1 Samuel 16:7 - Li Santil hu

⁷ Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

Q'eqchi Bible

⁷ Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

1 Samuel 16:7 ပူးပေါင်းရင်းမြစ်များ

San Juan 7:24

Mexrakoc a̱tin joꞌ nequeraj la̱ex yal e̱junes. Chexrakok ban a̱tin saꞌ xya̱lal, chan li Jesús.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

1 Pedro 3:4

Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

Proverbios 16:2

Eb li cristian nequeꞌxcꞌoxla nak us chixjunil li nequeꞌxba̱nu. Abanan, li Ka̱cuaꞌ naxnau ma us malaj ut incꞌaꞌ us li cuan saꞌ lix cꞌaꞌuxeb.

Proverbios 31:30

Eb li ixk li nequeꞌa̱tinac saꞌ kꞌunil a̱tin naru nequeꞌbalakꞌi̱nc ut lix chꞌinaꞌusaleb na-osoꞌ. Abanan li ixk li naxxucua ru li Dios xcꞌulub nak ta̱qꞌuehekꞌ xlokꞌal.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

1 Reyes 8:39

Ut la̱at ta̱cuabi lix tijeb toj saꞌ li choxa li cuancat cuiꞌ chak. Ut ta̱cuy xma̱queb. La̱at tatrakok a̱tin saꞌ xbe̱neb aꞌ yal chanru lix naꞌlebeb cha̱cuu. La̱at nacanau cꞌaꞌru cuan saꞌ li ra̱meb xban nak la̱at nacanau cꞌaꞌru cuan saꞌ lix cꞌaꞌuxeb li cuanqueb saꞌ li ruchichꞌochꞌ.

Hechos 1:24

Ut queꞌoc chi tijoc ut queꞌxye: —At Ka̱cuaꞌ, la̱at nacanau chanru li ra̱m li junju̱nk. Joꞌcan nak nakatzꞌa̱ma cha̱cuu nak ta̱cꞌutbesi chiku ani reheb li cuib aꞌin ta̱sicꞌ ru re ta̱cana̱k chi cꞌanjelac chokꞌ re̱kaj laj Judas.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Jeremías 20:12

At Ka̱cuaꞌ, at nimajcual Dios, la̱at nacayal rixeb li ti̱queb xchꞌo̱l. La̱at nacanau chanru li ra̱meb ut lix cꞌaꞌuxeb li junju̱nk. Joꞌcan nak tincuil taxak nak ta̱qꞌueheb chixtojbal lix ma̱queb li nequeꞌxba̱nu raylal cue xban nak la̱in xincanab saꞌ a̱cuukꞌ li cꞌaꞌru yo̱quin chixcꞌulbal.

Salmos 139:2

La̱at nacacuil chixjunil li ninba̱nu. Usta najt cuanquin, la̱at nacanau chixjunil li yo̱quin chixcꞌoxlanquil.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

2 Corintios 10:10

Cuan li nequeꞌa̱tinac chicuix ut nequeꞌxye chi joꞌcaꞌin: “Laj Pablo naxtzꞌi̱ba lix hu riqꞌuin cacuil a̱tin re nak toxucuak xban. Abanan nak cuan saꞌ kaya̱nk, yo̱ xxiu ut ma̱cꞌaꞌ na-oc cuiꞌ li cꞌaꞌru naxye,” chanqueb chicuix.

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

Li xHu LAJ JOB 10:4

¿Ma juntakꞌe̱t ta biꞌ la̱ cꞌaꞌux la̱at riqꞌuineb lix cꞌaꞌuxeb li cui̱nk?

2 Samuel 14:25

Ma̱ jun chic cui̱nk cuan Israel joꞌ laj Absalón. Tzꞌakal re ru lix tibel. Ma̱cꞌaꞌ xpaltil. Xban nak cꞌajoꞌ xchakꞌal ru, chixjunileb nequeꞌxqꞌue xlokꞌal.

1 Samuel 9:2

Laj Cis cuan jun li ralal aj Saúl xcꞌabaꞌ. Toj sa̱j ut cꞌajoꞌ xchakꞌal ru. Aꞌan li kꞌaxal chꞌinaꞌus ut li kꞌaxal najt rok saꞌ xya̱nkeb laj Israel.

