1 Samuel 18:14 - Li Santil hu

¹⁴ Li Ka̱cuaꞌ cuan riqꞌuin laj David. Joꞌcan nak us na-el riqꞌuin chixjunil li cꞌaꞌru naxba̱nu.

Q'eqchi Bible

¹⁴ Li Qaawa' wank rik'in laj David, ut a'in na'elk chi us sa' chixjunil li naxb'aanu.

1 Samuel 18:14 ပူးပေါင်းရင်းမြစ်များ

Génesis 39:23

Li Ka̱cuaꞌ Dios natenkꞌan re laj José riqꞌuin chixjunil li cꞌaꞌak re ru naxba̱nu. Laj ilol tzꞌalam incꞌaꞌ chic nacꞌoxlac chirixeb li cuanqueb aran. Ut li Ka̱cuaꞌ Dios junelic na-iloc re laj José.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

1 Samuel 16:18

Jun reheb lix mo̱s quixye re: —Laj Isaí li cuan aran Belén cuan jun li ralal naxnau xchꞌeꞌbal li arpa. Li al aꞌan cau rib ut naxnau pletic ut naxnau a̱tinac. Cꞌajoꞌ chakꞌal ru. Ut li Dios cuan riqꞌuin, chan.

Josué 6:27

Li Ka̱cuaꞌ quitenkꞌan re laj Josué ut yalak bar quicuulac resil li cꞌaꞌru quixba̱nu.

Hechos 18:10

La̱in cua̱nkin a̱cuiqꞌuin. Ma̱ ani ta̱ba̱nu̱nk raylal a̱cue xban nak nabaleb li cualal incꞌajol saꞌ li tenamit aꞌin, chan li Dios re laj Pablo saꞌ li visión.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

1 Samuel 10:7

Nak ta̱cꞌul li cꞌaꞌak re ru aꞌin, la̱at ta̱ba̱nu li cꞌaꞌru nacacuecꞌa nak us xba̱nunquil xban nak li Ka̱cuaꞌ cua̱nk a̱cuiqꞌuin.

1 Samuel 18:15

Laj David naxnau xcꞌoxlanquil chi us li cꞌaꞌru naxba̱nu. Joꞌcan nak laj Saúl kꞌaxal cuiꞌchic quixucuac chiru.

2 Reyes 18:7

Li Ka̱cuaꞌ cuan riqꞌuin ut quirosobtesi. Ut us qui-el chixjunil li quixba̱nu. Laj Ezequías incꞌaꞌ quixqꞌue rib rubel xcuanquil lix reyeb laj Asiria chi moco quixba̱nu li cꞌaꞌru quixye.

Salmos 101:2

La̱in nacuaj cua̱nc saꞌ ti̱quilal. Chasume taxak li cꞌaꞌru nintzꞌa̱ma cha̱cuu ut china̱tenkꞌa. Ut la̱in saꞌ xya̱lal tincua̱nk nak cua̱nkin saꞌ li cuochoch.

Jueces 1:19

Li Ka̱cuaꞌ cuan riqꞌuineb li ralal xcꞌajol laj Judá ut queꞌnumta saꞌ xbe̱neb li cuanqueb saꞌ li naꞌajej li tzu̱l ru. Abanan incꞌaꞌ queꞌru queꞌnumta saꞌ xbe̱neb li cuanqueb saꞌ li ru takꞌa xban nak eb aꞌan cuanqueb lix carruaje yi̱banbil riqꞌuin chꞌi̱chꞌ.

1 Samuel 3:19

Laj Samuel quiniman ut li Ka̱cuaꞌ cuan riqꞌuin ut aꞌan yo̱ chi tenkꞌa̱nc re. Ut quicꞌulman chixjunil joꞌ quixye laj Samuel.

1 Samuel 19:8

Eb laj filisteo queꞌoc cuiꞌchic chi pletic riqꞌuineb laj Israel. Laj David cau quipletic ut queꞌnumta saꞌ xbe̱neb toj retal nak eb laj filisteo queꞌe̱lelic chiruheb.

2 Samuel 5:10

Us yo̱ chi e̱lc chiru laj David li cꞌaꞌru naxba̱nu ut yo̱ chi nima̱nc xcuanquil xban nak li nimajcual Dios cuan riqꞌuin ut aꞌan yo̱ chi tenkꞌa̱nc re.

1 Crónicas 18:6

Chirix aꞌan laj David quixyi̱b xnaꞌajeb li soldados re teꞌcꞌacꞌale̱nk saꞌ li tenamit Damasco li cuan saꞌ xcue̱nt Siria. Ut eb laj Siria queꞌcana rubel xcuanquil ut queꞌxtoj rix lix naꞌajeb. Yalak bar co̱ chi pletic laj David, li Ka̱cuaꞌ quitenkꞌan re, re nak us qui-el.

1 Crónicas 18:13

Li rey David quixyi̱b lix naꞌajeb lix soldado saꞌ chixjunileb li naꞌajej Edom. Ut eb li cuanqueb aran queꞌcana rubel xcuanquil laj David. Li Ka̱cuaꞌ quitenkꞌan re laj David chi numta̱c saꞌ xbe̱neb li quicuulac cuiꞌ chi pletic.

2 Crónicas 17:3

Li Ka̱cuaꞌ cuan riqꞌuin laj Josafat xban nak saꞌ xticlajic lix cuanquil quixba̱nu li us joꞌ quixba̱nu laj David lix xeꞌto̱nil yucuaꞌ. Incꞌaꞌ quixlokꞌoni li yi̱banbil dios Baal.