1 Samuel 17:24 - Li Santil hu

²⁴ Nak eb laj Israel queꞌril laj Goliat, quichal xxiuheb ut queꞌe̱lelic chiru.

Q'eqchi Bible

²⁴ Naq eb' laj Israel ke'ril li winq a'an, k'ajo' naq ke'xiwak ut ke'elelik chiru,

1 Samuel 17:24 ပူးပေါင်းရင်းမြစ်များ

Isaías 30:17

Jun mil e̱re la̱ex tex-e̱lelik chiru jun li cui̱nk li xicꞌ na-iloc e̱re. Ut che̱junilex tex-e̱lelik chiruheb o̱b chi cui̱nk li xicꞌ nequeꞌiloc e̱re. Moco nabalex ta chic texcana̱k. Chanchanakex jun li bandera xakxo saꞌ xbe̱n bol.

Isaías 7:2

Li esilal aꞌin quicuulac riqꞌuineb li ralal xcꞌajol laj David. Ut queꞌxye re li rey Acaz: —Eb laj Siria queꞌxjunaji ribeb riqꞌuineb li ralal xcꞌajol laj Efraín ut xeꞌchal chi pletic riqꞌuin la̱ tenamit, chanqueb re. Ut eb aꞌan cꞌajoꞌ nak queꞌxucuac. Nequeꞌsicsot xban xxiuheb. Chanchan nak nequeꞌecꞌasi̱c li cheꞌ li cuan saꞌ qꞌuicheꞌ xban li ikꞌ.

1 Samuel 17:11

Cꞌajoꞌ nak quixucuac laj Saúl joꞌqueb ajcuiꞌ lix soldados nak queꞌrabi li cꞌaꞌru quixye laj Goliat. Nequeꞌsicsot xbaneb xxiu.

Deuteronomio 32:30

¿Chanru nak jun chi cui̱nk ta̱ra̱lina jun mil chi cristian? Ut, ¿chanru nak cuib chi cui̱nk teꞌra̱lina laje̱b mil? Teꞌxcꞌul chi joꞌcan xban nak li Ka̱cuaꞌ lix Dioseb ac quixcanabeb xjuneseb ut quixtzꞌekta̱naheb.

Números 13:33

Ut queꞌkil ajcuiꞌ chak li ni̱nki cui̱nk li ralal xcꞌajol laj Anac. La̱o chanchano laj sa̱cꞌ nak nocoeꞌril eb aꞌan xban nak kꞌaxal cocꞌo chiruheb, chanqueb.

Levítico 26:36

Ut eb li incꞌaꞌ teꞌsachekꞌ ru la̱in tinqꞌue xxiuheb saꞌ li naꞌajej li cua̱nkeb cuiꞌ. Teꞌxucuak chiruheb li xicꞌ nequeꞌiloc reheb. Ut teꞌe̱lelik yal xban xya̱b li xak cheꞌ nak na-ecꞌasi̱c xban li ikꞌ. Teꞌa̱linak xban xxiuheb ut teꞌtꞌanekꞌ xban xxiuheb usta ma̱ ani yo̱k chi a̱lina̱nc reheb.

1 Samuel 17:23

Toj yo̱ ajcuiꞌ chi a̱tinac riqꞌuineb nak laj Goliat, li nimla cui̱nk li quichal saꞌ li tenamit Gat, quixxakab rib saꞌ xyiheb laj Israel ut eb laj filisteo. Qui-oc cuiꞌchic chixhobbaleb laj Israel joꞌ naxba̱nu rajlal cutan. Ut laj David quirabi li yo̱ chixyebal.

1 Samuel 17:25

Ut queꞌxye chi ribileb rib: —¿Ma xeqꞌue retal li cui̱nk aꞌan li nachal rajlal chikahobbal? Li ani ta̱camsi̱nk re li cui̱nk aꞌan, li rey tixqꞌue nabal xbiomal. Ut tixqꞌue ajcuiꞌ lix rabin chokꞌ rixakil. Ut incꞌaꞌ chic teꞌpatzꞌekꞌ xtoj li rechꞌalal, chanqueb.