1 Samuel 17:46 - Li Santil hu

⁴⁶ Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

Q'eqchi Bible

⁴⁶ Anaqwan ajwi' li Qaawa' tatxq'axtesi sa' wuq', ut laa'in tatinkamsi, tinch'ot laajolom. Ut sa' li kutan a'in tink'e li xtib'eleb' laj puub' aj Filistea reheb' li xik'anel xul re li choxa ut reheb' li josq' aj xul wankeb' sa' k'iche'. Chi jo'kan chixjunil li ruuchich'och' tixnaw naq wank jun Yos re laj Israel.

1 Samuel 17:46 ပူးပေါင်းရင်းမြစ်များ

Isaías 52:10

Li Ka̱cuaꞌ tixcꞌutbesi lix cuanquil chiruheb li xni̱nkal tenamit. Ut chixjunileb li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan xcoloc ke.

Josué 4:24

Quixba̱nu chi joꞌcan re nak chixjunileb li cuanqueb saꞌ ruchichꞌochꞌ teꞌxqꞌue retal nak kꞌaxal nim xcuanquil li Ka̱cuaꞌ ut re ajcuiꞌ nak la̱ex junelic te̱xucua ru li Ka̱cuaꞌ le̱ Dios, chan laj Josué.

2 Reyes 19:19

At Ka̱cuaꞌ, at kaDios, choa̱col taxak saꞌ rukꞌ lix reyeb laj Asiria re nak chixjunileb li xni̱nkal ru tenamit li cuanqueb saꞌ ruchichꞌochꞌ teꞌxqꞌue retal nak caꞌaj cuiꞌ la̱at li Ka̱cuaꞌ li tzꞌakal Dios, chan laj Ezequías.

1 Reyes 8:43

Ut la̱at, at Ka̱cuaꞌ, toj saꞌ li choxa li cuancat cuiꞌ, ta̱cuabi lix tijeb. Ut ta̱sume li cꞌaꞌru teꞌxtzꞌa̱ma cha̱cuu li jalaneb xtenamit re nak chixjunileb li cuanqueb saꞌ ruchichꞌochꞌ teꞌxnau nak nim a̱cuanquil ut teꞌxxucua a̱cuu joꞌ nakaba̱nu la̱o aj Israel. Ut re ajcuiꞌ nak teꞌxqꞌue retal nak la̱at li tatlokꞌoni̱k saꞌ li templo aꞌin li xinyi̱b la̱in.

Deuteronomio 28:26

Eb laj xicꞌanel xul ut eb li joskꞌ aj xul teꞌxtiu le̱ tibel nak camenakex chic ut ma̱ ani ta̱chikꞌok reheb.

Daniel 2:47

Ut quixye re laj Daniel: —Relic chi ya̱l nak la̱ Dios, aꞌan li tzꞌakal Dios ut aꞌan li kꞌaxal nim xcuanquil saꞌ xbe̱neb chixjunileb li yi̱banbil dios. Aꞌan li Ka̱cuaꞌ ut aꞌan li nim xcuanquil saꞌ xbe̱neb chixjunileb li rey. Aꞌan li nacꞌutbesin xya̱lal li incꞌaꞌ natauman ru. Ninnau nak ya̱l aꞌan xban nak la̱at xaye cue cꞌaꞌru xya̱lal lin matcꞌ, chan li rey.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

San Mateo 24:28

Ya̱l li nequeꞌxye nak bar cua̱nk junak camenak, aran teꞌxtu̱b rib li soꞌsol.

Daniel 3:29

Xban aꞌan, la̱in ninye nak chixjunileb yalak bar xtenamiteb ut yalak chanru ra̱tinoba̱l, cui nequeꞌxmajecua li Dios li nequeꞌxlokꞌoni laj Sadrac, laj Mesac ut laj Abed-nego, eb aꞌan teꞌcamsi̱k. Pedasinbil chi chꞌi̱chꞌ nak teꞌosokꞌ, ut li rochocheb ta̱jucꞌma̱nk ut teꞌcana̱k chokꞌ mul xban nak ma̱cꞌaꞌ chic junak dios naru nacoloc joꞌ xba̱nu li nimajcual Dios, chan.

