1 Samuel 17:37 - Li Santil hu

³⁷ Ut quixye cuiꞌchic laj David: —Li Ka̱cuaꞌ quicoloc cue chiruheb li cakcoj ut li oso. Ut aꞌan ajcuiꞌ ta̱colok cue chiru li cui̱nk aꞌin aj filisteo, chan. Ut laj Saúl quixye re: —Ayu, ut li Ka̱cuaꞌ Dios taxak chitenkꞌa̱nk a̱cue.—

Q'eqchi Bible

³⁷ Li Qaawa' li kikolok we sa' ruq'eb' li kaqkoj ut li tz'uqtz'un, tinxkol ajwi' sa' ruq' laj Filistea a'an”, chan. Toja' naq laj Saúl kixye re laj David: “Ayu ut li Qaawa' chiwanq aawik'in”.

1 Samuel 17:37 ပူးပေါင်းရင်းမြစ်များ

Salmos 63:7

Caꞌaj cuiꞌ la̱at nacattenkꞌan cue. Joꞌcan nak cꞌajoꞌ xsahil inchꞌo̱l chi cua̱nc rubel la̱ cuanquilal.

1 Crónicas 22:11

Anakcuan ut, at cualal, aꞌ taxak li Ka̱cuaꞌ chicua̱nk a̱cuiqꞌuin. Ut us taxak tat-e̱lk riqꞌuin chixjunil li ta̱ba̱nu nak ta̱yi̱b lix templo li Ka̱cuaꞌ li kaDios, joꞌ quixye chak cha̱cuix.

1 Samuel 20:13

Cui ut ta̱raj tixba̱nu raylal a̱cue, li Ka̱cuaꞌ chixba̱nuhak raylal cue cui incꞌaꞌ tintakla resil a̱cue ut tatintenkꞌa xcolbal a̱cuib. Li Ka̱cuaꞌ taxak chicua̱nk a̱cuiqꞌuin joꞌ nak quicuan riqꞌuin lin yucuaꞌ.

1 Samuel 7:12

Laj Samuel quixchap jun li pec ut quixxakab saꞌ xyi li cuib chi tenamit Mizpa ut Sen. Ut quixqꞌue chokꞌ xcꞌabaꞌ “Eben-ezer” ut quixye: —Toj chalen anakcuan li Ka̱cuaꞌ yo̱ chi tenkꞌa̱nc ke, chan.

Salmos 138:3

Nak quintzꞌa̱ma intenkꞌanquil cha̱cuu, la̱at casume li cꞌaꞌru quintzꞌa̱ma cha̱cuu. Caqꞌue incacuilal ut caqꞌue inmetzꞌe̱u.

1 Crónicas 22:16

Li oro, li plata, li bronce ut li hierro moco bisbil ta joꞌ qꞌuial. Anakcuan tiquib cꞌanjelac ut li Dios taxak chicua̱nk a̱cuiqꞌuin, chan laj David.

2 Samuel 10:12

Cauhak taxak a̱chꞌo̱l. Chikacacuubresi kachꞌo̱l chi pletic. Chikacolak rix li katenamit la̱o aj Israel, lix tenamit li Dios. Ut li Ka̱cuaꞌ taxak tixba̱nu li cꞌaꞌru naraj aꞌan, chan.

Salmos 77:11

Ta̱julticokꞌ cue li cꞌanjel quixba̱nu li Ka̱cuaꞌ. Junelic cua̱nk saꞌ inchꞌo̱l li sachba chꞌo̱lej li quixba̱nu junxil.

1 Samuel 26:25

Laj Saúl quixye re: —At David, osobtesinbilat taxak xban li Dios. La̱in ninnau nak us tat-e̱lk riqꞌuin li cꞌaꞌru ta̱ba̱nu, chan. Chirix aꞌan laj Saúl quisukꞌi saꞌ rochoch ut laj David co̱ cuiꞌchic.

1 Samuel 24:19

Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

Salmos 11:1

La̱in cau inchꞌo̱l riqꞌuin li Dios. ¿Cꞌaꞌut nak nacaye cue nak tine̱lelik ut tincol chak cuib saꞌ li tzu̱l joꞌ junak xul?

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 17:38

Laj Saúl quixqꞌue li rakꞌ chꞌi̱chꞌ chirix laj David. Saꞌ xjolom quixqꞌue lix punit chꞌi̱chꞌ yi̱banbil riqꞌuin bronce.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Josué 1:17

Junelic takaba̱nu li cꞌaꞌru ta̱ye ke joꞌ nak kaba̱nu li cꞌaꞌru coxtakla cuiꞌ laj Moisés. Ut chicua̱nk taxak li Dios a̱cuiqꞌuin joꞌ nak quicuan riqꞌuin laj Moisés.

Li xHu LIX RUT 2:4

Saꞌ li ho̱nal aꞌan laj Booz quicꞌulun chak Belén ut quixqꞌue xsahil xchꞌo̱leb laj sicꞌol cebada ut quixye reheb: —Li Ka̱cuaꞌ taxak chicua̱nk e̱riqꞌuin, chan. Ut eb aꞌan queꞌchakꞌoc ut queꞌxye re: —Li Ka̱cuaꞌ taxak chi-osobtesi̱nk a̱cue la̱at, chanqueb.

Salmos 118:6

Li Ka̱cuaꞌ cuan cuiqꞌuin. Joꞌcan nak la̱in incꞌaꞌ ninxucua li cꞌaꞌru teꞌxba̱nu cue li cui̱nk.