူးပေါင်းရင်းမြစ်များ

1 Samuel 25:28

Chacuy taxak inma̱c cui xinpaltoꞌ cha̱cuu. Li Ka̱cuaꞌ Dios tatxxakab chokꞌ rey, joꞌ eb ajcuiꞌ la̱ cualal a̱cꞌajol xban nak la̱at yo̱cat chi pletic saꞌ xcꞌabaꞌ li Ka̱cuaꞌ. Toj chalen anakcuan ma̱ jun li ma̱usilal nacaba̱nu.

1 Samuel 18:25

Ut laj Saúl quixye reheb nak teꞌxye re laj David li a̱tin aꞌin: —Li rey incꞌaꞌ naraj ta̱toj rix lix rabin. Caꞌaj cuiꞌ naraj nak ta̱kꞌaxtesi re jun ciento li ruꞌuj xtzꞌejcualeb laj filisteo. Chi joꞌcan tixqꞌue re̱kaj li incꞌaꞌ us xeꞌxba̱nu li xicꞌ nequeꞌiloc re, chan. Laj Saúl quixcꞌoxla nak riqꞌuin aꞌin ta̱camsi̱k laj David xbaneb laj filisteo.

1 Samuel 17:25

Ut queꞌxye chi ribileb rib: —¿Ma xeqꞌue retal li cui̱nk aꞌan li nachal rajlal chikahobbal? Li ani ta̱camsi̱nk re li cui̱nk aꞌan, li rey tixqꞌue nabal xbiomal. Ut tixqꞌue ajcuiꞌ lix rabin chokꞌ rixakil. Ut incꞌaꞌ chic teꞌpatzꞌekꞌ xtoj li rechꞌalal, chanqueb.

1 Samuel 18:21

Laj Saúl quixye saꞌ xchꞌo̱l: —La̱in tinsumub lix Mical riqꞌuin laj David yal re tixbalakꞌi ut ta̱camsi̱k xbaneb laj filisteo, chan. Joꞌcan nak quixye cuiꞌchic re laj David: —La̱at tat-oc chokꞌ inhiꞌ, chan.

1 Samuel 17:47

Chixjunileb li chꞌutchꞌu̱queb arin teꞌxqꞌue retal nak li chꞌi̱chꞌ ut li la̱ns ma̱cꞌaꞌ na-oc cuiꞌ chiru li Dios. Aꞌ li Ka̱cuaꞌ, aꞌan li ta̱e̱chani̱nk re li ple̱t aꞌin ut aꞌan ta̱kꞌaxtesi̱nk e̱re saꞌ kukꞌ la̱o aj Israel, chan laj David.

Salmos 55:21

Kꞌun li ra̱tin li naxye. Chanchan xkꞌunil li mantequilla. Abanan li ra̱m nujenak chi joskꞌil. Li ra̱tin chanchan li cha̱bil aceite re banoc. Kꞌaxal sa naa̱tinac. Abanan kꞌaxal ra nanak cuiꞌ li ra̱tin naxye. Chanchan nanak cuiꞌ li kꞌesnal chꞌi̱chꞌ.

Salmos 12:2

Nequeꞌxticꞌtiꞌi ribeb ut riqꞌuin cha̱bil a̱tin nequeꞌkꞌunbesin re xbalakꞌinquil li ras ri̱tzꞌin.

2 Samuel 12:9

¿Cꞌaꞌut nak xatzꞌekta̱na li chakꞌrab li xinqꞌue a̱cue? ¿Cꞌaꞌut nak xaba̱nu li ma̱usilal aꞌin? Xatakla laj Urías laj heteo chi camsi̱c. ¿Cꞌaꞌut nak xaqꞌue chi camsi̱c xbaneb laj Amón ut xacꞌam chokꞌ a̱cue li rixakil?

2 Samuel 11:15

Saꞌ li hu quixye re laj Joab: —Ta̱qꞌue laj Urías chi ubej nak yo̱k chi cau li pletic ut ta̱canab xjunes re nak ta̱camsi̱k saꞌ li ple̱t, chan.

