1 Samuel 18:10 - Li Santil hu

¹⁰ Saꞌ li cutan jun chic li Dios quixtakla li ma̱us aj musikꞌej chixchꞌiꞌchꞌiꞌinquil laj Saúl saꞌ rochoch. Chanchan li lo̱c ru laj Saúl. Cuan xla̱ns saꞌ rukꞌ. Ut laj David yo̱ chixchꞌeꞌbal li arpa chiru joꞌ naxba̱nu rajlal.

Q'eqchi Bible

¹⁰ Wulajaq chik jun li ink'a' usil musiq'ej taqlanb'il chaq xb'aan li Yos ki'eechanink re laj Saúl, li kichalk xtaqik xjolom sa' li rochoch. Laj David yo chi xwajb'ankil li aarp jo' naxb'aanu wulaj wulaj, ut laj Saúl wank xjutz' che' sa' ruq'.

1 Samuel 18:10 ပူးပေါင်းရင်းမြစ်များ

2 Ts 2:11

Joꞌcan nak li Dios tixqꞌueheb chixpa̱banquil li moco ya̱l ta.

1 Reyes 18:29

Quinumeꞌ li cuaꞌleb ut toj yo̱queb ajcuiꞌ chixjapbal reheb chixya̱banquil lix dioseb toj quicuulac x-o̱ril li mayejac ut ma̱ ani queꞌabin reheb ut ma̱ ani queꞌsumen reheb.

1 Samuel 19:9

Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

Hechos 16:16

Saꞌ jun li cutan yo̱co chi xic chi tijoc nak kacꞌul jun li xkaꞌal aj kꞌe. Cuan ma̱us aj musikꞌej riqꞌuin. Aꞌan jun mo̱s ut naxsicꞌ nabal xtumin lix patrón riqꞌuin kꞌehi̱nc.

1 Samuel 16:23

Joꞌcan nak laj David quicana riqꞌuin laj Saúl. Nak li Dios naxtakla chak li ma̱us aj musikꞌej chixchꞌiꞌchꞌiꞌinquil, laj David naxchap lix arpa ut naxchꞌeꞌ chiru. Ut li ma̱us aj musikꞌej naxcanab xchꞌiꞌchꞌiꞌinquil ut nacꞌojla cuiꞌchic xchꞌo̱l laj Saúl.

Jeremías 28:11

Ut chiruheb chixjunileb li tenamit laj Hananías quixye: —Joꞌcaꞌin quixye li Ka̱cuaꞌ. Joꞌ nak xtokeꞌ li yugo aꞌin li xcuan chirix xcux laj Jeremías, joꞌcan ajcuiꞌ nak la̱in tincuisi xcuanquil laj Nabucodonosor lix reyeb laj Babilonia. Saꞌ cuib chihab la̱in tincuisi xcuanquil. Chanchan nak tincuisi li yugo chirix xcuxeb chixjunileb li tenamit ut tintok, chan. Nak quirakeꞌ chi a̱tinac laj Hananías, li profeta Jeremías co̱.

1 Reyes 22:12

Juntakꞌe̱t li yo̱queb chixyebal chixjunileb li profeta. Queꞌxye: —Ayukex chi pletic riqꞌuineb laj Ramot li cuan saꞌ xcue̱nt Galaad. Texnumta̱k saꞌ xbe̱neb xban nak li Ka̱cuaꞌ tixkꞌaxtesiheb saꞌ e̱rukꞌ, chanqueb li profeta.

1 Samuel 26:19

At rey, chacuabi taxak li cꞌaꞌru tinye, la̱in aj cꞌanjel cha̱cuu. Cui li Ka̱cuaꞌ quixye a̱cue nak xicꞌ chic tina̱cuil, us raj tixcꞌu̱luban ta junak mayej re nak tixjal xcꞌaꞌux. Abanan, cui ut yal cui̱nk li yo̱queb chi yehoc a̱cue nak ta̱ba̱nu raylal cue, aꞌ taxak li Ka̱cuaꞌ chimajecua̱nk reheb xban nak xineꞌrisi saꞌ lin tenamit bar nequeꞌxlokꞌoni cuiꞌ li Ka̱cuaꞌ. Ut yo̱queb chintaklanquil re nak tinlokꞌoni li jalanil dios.

1 Samuel 18:9

Joꞌcan nak chalen saꞌ li cutan aꞌan, laj Saúl incꞌaꞌ chic sa naril laj David. Quixcakali ban.

1 Samuel 19:7

Joꞌcan nak laj Jonatán quixbok laj David ut quixye re chixjunil li quixye laj Saúl. Quixcꞌam cuiꞌchic riqꞌuin laj Saúl ut laj David quicꞌanjelac chiru joꞌ junxil.

Jueces 16:20

Ut quixye re: —At Sansón, xeꞌchal laj filisteo cha̱chapbal, chan. Nak qui-aj ru laj Sansón quixye: —Tine̱lelik chiruheb joꞌ ninba̱nu rajlal, chan. Abanan incꞌaꞌ quixqꞌue retal nak ac xcanaba̱c xban li Ka̱cuaꞌ.

1 Samuel 19:10

Laj Saúl quixcut lix la̱ns re tixcamsi laj David. Abanan laj David quixcol rib chiru ut lix la̱ns quixlap rib saꞌ li tzꞌac. Joꞌcan nak laj David quie̱lelic saꞌ li kꞌojyi̱n aꞌan.