Jeremías 11:20

Abanan la̱at, at Ka̱cuaꞌ at nimajcual Dios, la̱at nacatrakoc a̱tin saꞌ ti̱quilal. La̱at nacanau chanru xnaꞌleb li junju̱nk ut cꞌaꞌru cuan saꞌ xcꞌaꞌuxeb. Nacuaj nacuil nak ta̱qꞌue re̱kaj reheb li ma̱usilal nequeꞌxba̱nu. La̱in nincanab cuib saꞌ a̱cuukꞌ la̱at.

Proverbios 15:11

Li Ka̱cuaꞌ naxnau chixjunil li cꞌaꞌru cuan saꞌ lix naꞌajeb li camenak ut li xbalba. ¿Ma tojaꞌ ta chic incꞌaꞌ tixnau li cꞌaꞌru cuan saꞌ xchꞌo̱l li junju̱nk?

Salmos 7:9

At inDios, kꞌaxal ti̱c a̱chꞌo̱l. La̱at nacanau lix cꞌaꞌux li junju̱nk ut nacanau li cꞌaꞌru nanumeꞌ saꞌ xchꞌo̱leb. Charam chiruheb li ma̱usilal li nequeꞌxba̱nu li incꞌaꞌ useb xnaꞌleb. Ut chaqꞌue xcacuilal xchꞌo̱l li cha̱bileb xnaꞌleb.

2 Corintios 10:7

La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

San Juan 8:15

La̱ex nequexrakoc a̱tin joꞌ nequeraj la̱ex e̱junes. La̱in ma̱ ani saꞌ aj be̱n yo̱quin chi rakoc a̱tin.

Génesis 4:5

Abanan incꞌaꞌ quisahoꞌ xchꞌo̱l riqꞌuin laj Caín ut incꞌaꞌ quixcꞌul lix mayej. Cꞌajoꞌ nak quijoskꞌoꞌ laj Caín ut quipoꞌ li ru.

1 Samuel 2:3

Ma̱ ani ta teꞌxnimobresi rib chi moco teꞌxkꞌetkꞌeti rib riqꞌuin li cꞌaꞌru nequeꞌxye xban nak li Ka̱cuaꞌ, aꞌan naxnau chixjunil. Ut aꞌan naxqꞌue retal ut narakoc a̱tin saꞌ xbe̱n li junju̱nk riqꞌuin li cꞌaꞌru naxba̱nu.

2 Samuel 7:20

¿Cꞌaꞌ chic ru naru tinye a̱cue? La̱at nacanau chanru lin naꞌleb la̱in aj cꞌanjel cha̱cuu, at Ka̱cuaꞌ, at inDios.

2 Crónicas 6:30

Ut la̱at ta̱cuabi lix tijeb toj saꞌ li choxa li cuancat cuiꞌ chak. Ut ta̱cuy xma̱queb. La̱at tatrakok a̱tin saꞌ xbe̱neb aꞌ yal chanru lix naꞌlebeb cha̱cuu. La̱at nacanau cꞌaꞌru cuan saꞌ li ra̱meb xban nak la̱at nacanau cꞌaꞌru cuan saꞌ lix cꞌaꞌuxeb li cuanqueb saꞌ li ruchichꞌochꞌ.

Proverbios 24:12

Usta ta̱ye nak ma̱cꞌaꞌ nacanau, abanan li Dios naxnau cꞌaꞌru cuan saꞌ a̱chꞌo̱l. Li Dios na-iloc a̱cue ut naxnau cꞌaꞌru yo̱cat. Aꞌan ta̱kꞌajca̱mu̱nk a̱cue aꞌ yal chanru la̱ yehom a̱ba̱nuhom.

1 Crónicas 17:18

¿Cꞌaꞌ chic ru ta̱ru̱k tinye la̱in chirix lin lokꞌal li xaqꞌue? La̱at nacanau chanru lin naꞌleb, la̱in aj cꞌanjel cha̱cuu.

Li xHu LAJ JOB 35:5

Ilon saꞌ choxa ut ta̱qꞌue retal nak li chok najt cuanqueb cha̱cuu la̱at.