1 Samuel 16:4 - Li Santil hu

⁴ Ut laj Samuel quixba̱nu joꞌ quiyeheꞌ re xban li Ka̱cuaꞌ. Quicuulac saꞌ li tenamit Belén. Ut eb li nequeꞌcꞌamoc be saꞌ li tenamit queꞌel chixcꞌulbal chi yo̱queb xxiu ut queꞌxpatzꞌ re: —¿Ma saꞌ usilal xatchal saꞌ li katenamit? chanqueb.

Q'eqchi Bible

⁴ Laj Samuel kixb'aanu li kiyehe'k re xb'aan li Yos ut koho Belén. Naq kiwulak aran, kik'ule'k xb'aaneb' li xcheekal winqul li tenamit li yookeb' xxiw: “Ma re tuqtuukilal laachalik, at ilol moy u?”, chankeb'.

1 Samuel 16:4 ပူးပေါင်းရင်းမြစ်များ

1 Reyes 2:13

Laj Adonías lix yum lix Haguit co̱ chirilbal lix Betsabé lix naꞌ laj Salomón. Lix Betsabé quixye re: —¿Ma saꞌ usilal xatchal chicuilbal? chan. Ut laj Adonías quixye re: —Saꞌ usilal xinchal cha̱cuilbal, chan re.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

2 Reyes 9:22

Nak li rey Joram quiril laj Jehú quixye re: —At Jehú, ¿ma saꞌ usilal xatchal? chan. Laj Jehú quixye re: —¿Chanru nak tocua̱nk saꞌ usilal nak lix Jezabel la̱ naꞌ toj yo̱ chixlokꞌoninquileb li yi̱banbil dios ut cꞌajoꞌ li tu̱lac yo̱? chan.

1 Samuel 21:1

Laj David co̱ aran Nob riqꞌuin laj Ahimelec laj tij. Laj Ahimelec quisach xchꞌo̱l chirilbal laj David ut quixye re: —¿Cꞌaꞌut nak xatchal arin a̱junes? chan.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

San Lucas 8:37

Cꞌajoꞌ nak queꞌxucuac chixjunileb li tenamit li cuanqueb saꞌ eb li naꞌajej li cuanqueb saꞌ xcue̱nt Gadara. Ut queꞌxtzꞌa̱ma chiru li Jesús nak ta̱e̱lk saꞌ lix naꞌajeb. Joꞌcan nak li Jesús qui-oc cuiꞌchic saꞌ li jucub ut qui-el saꞌ li naꞌajej aꞌan.

San Lucas 2:4

Laj José qui-el saꞌ li tenamit Nazaret li cuan saꞌ xcue̱nt Galilea ut co̱ Belén li cuan xcue̱nt Judea. Aꞌan xtenamit li rey David. Aran co̱ xban nak aꞌan xcomoneb li ralal xcꞌajol laj David.

Oseas 11:10

Chanchanakin li cakcoj nak tinjap cue chiruheb li xicꞌ nequeꞌiloc reheb li cualal incꞌajol. Sicsotkeb xbaneb xxiu li cualal incꞌajol nak teꞌcha̱lk cuiqꞌuin saꞌ li oeste li na-oc cuiꞌ li sakꞌe.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

2 Samuel 6:9

Laj David qui-oc xxiu saꞌ li cutan aꞌan xban li cꞌaꞌru quixba̱nu li Ka̱cuaꞌ ut quixye: —Ma̱min ta̱ru̱k tincꞌam cuiqꞌuin lix Lokꞌlaj Ca̱x li Ka̱cuaꞌ, chan.

Génesis 48:7

Nak quin-el saꞌ li tenamit Padan-aram, yo̱co chi xic saꞌ xbehil Canaán nak quicam lix Raquel la̱ naꞌ chicuu saꞌ be. Caꞌchꞌin chic ma̱ nococuulac saꞌ li naꞌajej Efrata nak quincꞌul li raylal aꞌan. Ut aran quinmuk li cuixakil. Belén nayeman ajcuiꞌ re li naꞌajej Efrata, chan.

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.