1 Samuel 16:20 - Li Santil hu

²⁰ Ut laj Isaí quixtakla laj David riqꞌuin laj Saúl. Ut quixtakla ajcuiꞌ nabal li caxlan cua, li vino ut jun li chiba̱t toj sa̱j chokꞌ re laj Saúl. Ut quixtakla ajcuiꞌ jun li bu̱r li ta̱i̱ka̱nk re chixjunil.

Q'eqchi Bible

²⁰ Laj Jesé kixtaqla laj David li ralal, ut kixtaqla ajwi' jun xb'uur li taa'iiqanq re naab'al li kaxlan wa, jun kuk tz'uum chi b'iin ut jun ch'ina chib'aat, cho'q re laj Saúl.

1 Samuel 16:20 ပူးပေါင်းရင်းမြစ်များ

Proverbios 18:16

Riqꞌuin junak li ma̱tan li ta̱si, naru naqꞌueheꞌ a̱cue li cꞌaꞌru ta̱tzꞌa̱ma. Ut naru nacat-oc chi a̱tinac riqꞌuineb li cuanqueb saꞌ xcuanquil.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

1 Samuel 17:18

Ut ta̱cꞌam ajcuiꞌ li laje̱b chi queso aꞌin re li nataklan saꞌ xbe̱neb li jun mil chi soldado. Ta̱cuil ma cauheb la̱ cuas. Ut teꞌxtakla chak junak retalil cha̱cuix re nak tinnau nak saheb saꞌ xchꞌo̱l, chan laj Isaí.

1 Samuel 25:18

Lix Abigail saꞌ junpa̱t quixchꞌutub cuib ciento li caxlan cua, cuib bo̱ls li vino, o̱b li carner ac pombil, cuib ni̱nki chacach li trigo ac qꞌuilinbil, jun ciento jo̱b li uvas, ut cuib ciento li caxlan cua yi̱banbil riqꞌuin chaki higos. Quixqꞌue chixjunil aꞌin chirixeb lix bu̱r.

Génesis 43:11

Ut laj Israel, li yucuaꞌbej, quixye reheb: —¿Cꞌaꞌru xjalenquil? Cui tento nak ta̱xic, xicak. Nak la̱ex texxic, te̱cꞌam caꞌchꞌinak li sahil echej li kꞌaxal cha̱bil na-el saꞌ li chꞌochꞌ arin ut te̱si aꞌin re li cui̱nk li nataklan aran. Aꞌaneb aꞌin li ma̱tan li te̱si re. Te̱cꞌam caꞌchