1 Samuel 18:1 - Li Santil hu

¹ Nak quirakeꞌ chi a̱tinac laj David riqꞌuin laj Saúl, laj Jonatán quixcꞌam rib saꞌ amiguil riqꞌuin laj David ut cꞌajoꞌ nak quixra.

Q'eqchi Bible

¹ Naq laj David kiraqe'k chi aatinak rik'in laj Saúl, li xch'ool laj Jonatán kixjunaji rib' rik'in li xch'ool laj David, ut laj Jonatán kixra laj David jo' naxra rib' a'an.

1 Samuel 18:1 ပူးပေါင်းရင်းမြစ်များ

Proverbios 18:24

Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

1 Samuel 20:17

Jun sut chic laj Jonatán quixye nak teꞌxba̱nu li juramento xban nak kꞌaxal cuiꞌchic naxra laj David joꞌ nak naxra rib aꞌan.

2 Samuel 1:26

At Jonatán, la̱at chanchanat li cuas. Cꞌajoꞌ xrahil inchꞌo̱l xban nak kꞌaxal raro̱cat inban. Kꞌaxal lokꞌ chokꞌ cue nak xina̱ra. Kꞌaxal lokꞌ nak xinraheꞌ a̱ban chiru nak xinraheꞌ xbaneb li ixk.

1 Samuel 18:3

Laj Jonatán ut laj David queꞌxba̱nu li juramento chi ribileb rib, ut queꞌxye nak junelic teꞌxcꞌam rib saꞌ usilal ut incꞌaꞌ teꞌxchꞌeꞌ rib xban nak laj Jonatán quixra laj David joꞌ nak naxra rib aꞌan.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Génesis 44:30

Ut anakcuan cui tinsukꞌi̱k riqꞌuin lin yucuaꞌ ut ma̱ anihak chic laj Benjamín chicuix, la̱in ninye nak ta̱ca̱mk xban nak junes laj Benjamín naxcꞌoxla.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.

1 Crónicas 12:17

Qui-el laj David chixcꞌulbaleb ut quixye reheb: —Cui saꞌ sahil chꞌo̱lej xexchal cuiqꞌuin chintenkꞌanquil, texincꞌul chi sa saꞌ inchꞌo̱l. Abanan cui xexchal re tine̱kꞌaxtesi saꞌ rukꞌeb li xicꞌ nequeꞌiloc cue chi ma̱cꞌaꞌ inma̱c, aꞌ taxak li Dios li queꞌxlokꞌoni inxeꞌto̱nil yucuaꞌ chi qꞌuehoc e̱re chixtojbal e̱ma̱c.—

1 Samuel 19:2

Joꞌcan nak laj Jonatán quixye re laj David: —Lin yucuaꞌ ta̱raj a̱camsinquil. Joꞌcan nak cuulaj ta̱ba̱nu cue̱nt. Muk a̱cuib saꞌ junak naꞌajej bar incꞌaꞌ tateꞌril.

Jueces 20:11

Ut junajeb xchꞌo̱l chixjunileb li cui̱nk aj Israel nak queꞌco̱eb chi pletic riqꞌuineb li cuanqueb Gabaa.

Salmos 86:11

At nimajcual Dios, chacꞌut chicuu li cꞌaꞌru ta̱cuaj la̱at tinba̱nu re nak tincua̱nk saꞌ xya̱lal. Ut china̱tenkꞌa chi cꞌanjelac cha̱cuu chi anchal inchꞌo̱l.

1 Samuel 14:45

Abanan eb li soldados queꞌxye re laj Saúl: —¿Ma ta̱ru̱k ta biꞌ ta̱ca̱mk laj Jonatán? Incꞌaꞌ, xban nak aꞌan xcoloc ke la̱o aj Israel chiruheb laj filisteo. Incꞌaꞌ ta̱ru̱k ta̱camsi̱k. Saꞌ xcꞌabaꞌ li yoꞌyo̱quil Dios nakaye nak chi moco jun li rismal xjolom ta̱isi̱k xban nak li cꞌaꞌru quixba̱nu anakcuan, quixba̱nu xban nak li Ka̱cuaꞌ quitenkꞌan re, chanqueb. Joꞌcan nak eb li soldados queꞌxcol laj Jonatán ut incꞌaꞌ quicamsi̱c.

1 Samuel 19:1

Laj Saúl quixye re laj Jonatán ut reheb ajcuiꞌ chixjunileb lix mo̱s nak teꞌxcamsi laj David. Abanan laj Jonatán, li ralal laj Saúl, quixra laj David.

1 Samuel 20:8

Ba̱nu usilal cue saꞌ xcꞌabaꞌ li juramento li kaba̱nu chi kibil kib. China̱tenkꞌa la̱in aj cꞌanjel cha̱cuu. Cui ut la̱in cuan inma̱c, china̱camsi la̱at anakcuan. Incꞌaꞌ tento nak tina̱cꞌam riqꞌuin la̱ yucuaꞌ re nak aꞌan tinixcamsi, chan laj David.

1 Samuel 22:8

¿Cꞌaꞌut nak che̱junilex la̱ex xecꞌu̱b ru xba̱nunquil raylal cue? Ma̱ jun chic e̱re narahoc cue. Ma̱ ani xyehoc cue nak li cualal xba̱nu li juramento riqꞌuin li ralal laj Isaí. Ma̱ jun e̱re xyehoc cue nak li ralal laj Isaí yo̱ chinsicꞌbal re tinixcamsi. Ut li cualal yo̱ chi tenkꞌa̱nc re, chan.

1 Samuel 23:18

Ut chi xcabichaleb queꞌxye cuiꞌchic chiru li Ka̱cuaꞌ nak junelic teꞌxra ribeb. Ut laj David quicana aran saꞌ li naꞌajej Hores li cuan Zif. Ut laj Jonatán co̱ cuiꞌchic saꞌ rochoch.