1 Samuel 17:12 - Li Santil hu

¹² Laj David, aꞌan jun reheb li cuakxakib chi ralal laj Isaí. Lix tenamit laj Isaí, aꞌan Belén Efrata li cuan saꞌ xcue̱nt Judá. Ac ti̱x chic laj Isaí nak laj Saúl quicuan chokꞌ rey.

Q'eqchi Bible

¹² Laj David a'an ralal jun li winq aj Efratá, Belén li xtenamit, sa' xteepal Judá. Li winq a'an, aj Jesé xk'ab'a', wank waqxaqib' chi ralal; ak tiix chi us naq laj Saúl wan chaq cho'q awab'ej.

1 Samuel 17:12 ပူးပေါင်းရင်းမြစ်များ

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.

1 Samuel 16:18

Jun reheb lix mo̱s quixye re: —Laj Isaí li cuan aran Belén cuan jun li ralal naxnau xchꞌeꞌbal li arpa. Li al aꞌan cau rib ut naxnau pletic ut naxnau a̱tinac. Cꞌajoꞌ chakꞌal ru. Ut li Dios cuan riqꞌuin, chan.

1 Samuel 17:58

Laj Saúl quixye re: —¿Ani la̱ yucuaꞌ? chan. Laj David quixye re: —La̱in ralal laj Isaí, laj cꞌanjel cha̱cuu. Belén xtenamit, chan.

Li xHu LIX RUT 4:22

Laj Obed, aꞌan lix yucuaꞌ laj Isaí; ut laj Isaí, aꞌan lix yucuaꞌ li rey David.

San Mateo 2:6

Joꞌcaꞌin tzꞌi̱banbil saꞌ li Santil Hu: Li tenamit Belén, xchꞌochꞌeb laj Judá, moco kꞌaxal caꞌchꞌin ta lix cuanquil saꞌ xya̱nkeb li xni̱nkal ru tenamit re Judá xban nak aran ta̱e̱lk jun Acuabej ut aꞌan ta̱beresi̱nk re lin tenamit Israel. (Miq. 5:2)

San Mateo 1:6

Ut laj Isaí, aꞌan xyucuaꞌ li rey David. Ut li rey David, aꞌan lix yucuaꞌ laj Salomón riqꞌuin li ixk li quicuan chokꞌ rixakil laj Urías.

1 Samuel 16:1

Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

San Mateo 2:1

Nak cua̱nk chokꞌ rey laj Herodes, li Jesús quiyoꞌla aran Belén xcue̱nt Judea. Cuanqueb aj kꞌe queꞌchal chak saꞌ releb sakꞌe ut queꞌcuulac Jerusalén.

Miqueas 5:2

La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Salmos 132:6

Quikabi resil li Lokꞌlaj Ca̱x nak cuanco Efrata ut toj saꞌ li qꞌuicheꞌ re Jaar coxkatau chak.

1 Samuel 17:11

Cꞌajoꞌ nak quixucuac laj Saúl joꞌqueb ajcuiꞌ lix soldados nak queꞌrabi li cꞌaꞌru quixye laj Goliat. Nequeꞌsicsot xbaneb xxiu.

Li xHu LIX RUT 1:2

Li cui̱nk aꞌan aj Elimelec xcꞌabaꞌ ut li rixakil, aꞌan lix Noemí. Jun li ralal aj Mahlón xcꞌabaꞌ ut li jun chic aj Quelión. Aꞌaneb laj efrateo li cuanqueb aran Belén xcue̱nt Judá. Queꞌcuulac saꞌ li naꞌajej Moab ut aran queꞌcana.

Li xHu LIX RUT 4:17

Ut eb li rech cabal queꞌril aꞌan ut queꞌxye: —Xyoꞌla jun xcꞌulaꞌal lix Noemí, chanqueb. Ut aj Obed queꞌxqꞌue chokꞌ xcꞌabaꞌ li cꞌulaꞌal. Laj Obed, aꞌan lix yucuaꞌ laj Isaí. Ut laj Isaí, aꞌan lix yucuaꞌ laj David.

1 Samuel 1:1

Quicuan jun li cui̱nk aj Elcana xcꞌabaꞌ saꞌ li tenamit Ramá, li cuan saꞌ xnaꞌajeb li ralal xcꞌajol laj Efraín, li tzu̱l ru. Laj Elcana, aꞌan li ralal laj Jeroham. Lix yucuaꞌ laj Jeroham, aꞌan laj Eliú. Ut laj Eliú, aꞌan li ralal laj Tohu ut laj Tohu, aꞌan li ralal laj Zuf xcomoneb li ralal xcꞌajol laj Efraín.

2 Samuel 23:1

Riqꞌuin li a̱tin aꞌin quixrak a̱tinac laj David: Aꞌan aꞌin li a̱tin li quixye laj David li ralal laj Isaí. Aꞌin li ra̱tin laj David li quitaksi̱c xcuanquil xban li Ka̱cuaꞌ. Aꞌin ra̱tin li rey li quisiqꞌueꞌ ru xban li Ka̱cuaꞌ, lix Dios laj Jacob. Aꞌan li quixbicha nabal li bich reheb laj Israel.