1 Samuel 17:32 - Li Santil hu

³² Laj David quixye re laj Saúl: —At rey, ma̱ ani taxak chichꞌina̱nk xchꞌo̱l xban laj filisteo. La̱in aj cꞌanjel cha̱cuu. La̱in tinxic chi pletic riqꞌuin, chan.

Q'eqchi Bible

³² Toja' naq laj David kixye re laj Saúl: “Maa'ani chich'inanq xch'ool xb'aan laj Filistea a'an. Laa'in, aj k'anjel chawu, tinxik chi yalok rik'in a'an”.

1 Samuel 17:32 ပူးပေါင်းရင်းမြစ်များ

1 Samuel 16:18

Jun reheb lix mo̱s quixye re: —Laj Isaí li cuan aran Belén cuan jun li ralal naxnau xchꞌeꞌbal li arpa. Li al aꞌan cau rib ut naxnau pletic ut naxnau a̱tinac. Cꞌajoꞌ chakꞌal ru. Ut li Dios cuan riqꞌuin, chan.

Salmos 3:6

Usta sutsu̱quin xbaneb li qꞌuila tenamit, li xicꞌ nequeꞌiloc cue, incꞌaꞌ ninxucuac xbaneb.

Isaías 35:4

Qꞌuehomak xcacuil xchꞌo̱leb li yo̱queb chi lucta̱c. Yehomak reheb: —Cacuubresihomak e̱chꞌo̱l. Mexxucuac. Li Ka̱cuaꞌ ta̱colok e̱re ut tixqꞌueheb chixtojbal lix ma̱queb li xicꞌ nequeꞌiloc e̱re.—

Números 14:9

Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

Hebreos 12:12

Checacuubresihak le̱ rok e̱rukꞌ li ma̱cꞌaꞌ xmetzꞌe̱u. Lix ya̱lal li jaljo̱quil ru a̱tin aꞌan aꞌin: Checacuubresi le̱ chꞌo̱l re nak incꞌaꞌ ta̱chꞌina̱nk e̱chꞌo̱l saꞌ le̱ pa̱ba̱l.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

Josué 14:12

Joꞌcan nak nintzꞌa̱ma cha̱cuu nak ta̱qꞌue chokꞌ cue li naꞌajej li tzu̱l ru joꞌ quixyechiꞌi chak cue li Ka̱cuaꞌ. La̱at ac nacanau nak cuanqueb li ralal xcꞌajol laj Anac saꞌ li naꞌajej aꞌan. Cuanqueb ni̱nki tenamit ut cauheb rib chi pletic. Abanan la̱in ninnau nak li Dios ta̱cua̱nk cuiqꞌuin ut tinixtenkꞌa chirisinquileb saꞌ li naꞌajej aꞌan joꞌ quixye chak cue, chan laj Caleb.

Números 13:30

Ut laj Caleb quixye reheb nak teꞌxcanab a̱tinac riqꞌuin laj Moisés. Quixye reheb: —Tento toxic chi pletic riqꞌuineb. La̱o cau kib chiruheb aꞌan. La̱o naru nake̱chani li naꞌajej aꞌan, chan.

1 Samuel 17:31

Cuanqueb li queꞌabin re li quixye laj David. Coxeꞌxye resil re laj Saúl. Ut laj Saúl quixtakla xbokbal laj David.

Isaías 7:4

Ut ta̱ye re, “Michꞌinan a̱chꞌo̱l. Cacuubresi ban a̱chꞌo̱l. Matxucuac chiruheb laj Rezín lix reyeb laj Siria ut li ralal laj Remalías, li yo̱ xjoskꞌileb saꞌ e̱be̱n xban nak eb aꞌan chanchaneb li ruꞌuj siꞌ li yo̱ xsibel,” chaꞌakat.—