1 Samuel 17:52 - Li Santil hu

⁵² Ut eb li soldados aj Israel ut eb aj Judá queꞌxjap re ut queꞌra̱linaheb laj filisteo toj saꞌ li oqueba̱l reheb li tenamit Gat ut Ecrón. Ut yalak bar saꞌ eb li be re Saaraim ut Gat ut Ecrón nequeꞌtꞌanaxin li camenak.

Q'eqchi Bible

⁵² Toja' naq eb' laj Israel ut laj Judá japjookeb' re naq ke'raanilasiheb' laj Filistea toj sa' rokeb'aal li tenamit Gat ut Ekrón. Yalaq b'ar sa' li b'e li nachalk Saharáhin ut naxik Gat ut Ekrón wankeb' aj Filistea kamenaqeb'.

1 Samuel 17:52 ပူးပေါင်းရင်းမြစ်များ

Josué 15:11

Ut li nuba̱l saꞌ li norte naticla chak saꞌ li tzu̱l Ecrón. Naxic toj saꞌ li naꞌajej Sicrón. Nocoxnumekꞌ saꞌ li tzu̱l Baala ut nocoxnumekꞌ saꞌ li naꞌajej Jabneel ut nocoxrakekꞌ saꞌ li palau Mediterráneo.

2 Samuel 23:10

Abanan laj Eleazar incꞌaꞌ quie̱lelic. Quipletic ban riqꞌuineb toj retal quilub li rukꞌ ut quiletz lix chꞌi̱chꞌ saꞌ li rukꞌ. Saꞌ li cutan aꞌan li Ka̱cuaꞌ quixkꞌaxtesiheb laj filisteo saꞌ rukꞌ ut eb laj Israel queꞌsukꞌi yal re xxocbal li cꞌaꞌak re ru xeꞌre̱chani saꞌ li ple̱t.

Jueces 7:23

Laj Gedeón quixtakla xbokbaleb laj Israel. Aꞌan eb li ralal xcꞌajol laj Neftalí, joꞌqueb ajcuiꞌ li ralal xcꞌajol laj Aser ut eb li ralal xcꞌajol laj Manasés. Ut co̱eb chirixeb laj Madián chixchapbaleb.

1 Samuel 17:53

Ut eb laj Israel queꞌsukꞌi saꞌ xmuheba̱leb laj filisteo ut quilajeꞌxxoc li cꞌaꞌru reheb.

1 Samuel 5:8

Queꞌxtakla resil riqꞌuineb li nequeꞌtaklan saꞌ xbe̱neb laj filisteo ut queꞌxpatzꞌ reheb: —¿Cꞌaꞌru takaba̱nu riqꞌuin lix Lokꞌlaj Ca̱x lix Dioseb laj Israel? chanqueb. Eb aꞌan queꞌchakꞌoc ut queꞌxye: —Cꞌamomak saꞌ li tenamit Gat, chanqueb. Ut queꞌxcꞌam li Lokꞌlaj Ca̱x aran.

1 Samuel 5:10

Joꞌcan nak queꞌxtakla li Lokꞌlaj Ca̱x saꞌ li tenamit Ecrón. Eb li cuanqueb aran queꞌxucuac. Japjo̱queb re chixyebal: —Xeꞌxtakla chak arin lix Lokꞌlaj Ca̱x lix Dios eb laj Israel re kacamsinquil la̱o ut eb li katenamit, chanqueb.

1 Reyes 20:21

Li rey Acab quira̱linaheb toj retal quixchapeb li cacua̱y ut li carruaje ut quinumta saꞌ xbe̱neb li soldados aj Siria. Kꞌaxal nabaleb li queꞌcamsi̱c.