Deuteronomio 17:7

Li ani teꞌyehok re nak cuan xma̱c, aꞌaneb li xbe̱n li teꞌcutuk re chi pec. Chirix aꞌan, eb li jun chꞌol chic teꞌxcut chi pec. Chi joꞌcaꞌin te̱risi saꞌ e̱ya̱nk li naꞌleb li incꞌaꞌ us.

Números 32:29

Quixye reheb: —Cui eb li cui̱nk xcomoneb li ralal xcꞌajol laj Gad ut eb li ralal xcꞌajol laj Rubén teꞌxic jun pacꞌal li nimaꞌ chi pletic, la̱ex te̱qꞌue reheb li naꞌajej Galaad nak ac xere̱chani li chꞌochꞌ.

Números 32:27

Abanan la̱o tocꞌanjelak cha̱cuu. Takacauresi kib ut toxic chi pletic jun pacꞌal li nimaꞌ Jordán. Takaba̱nu li kataklanquil xban li Ka̱cuaꞌ joꞌ xaye ke, chanqueb.

Números 32:20

Ut laj Moisés quixye reheb: —Cui ya̱l nak yo̱quex chi a̱tinac, cauresihomak e̱rib chi pletic joꞌ quixye li Ka̱cuaꞌ.

Números 21:14

Xban aꞌan nak naxye chi joꞌcaꞌin saꞌ li hu li tzꞌi̱banbil cuiꞌ retalileb li pletic li quixba̱nu li Ka̱cuaꞌ: Li Ka̱cuaꞌ quixcꞌutbesi lix cuanquil chiku nak conumeꞌ saꞌ li Caki Palau ut saꞌ eb li nimaꞌ li cuan Arnón.

1 Samuel 14:49

Cuanqueb oxibeb li ralal laj Saúl. Aꞌaneb laj Jonatán, laj Isúi, ut laj Malquisúa. Ut cuanqueb ajcuiꞌ cuib xrabin. Li asbej, aꞌan lix Merab xcꞌabaꞌ ut li i̱tzꞌinbej, aꞌan lix Mical.

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 18:27

Ma̱jiꞌ ajcuiꞌ nacuulac xkꞌehil xba̱nunquil li quixtakla laj Saúl nak laj David rochbeneb lix soldados queꞌco̱eb ut queꞌxcamsiheb cuib ciento laj filisteo. Ut quixcꞌameb chak li ruꞌuj lix tzꞌejcualeb re tixkꞌaxtesi re li rey re nak naru ta̱oc chokꞌ xhiꞌ. Joꞌcan nak laj Saúl quixsume xqꞌuebal lix Mical chokꞌ rixakil laj David.

1 Samuel 30:26

Nak laj David quicuulac aran Siclag, quixtakla xma̱taneb li rami̱g li nequeꞌcꞌamoc be aran Judá. Quixye reheb: —Li ma̱tan aꞌin xcomon li xkamakꞌ chiruheb li xicꞌ nequeꞌiloc re li Ka̱cuaꞌ Dios, chan.

2 Samuel 6:16

Nak yo̱queb chirocsinquil li Lokꞌlaj Ca̱x Jerusalén, saꞌ lix tenamit laj David, lix Mical lix rabin laj Saúl yo̱ chi iloc saꞌ li ventana. Nak quiril nak laj David yo̱ chi xajoc ut yo̱ chi piscꞌoc re xqꞌuebal xlokꞌal li Ka̱cuaꞌ, xicꞌ quirecꞌa.

Proverbios 26:24

Li ani xicꞌ na-iloc incꞌaꞌ nacꞌutun chiru lix joskꞌil nak yo̱ chi a̱tinac. Abanan saꞌ lix cꞌaꞌux yo̱ chixcꞌoxlanquil chanru tixba̱nu li incꞌaꞌ us.

Proverbios 26:25

Nak tatra̱tina riqꞌuin kꞌunil a̱tin ma̱pa̱b re, xban nak lix cꞌaꞌux nujenak chi ma̱usilal.

Proverbios 26:26

Usta tixmuk cha̱cuu lix joskꞌil, abanan ta̱cuulak xkꞌehil nak chixjunileb teꞌxnau li ma̱usilal naxba̱nu.