1 Samuel 17:26 - Li Santil hu

²⁶ Laj David quia̱tinac riqꞌuineb li cuanqueb chixcꞌatk. Quixye reheb: —¿Cꞌaꞌru ta̱qꞌuehekꞌ re li ani ta̱camsi̱nk re li cui̱nk li incꞌaꞌ naxpa̱b li Dios? ¿Ani ta̱isi̱nk re li xuta̱n li xqꞌue saꞌ xbe̱neb laj Israel? ¿Cꞌaꞌru xcuanquil nak naxhobeb lix soldados li yoꞌyo̱quil Dios? chan.

Q'eqchi Bible

²⁶ Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

1 Samuel 17:26 ပူးပေါင်းရင်းမြစ်များ

1 Samuel 11:2

Ut laj Nahas quixye reheb: —La̱in tinba̱nu jun li contrato e̱riqꞌuin. Abanan tento nak che̱ju̱nkalex tine̱canab chirisinquil li xnakꞌ e̱ru li cuan saꞌ le̱ nim, re nak tincꞌut e̱xuta̱n la̱ex aj Israel, chan.

Deuteronomio 5:26

¿Ma cuan ta biꞌ chic junak qui-abin re lix ya̱b xcux li yoꞌyo̱quil Dios nak quia̱tinac saꞌ xam joꞌ nak quikabi la̱o ut incꞌaꞌ xcam?

1 Samuel 17:36

Usta cakcoj, usta oso, la̱in quincamsiheb. Ut li cui̱nk aꞌin li incꞌaꞌ naxpa̱b li Dios, joꞌcan ajcuiꞌ tixcꞌul xban nak yo̱ chixhobbal lix soldados li yoꞌyo̱quil Dios, chan.

1 Samuel 17:10

Anakcuan yo̱quin chixyebal e̱re la̱ex, lix soldado laj Israel, nak te̱takla chak junak li cui̱nk re ta̱pletik cuiqꞌuin, chan.

1 Samuel 14:6

Laj Jonatán quixye re li natenkꞌan re: —Numeko jun pacꞌal bar cuanqueb cuiꞌ laj filisteo li incꞌaꞌ nequeꞌxpa̱b li Dios. Ma̱re chan nak li Ka̱cuaꞌ toxtenkꞌa xban nak chiru aꞌan ma̱cꞌaꞌ chꞌaꞌaj. Li Dios toxtenkꞌa chi numta̱c saꞌ xbe̱neb, usta nabalo, usta cuibo ajcuiꞌ, chan.

2 Reyes 19:4

Lix reyeb laj Asiria quixtakla laj Rabsaces li nim xcuanquil chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios li hoboc ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Daniel 9:16

At Ka̱cuaꞌ, la̱o nakanau nak la̱at nacat-uxta̱nan u. Joꞌcan nak nakatzꞌa̱ma cha̱cuu nak incꞌaꞌ ta chic tatjoskꞌokꞌ saꞌ xbe̱n la̱ tenamit Jerusalén xban nak aꞌan la̱ lokꞌlaj tenamit. Aꞌan la̱ lokꞌlaj tzu̱l Sión. Xban li ma̱usilal nakaba̱nu ut xban li ma̱c queꞌxba̱nu li kanaꞌ kayucuaꞌ, xuta̱nal na-el ut seꞌenbil la̱ tenamit Jerusalén xbaneb li jalan tenamit.

Jeremías 10:10

Abanan li Ka̱cuaꞌ, aꞌan li tzꞌakal Dios. Aꞌan li yoꞌyo̱quil Dios ut li tzꞌakal Rey chi junelic kꞌe cutan. Nak yo̱ xjoskꞌil li Ka̱cuaꞌ, li ruchichꞌochꞌ na-ecꞌan saꞌ xnaꞌaj. Ut eb li xni̱nkal ru tenamit incꞌaꞌ teꞌxcuy rilbal lix joskꞌil.

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Salmos 44:13

Xacꞌut kaxuta̱n chiruheb li jalanil tenamit. Nak nocoeꞌril, nocoeꞌxseꞌe ut nocoeꞌretzꞌu.

Nehemías 5:9

Ut quinye ajcuiꞌ reheb: —Li cꞌaꞌru yo̱quex chixba̱nunquil, aꞌan incꞌaꞌ us. La̱ex incꞌaꞌ nequexucua ru li Dios. Yo̱quex ban chixba̱nunquil joꞌ nequeꞌxba̱nu li jalan tenamit li xicꞌ nequeꞌiloc ke, re nak incꞌaꞌ texrahobtesi̱k xban eb aꞌan.

1 Juan 5:20

Ut la̱o nakanau nak li Ralal li Dios quicꞌulun saꞌ ruchichꞌochꞌ. Quixqꞌue kanaꞌleb re xnaubal bar cuan li tzꞌakal Dios. Ut junajo chic riqꞌuin li tzꞌakal Dios xban nak xkapa̱b li Jesucristo li Ralal li Dios. Aꞌan li naqꞌuehoc ke li yuꞌam chi junelic.

