1 Samuel 17:34 - Li Santil hu

³⁴ Laj David quixye re laj Saúl: —At rey, la̱in nin-iloc reheb lix carner lin yucuaꞌ. Nak queꞌchal li cakcoj malaj ut li oso chixchapbal li carner saꞌ xya̱nkeb lix comon,

Q'eqchi Bible

³⁴ Kichaq'ok laj David ut kixye: “Naq laa'in laamoos wankin chaq chi xk'aak'alenkil li xketomq li xyuwa', wi junaq kaqkoj malaj tz'uqtz'un nachalk ut naxchap junaq karneer sa' xyanq li ketomq,

1 Samuel 17:34 ပူးပေါင်းရင်းမြစ်များ

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.

Jueces 14:6

Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

1 Samuel 17:33

Abanan laj Saúl quixye re: —Incꞌaꞌ. La̱at incꞌaꞌ naru tatxic chi pletic riqꞌuin aꞌan. La̱at toj sa̱jat. Ut li cui̱nk aꞌan chalen saꞌ xchꞌajomal cau rib chi pletic, chan.

1 Samuel 17:35

la̱in co̱in chirixeb toj retal quinmakꞌ li carner chiru. Nak li cakcoj malaj ut li oso queꞌraj intiubal, la̱in quinchap saꞌ xxuqueb re ut quincamsiheb.

Amós 3:12

Ut quixye ajcuiꞌ li Ka̱cuaꞌ: —Nak junak laj ilol xul tixyal xmakꞌbal lix carner saꞌ re li cakcoj, ma̱re caꞌaj cuiꞌ li rok cuib tixcol malaj ut jun pedasak xxic. Joꞌcan ajcuiꞌ te̱cꞌul la̱ex aj Israel. Moco qꞌuihex ta li texcolekꞌ saꞌ li naꞌajej Samaria. Anakcuan nequexhilan saꞌ li cha̱bil chꞌa̱t aran Damasco. Abanan ta̱cha̱lk raylal saꞌ e̱be̱n.

Génesis 31:39

Ma̱ jun cua xincꞌam chak a̱cuiqꞌuin li queto̱mk li nequeꞌcamsi̱c xban li joskꞌ aj xul, xban nak la̱in ninqꞌuehoc re̱kaj eb aꞌan. Ut la̱at junelic nacacuisi re̱kaj eb li xul chicuu, li nequeꞌelkꞌa̱c chi cutan joꞌ ajcuiꞌ chiru kꞌojyi̱n, chan.

1 Samuel 17:15

Laj David rajlal nacuulac riqꞌuin laj Saúl ut nasukꞌi cuiꞌchic Belén chixcꞌacꞌalenquil lix carner lix yucuaꞌ.

2 Samuel 17:8

La̱at nacanau nak la̱ yucuaꞌ ut eb lix soldados cauheb rib chi pletic. Yo̱queb xjoskꞌil anakcuan. Chanchaneb li oso li namakꞌeꞌ li ral chiru. La̱ yucuaꞌ naxnau pletic chi us. Aꞌan incꞌaꞌ tixnumsi li kꞌojyi̱n saꞌ xya̱nkeb li tenamit.

2 Samuel 23:20

Joꞌcan ajcuiꞌ laj Benaía naꞌno ru. Laj Benaía, aꞌan li ralal laj Joiada li chalenak saꞌ li tenamit Cabseel. Cau xchꞌo̱l laj Benaía ut nabal li cꞌaꞌru xba̱nu xban xcacuilal xchꞌo̱l. Quixcamsi cuibeb li ralal laj Ariel aj Moab. Saꞌ jun li cutan laj Benaía quicube saꞌ jun chamal jul nak quixcamsi jun li cakcoj nak yo̱ chak chi tꞌanecꞌ saꞌ choxa li nieve li chanchan li ratzꞌam que.

1 Crónicas 11:22

Joꞌcan ajcuiꞌ laj Benaía naꞌno ru. Laj Benaía, aꞌan li ralal laj Joiada li chalenak saꞌ li tenamit Cabseel. Nabal li cꞌaꞌru quixba̱nu xban xcacuilal xchꞌo̱l. Quixcamsi cuibeb li cui̱nk aj Moab. Saꞌ jun li cutan nak yo̱ chi tꞌanecꞌ li nieve, laj Benaía cuan saꞌ jun chamal jul nak quixcamsi jun li cakcoj.

Salmos 143:5

Najulticoꞌ cue chanru nak coa̱tenkꞌa chak junxil. Yo̱quin chi cꞌoxlac chirix chixjunil li cꞌaꞌru caba̱nu chak.

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

Zacarías 9:7

La̱in tinba̱nu re nak incꞌaꞌ chic teꞌxtzaca li quicꞌ ut incꞌaꞌ chic teꞌxtzaca li tzacae̱mk mayejanbil chiruheb li jalanil dios. Ut la̱in chic tineꞌxlokꞌoni li joꞌ qꞌuial chic teꞌcana̱k. Aꞌanakeb chic laj cꞌamol be saꞌ xya̱nkeb laj Judá. Ut eb laj Ecrón chanchanakeb chic laj jebuseo li queꞌcana rubel xtakl li rey David.

Zacarías 11:16

Li cꞌaꞌru ta̱ba̱nu, aꞌan retalil nak la̱in tinqꞌue junak aj cꞌamol be reheb lin tenamit. Chanchanak laj ilol carner li incꞌaꞌ tixqꞌue xchꞌo̱l chirilbal li carner li sachenakeb, chi moco tixsicꞌ chak li sachenak, chi moco tixban li tochꞌol. Ut incꞌaꞌ tixqꞌue xcua li ma̱cꞌaꞌ chic xmetzꞌe̱u. Tixsicꞌ ban ru li ni̱nkeb xtibel ut tixtiu. Incꞌaꞌ ta̱ril xtokꞌoba̱l ruheb.

San Lucas 2:8

Nachꞌ riqꞌuin li tenamit Belén cuanqueb aj ilol xul yo̱queb chixcꞌacꞌalenquil lix queto̱mk chi kꞌek.

San Juan 10:11

La̱in chanchanin jun li cha̱bil pastor. Junak cha̱bil pastor naxkꞌaxtesi lix yuꞌam saꞌ xcꞌabaꞌeb lix carner.

Romanos 5:4

Ut xban li cuyuc nacacuu kachꞌo̱l saꞌ li kapa̱ba̱l, ut xban xcacuilal kachꞌo̱l nakayoꞌoni li yechiꞌinbil ke xban li Dios.

Apocalipsis 13:2

Li joskꞌ aj xul li quicuil, aꞌan chanchan hix. Eb li rok chanchan rok li xul oso. Ut li ruch re chanchan ruch re li cakcoj. Ut li dragón quixqꞌue lix cacuilal ut lix cꞌojariba̱l re li joskꞌ aj xul. Ut quixqꞌue ajcuiꞌ xcuanquil.