1 Samuel 16:21 - Li Santil hu

²¹ Ut laj David co̱ riqꞌuin laj Saúl ut quicana chi cꞌanjelac chiru. Laj Saúl quixra laj David ut quixye nak aꞌan li ta̱cꞌamok re lix chꞌi̱chꞌ re pletic.

Q'eqchi Bible

²¹ Naq laj David kiwulak rik'in laj Saúl, kikanaak chi k'anjelak chiru. K'ajo' naq kirahe'k xb'aan; ut kik'ehe'k xwankil cho'q aj tenq' re.

1 Samuel 16:21 ပူးပေါင်းရင်းမြစ်များ

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

Salmos 146:3

Me̱cꞌojob e̱chꞌo̱l riqꞌuineb li nequeꞌtaklan chi moco riqꞌuineb li yal cui̱nk xban nak eb aꞌan incꞌaꞌ ta̱ru̱k texcol la̱ex.

Salmos 118:9

Kꞌaxal us nak tincꞌojob inchꞌo̱l riqꞌuin li Dios chiru nak tincꞌojob inchꞌo̱l riqꞌuineb li cuanqueb xcuanquil.

Salmos 62:9

Li cristian ma̱cꞌaꞌ nequeꞌoc cuiꞌ. Usta cuanqueb xcuanquil, usta ma̱cꞌaꞌeb xcuanquil ma̱cꞌaꞌ nequeꞌoc cuiꞌ. Nak ta̱rakekꞌ a̱tin saꞌ xbe̱neb, aran ta̱cꞌutu̱nk nak chixjunileb juntakꞌe̱teb. Chanchan nak nabiseꞌ junak cꞌaꞌ re ru incꞌaꞌ a̱l. Na-apu̱c xban li ikꞌ.

1 Reyes 10:8

Us xak reheb chixjunileb li cuanqueb a̱cuiqꞌuin. Us xak reheb li nequeꞌcꞌanjelac cha̱cuu xban nak junelic yo̱queb chirabinquil li cha̱bil naꞌleb a̱cuiqꞌuin.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Deuteronomio 1:38

Abanan laj Josué li natenkꞌan a̱cue, li ralal laj Nun, ta̱oc saꞌ li naꞌajej aꞌan. Ta̱qꞌue xcacuil xchꞌo̱l xban nak aꞌan ta̱cꞌamok be chiruheb laj Israel nak teꞌre̱chani li naꞌajej aꞌan.

Jueces 9:54

Laj Abimelec quixbok saꞌ junpa̱t li cui̱nk li nacꞌamoc re lix chꞌi̱chꞌ ut quixye re: —Isi chak la̱ chꞌi̱chꞌ ut tina̱camsi re nak ma̱ ani ta̱yehok re nak ixk xcamsin cue, chan. Ut li cui̱nk quixnumsi lix chꞌi̱chꞌ saꞌ xsaꞌ. Joꞌcaꞌin nak quicam laj Abimelec.

1 Samuel 16:22

Laj Saúl quixtakla xyebal re laj Isaí: —Ba̱nu usilal cue. Cana̱k laj David cuiqꞌuin xban nak aꞌan naqꞌuehoc xsahil inchꞌo̱l, chan.

1 Samuel 17:15

Laj David rajlal nacuulac riqꞌuin laj Saúl ut nasukꞌi cuiꞌchic Belén chixcꞌacꞌalenquil lix carner lix yucuaꞌ.

1 Samuel 17:55

Nak laj David co̱ chi pletic riqꞌuin laj Goliat, laj Saúl quixpatzꞌ re laj Abner li nataklan saꞌ xbe̱neb li soldados: —¿Ani aj alal li al aꞌan? chan. Quichakꞌoc laj Abner ut quixye:

1 Samuel 19:7

Joꞌcan nak laj Jonatán quixbok laj David ut quixye re chixjunil li quixye laj Saúl. Quixcꞌam cuiꞌchic riqꞌuin laj Saúl ut laj David quicꞌanjelac chiru joꞌ junxil.