Isaías 37:20

Anakcuan ut at Ka̱cuaꞌ, at kaDios, nakatzꞌa̱ma cha̱cuu nak choa̱col chiruheb laj Asiria re nak chixjunileb li cuanqueb xcuanquil saꞌ ruchichꞌochꞌ teꞌxnau nak la̱at li Ka̱cuaꞌ Dios ut ma̱ ani chic junak dios cuan. Caꞌaj cuiꞌ la̱at, chan laj Ezequías.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

1 Samuel 17:44

Quim arin, chan, ut tinqꞌue la̱ tibel reheb li xul li nequeꞌrupupic li nequeꞌtiꞌoc tib ut reheb ajcuiꞌ li xul li cuanqueb saꞌ qꞌuicheꞌ, chan.

Deuteronomio 7:23

Ta̱cuulak xkꞌehil nak li Ka̱cuaꞌ le̱ Dios tixkꞌaxtesiheb saꞌ e̱rukꞌ. Tixsach lix cuanquileb ut tixsacheb ru chi junaj cua.

Deuteronomio 7:2

Li Ka̱cuaꞌ le̱ Dios tixkꞌaxtesiheb saꞌ e̱rukꞌ re nak texpletik riqꞌuineb ut texnumta̱k saꞌ xbe̱neb. Incꞌaꞌ te̱ba̱nu li contrato riqꞌuineb, chi moco te̱ril xtokꞌoba̱l ruheb. Te̱sach ban ruheb chi junaj cua.

Isaías 56:9

La̱ex li jalan e̱tenamit, cha̱lkex ut chapomak li tenamit aꞌin joꞌ nak li joskꞌ aj xul naxchap lix tib toj retal naxchoy.

Salmos 31:8

Incꞌaꞌ xina̱kꞌaxtesi saꞌ rukꞌeb li xicꞌ nequeꞌiloc cue. Xina̱col ban chiruheb.

Josué 10:8

Ut li Ka̱cuaꞌ quixye re laj Josué: —Matxucuac chiruheb aꞌan xban nak la̱in tinkꞌaxtesiheb saꞌ a̱cuukꞌ ut ma̱ jun reheb aꞌan teꞌnumta̱k saꞌ a̱be̱n, chan li Ka̱cuaꞌ.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

2 Samuel 18:28

Laj Ahimaas quixqꞌue xsahil xchꞌo̱l li rey. Quixcut rib saꞌ chꞌochꞌ ut quixye re: —Lokꞌoninbil taxak li Ka̱cuaꞌ la̱ Dios, at rey, xban nak xatxtenkꞌa chi numta̱c saꞌ xbe̱neb li cui̱nk xeꞌraj numta̱c saꞌ a̱be̱n, chan.

2 Samuel 21:10

Ut lix Rizpa, lix rabin laj Aja, quixcꞌam jun li kꞌes ru tꞌicr ut quixyi̱b jun lix muheba̱l saꞌ li pec li cuanqueb cuiꞌ li camenak. Aran quicana lix Rizpa chalen saꞌ xticlajic li xsicꞌbal ru li cebada toj nak quiticla li habalkꞌe. Aran quicana re nak eb li soꞌsol incꞌaꞌ teꞌxchꞌeꞌ li camenak chi cutan, chi moco li joskꞌ aj xul chiru li kꞌojyi̱n.

1 Reyes 8:60

Choxtenkꞌa taxak re nak eb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ, aꞌan li tzꞌakal Dios. Ma̱cꞌaꞌ chic junak joꞌ aꞌan.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

Jeremías 34:20

La̱in tinkꞌaxtesiheb saꞌ rukꞌeb li teꞌajok xcamsinquileb. Ut eb li soꞌsol ut eb li joskꞌ aj xul saꞌ qꞌuicheꞌ teꞌxtiu lix tibeleb.

Génesis 40:19

Ut saꞌ rox li cutan laj faraón tixtakla risinquil la̱ jolom ut tateꞌxtꞌuyub chiru junak cheꞌ. Ut eb li soꞌsol teꞌcha̱lk ut telajeꞌxtꞌupi la̱ tibel ut tateꞌxtiu, chan laj José.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.