1 Samuel 17:43 - Li Santil hu

⁴³ Quixye re laj David: —¿Ma la̱in ta biꞌ tzꞌiꞌ nak tatcha̱lk chi pletic cuiqꞌuin riqꞌuin cheꞌ? chan. Ut quixmajecua laj David saꞌ xcꞌabaꞌ lix dioseb laj filisteo.

Q'eqchi Bible

⁴³ ut kixye re: “Ma laa'in tz'i' naq xatchalk chi yalok wik'in rik'in che'?”, chan. Ut sa' xk'ab'a'eb' li xyos kixmajewa laj David

1 Samuel 17:43 ပူးပေါင်းရင်းမြစ်များ

2 Samuel 9:8

Ut laj Mefi-boset quixcuikꞌib cuiꞌchic rib ut quixye re: —¿Anihin ta biꞌ la̱in nak ta̱cuil xtokꞌoba̱l cuu? La̱in chanchanin jun li tzꞌiꞌ ca̱mc re, chan.

2 Samuel 3:8

Cꞌajoꞌ nak quijoskꞌoꞌ laj Abner nak quirabi li quixye. Ut quixye re laj Is-boset: —¿Ma la̱in ta biꞌ tzꞌiꞌ? ¿Ma yo̱quin ta biꞌ chi cꞌanjelac chiruheb li ralal xcꞌajol laj Judá? La̱in ti̱c inchꞌo̱l chi cꞌanjelac chiru laj Saúl la̱ yucuaꞌ ut eb li rechꞌalal ut eb li rami̱g. Incꞌaꞌ xatinkꞌaxtesi saꞌ rukꞌ laj David. ¿Cꞌaꞌut nak nacaye nak yo̱quin chi ma̱cobc riqꞌuin li ixk aꞌin?

1 Samuel 24:14

At rey, ¿cꞌaꞌut nak yo̱cat chinsicꞌbal? ¿Cꞌaꞌut nak ta̱cuaj incamsinquil? La̱in ma̱cꞌaꞌ nin-oc cuiꞌ. La̱in chanchanin jun li tzꞌiꞌ ca̱mc re. Malaj ut chanchanin jun li cꞌak.

Proverbios 26:2

Eb li tzꞌunun incꞌaꞌ nequeꞌcuan saꞌ jun chi naꞌajej. Ut eb li cuilix yal numecꞌ nequeꞌxba̱nu. Joꞌcan ajcuiꞌ nak li majecua̱c incꞌaꞌ nachal saꞌ xbe̱n junak yal chi joꞌcan chi ma̱cꞌaꞌ xma̱c.

2 Reyes 8:13

Laj Hazael quixye re: —¿Chanru nak tinba̱nu chi joꞌcan? La̱in ma̱cꞌaꞌ nin-oc cuiꞌ. Chanchanin tzꞌiꞌ, chan. Laj Eliseo quixye re: —Li Ka̱cuaꞌ xcꞌutbesi chicuu nak la̱at tat-oc chokꞌ xreyeb laj Siria, chan.

2 Samuel 16:9

Ut laj Abisai, lix yum lix Sarvia, quixye re laj David: —At rey, ¿cꞌaꞌut nak yo̱ cha̱majecuanquil li cui̱nk aꞌin, li chanchan tzꞌiꞌ ca̱mc re? Nintzꞌa̱ma cha̱cuu nak ta̱qꞌue inlese̱ns re tinxic chixsetbal lix cux, chan.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Números 22:6

La̱in nacuaj nak tatcha̱lk arin re ta̱tzꞌa̱ma ma̱usilal saꞌ xbe̱neb li cristian aꞌan xban nak kꞌaxal nabaleb ut cauheb rib chiku la̱o. Cui ta̱ba̱nu chi joꞌcan, ma̱re ta̱ru̱k takisiheb saꞌ li kanaꞌaj. La̱in ninnau nak li ani nacatzꞌa̱ma rosobtesinquil, osobtesinbil chic nacana. Ut li ani nacatzꞌa̱ma ma̱usilal saꞌ xbe̱n, ma̱usilanbil chic nacana, chan lix reyeb laj Moab.

Jueces 9:27

Queꞌco̱eb chixsicꞌbal ru li uvas ut queꞌxyatzꞌ re risinquil lix yaꞌal. Chirix aꞌan queꞌxba̱nu jun li ninkꞌe saꞌ rochoch lix dioseb. Nak yo̱queb chi cuaꞌac ut chi ucꞌac, yo̱queb chixmajecuanquil laj Abimelec.

1 Samuel 14:12

Ut queꞌxjap reheb chixyebal re laj Jonatán ut li natenkꞌan re: —Quimkex arin. Cuan cꞌaꞌru takaye e̱re, chanqueb. Laj Jonatán quixye re laj te̱nkꞌ re: —Yoꞌo riqꞌuineb xban nak li Ka̱cuaꞌ ac xkꞌaxtesiheb laj filisteo saꞌ kukꞌ la̱o aj Israel, chan.

2 Samuel 16:5

Li rey David quicuulac Bahurim. Aran cuan jun li cui̱nk aj Simei xcꞌabaꞌ. Aꞌan ralal laj Gera xcomoneb li ralal xcꞌajol laj Saúl. Qui-oc chixmajecuanquil laj David.

1 Reyes 20:10

Laj Ben-adad quixtakla cuiꞌchic xyebal re laj Acab: —Tinsach ru la̱ tenamit Samaria. Chinixcamsihak ta lin Dios cui incꞌaꞌ tinsach ru. Ma̱cꞌaꞌ ta̱cana̱k chi moco lix poksil ta̱tzꞌaklok re nak lin soldados teꞌxcꞌam saꞌ rukꞌeb, chan.

1 Samuel 24:15

Li Ka̱cuaꞌ, aꞌan li ta̱rakok a̱tin saꞌ kabe̱n saꞌ cuibal. Li Ka̱cuaꞌ naril xtokꞌoba̱l cuu. Aꞌan li natenkꞌan cue ut aꞌan ajcuiꞌ li ta̱colok cue cha̱cuu la̱at, chan laj David.