1 Samuel 17:55 - Li Santil hu

⁵⁵ Nak laj David co̱ chi pletic riqꞌuin laj Goliat, laj Saúl quixpatzꞌ re laj Abner li nataklan saꞌ xbe̱neb li soldados: —¿Ani aj alal li al aꞌan? chan. Quichakꞌoc laj Abner ut quixye:

Q'eqchi Bible

⁵⁵ Naq laj Saúl kiril chi xik laj David re yalok rik'in laj Filistea, kixpatz' re laj Abner, xjolomileb' laj puub': “Abner, ani aj alal li al a'an?”, chan. Kichaq'ok laj Abner ut kixye:

1 Samuel 17:55 ပူးပေါင်းရင်းမြစ်များ

1 Samuel 17:58

Laj Saúl quixye re: —¿Ani la̱ yucuaꞌ? chan. Laj David quixye re: —La̱in ralal laj Isaí, laj cꞌanjel cha̱cuu. Belén xtenamit, chan.

Génesis 42:15

Chi joꞌcaꞌin ta̱tzꞌilma̱nk a̱tin che̱rix ma relic chi ya̱l li cꞌaꞌru yo̱quex chixyebal. Tinye e̱re saꞌ xcꞌabaꞌ laj faraón nak la̱ex incꞌaꞌ naru tex-e̱lk arin toj ta̱cha̱lk le̱ ri̱tzꞌin.

1 Samuel 16:12

Ut laj Isaí quixtakla xbokbal li i̱tzꞌinbej. Li al aꞌan cꞌajoꞌ xchakꞌal ru ut cau rib. Chꞌinaꞌus na-iloc. Ut li Ka̱cuaꞌ quixye re laj Samuel: —Qꞌue li aceite saꞌ xjolom xban nak aꞌan aꞌin li sicꞌbil ru inban, chan.

1 Samuel 17:54

Ut laj David quixcꞌam aran Jerusalén lix jolom laj Goliat. Abanan lix chꞌi̱chꞌ re pletic quixxoc saꞌ lix muheba̱l.

1 Samuel 17:56

—Relic chi ya̱l, at rey, la̱in incꞌaꞌ ninnau, chan. Ut laj Saúl quixye re: —Patzꞌi ani lix yucuaꞌ, chan re.

1 Samuel 26:5

Laj David co̱ saꞌ li naꞌajej li cuanqueb cuiꞌ lix muheba̱leb laj Saúl ut quixsiqꞌui bar yo̱ chi cua̱rc laj Saúl ut laj Abner li ralal laj Ner. Laj Abner, aꞌan li nataklan saꞌ xbe̱neb li soldados. Laj Saúl yo̱ chi cua̱rc saꞌ xyi ut eb lix soldados yo̱queb chi cua̱rc chi xjun sutam.

1 Samuel 1:26

Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

1 Samuel 14:50

Li rixakil laj Saúl, aꞌan lix Ahinoam, lix rabin laj Ahimaas. Ut li nataklan saꞌ xbe̱neb lix soldados, aꞌan laj Abner, li ralal laj Ner. Laj Ner, aꞌan rican laj Saúl.