1 Samuel 17:22 - Li Santil hu

²² Laj David quixcanab li ri̱k riqꞌuin laj ilol re li cꞌaꞌak re ru reheb li soldados. Co̱ saꞌ a̱nil bar chꞌutchꞌu̱queb cuiꞌ li soldados re ta̱ril chanruheb li ras.

Q'eqchi Bible

²² Tikto laj David kixkanab' li riiq rik'in laj ilol re li k'a'aq re ru, koho sa' aanil b'ar ch'utch'uukeb' wi' laj puub' ut koxpatz' reheb' li ras chan rilb'aleb'.

1 Samuel 17:22 ပူးပေါင်းရင်းမြစ်များ

Isaías 10:28

Eb li xicꞌ nequeꞌiloc e̱re queꞌpletic riqꞌuin li tenamit Ajat. Queꞌnumeꞌ aran Migrón. Queꞌxcanab li i̱k aran Micmas.

Jueces 18:15

Joꞌcan nak queꞌoc saꞌ li rochoch laj Micaía chi a̱tinac riqꞌuin li sa̱j cui̱nk aj levita. Ut queꞌxpatzꞌ re chanru cuan.

Génesis 37:14

Ut laj Israel quixye re: —Ayu. Toxa̱cuileb chak chanru cuanqueb la̱ cuas joꞌ eb ajcuiꞌ li queto̱mk. Chirix aꞌan tatsukꞌi̱k chak chixyebal cue chanru cuanqueb, chan laj Israel. Laj José qui-el saꞌ li ru takꞌa re Hebrón ut co̱ toj saꞌ li naꞌajej Siquem.

Jueces 18:21

Queꞌxqꞌue chi ubej eb li cocꞌal, li queto̱mk ut chixjunil li cꞌaꞌru cuan reheb ut queꞌco̱eb.

1 Samuel 17:21

Lix solda̱deb laj Israel joꞌ eb ajcuiꞌ lix solda̱deb laj filisteo queꞌxtzolob ribeb re teꞌpletik. Ut yo̱queb chixcaꞌyanquil ribeb.

2 Samuel 11:7

Nak laj Urías quicuulac, laj David quixye re: —¿Ma sa saꞌ xchꞌo̱l laj Joab? ¿Ma saheb saꞌ xchꞌo̱l li soldados? ¿Chanru yo̱ li ple̱t? ¿Ma us yo̱ chi e̱lc? chan.

Éxodo 18:7

Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

1 Samuel 25:5

Quixbok riqꞌuin laje̱b li sa̱j cui̱nk ut quixye reheb: —Texxic riqꞌuin laj Nabal aran Carmel. Te̱qꞌue xsahil xchꞌo̱l saꞌ incꞌabaꞌ la̱in.

1 Samuel 30:21

Queꞌsukꞌi cuiꞌchic saꞌ li nimaꞌ Besor li queꞌcana cuiꞌ li cuib ciento chi cui̱nk li incꞌaꞌ queꞌru chi xic chirix laj David xban xlubiqueb. Chi saheb saꞌ xchꞌo̱l queꞌco̱eb chixcꞌulbal laj David ut li cuanqueb rochben. Ut laj David quixqꞌue xsahileb xchꞌo̱l.