1 Ts 1:9

Yalak bar yo̱queb chixserakꞌinquil chanru nak coe̱cꞌul nak cocuulac e̱riqꞌuin ut yo̱queb chixserakꞌinquil chanru nak quecanab xlokꞌoninquil li yi̱banbil dios ut quepa̱b ut nequexcꞌanjelac chic chiru li tzꞌakal Dios, li yoꞌyo.

Joel 2:19

Li Dios tixye reheb lix tenamit: —Tinqꞌue cuiꞌchic li cꞌaꞌru e̱re. Tinqꞌue le̱ trigo ut tinqꞌue le̱ uvas ut tinqꞌue le̱ aceite. Ut ta̱cua̱nk cuiꞌchic chi nabal cꞌaꞌru e̱re. Ut ta̱sahokꞌ saꞌ e̱chꞌo̱l ut incꞌaꞌ chic tinqꞌue raylal saꞌ e̱be̱n re nak incꞌaꞌ chic texhobekꞌ xbaneb li incꞌaꞌ nequeꞌpa̱ban.

Salmos 74:18

At Ka̱cuaꞌ, misach taxak saꞌ a̱chꞌo̱l nak li incꞌaꞌ useb xnaꞌleb yo̱queb cha̱majecuanquil. Eb aꞌan incꞌaꞌ nacateꞌxqꞌue saꞌ ruheb. Junes a̱hobbal nequeꞌxba̱nu.

1 Samuel 17:30

Laj David qui-el riqꞌuin li ras ut quipatzꞌoc riqꞌuin jun chic. Ut quiyeheꞌ cuiꞌchic re joꞌ quiyeheꞌ re xbe̱n cua.

1 Samuel 31:4

Laj Saúl quixye re li cui̱nk li nacꞌamoc re lix chꞌi̱chꞌ re pletic: —Chap chak la̱ chꞌi̱chꞌ ut tina̱camsi. Incꞌaꞌ nacuaj nak eb laj filisteo tineꞌxseꞌe nak tineꞌxcamsi. Eb li cristian aꞌan incꞌaꞌ nequeꞌxpa̱b li Dios, chan. Abanan li cui̱nk incꞌaꞌ quiraj xban nak ta̱xucuak. Joꞌcan nak laj Saúl quixchap lix chꞌi̱chꞌ ut quixcut rib saꞌ xbe̱n.

Jeremías 9:25

Li Ka̱cuaꞌ quixye: —Ta̱cuulak xkꞌehil nak la̱in tinqꞌueheb chixtojbal xma̱queb li tenamit li moco ti̱queb ta xchꞌo̱l usta queꞌxcꞌul li circuncisión, usta incꞌaꞌ.

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Ezequiel 28:10

La̱at tatca̱mk saꞌ rukꞌeb li jalaneb xtenamit joꞌ nak nequeꞌcam li incꞌaꞌ nequeꞌpa̱ban cue la̱in li tzꞌakal Dios. La̱in li nimajcual Dios ninyehoc re aꞌin.—

Josué 3:10

Ut quixye ajcuiꞌ reheb: —Nak li Lokꞌlaj Ca̱x ta̱numekꞌ jun pacꞌal li nimaꞌ Jordán, te̱nau nak li yoꞌyo̱quil Dios cuan saꞌ kaya̱nk ut aꞌan ajcuiꞌ ta̱isi̱nk reheb laj cananeo, eb laj heteo, eb laj heveo, eb laj ferezeo, eb laj gergeseo, eb laj amorreo ut eb laj jebuseo saꞌ li kabe li bar tonumekꞌ cuiꞌ.

2 Crónicas 32:17

Ut cuan ajcuiꞌ li hu quixtzꞌi̱ba laj Senaquerib. Saꞌ li hu aꞌan quixmajecua li Ka̱cuaꞌ lix Dioseb laj Israel ut quixye chi joꞌcaꞌin: —Cui lix dioseb li xni̱nkal ru tenamit incꞌaꞌ queꞌxcol li tenamit saꞌ cuukꞌ, joꞌcan ajcuiꞌ lix Dios laj Ezequías incꞌaꞌ ta̱ru̱k tixcol lix tenamit saꞌ cuukꞌ, chan.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Daniel 6:27

Li Ka̱cuaꞌ Dios, aꞌan li na-achꞌaban ut aꞌan li nacoloc. Aꞌan li naba̱nun re li milagro ut li sachba chꞌo̱lej joꞌ saꞌ choxa joꞌ ajcuiꞌ saꞌ ruchichꞌochꞌ. Aꞌan li quicoloc re laj Daniel. Incꞌaꞌ quixcanab chi camsi̱c xbaneb li cakcoj, chan.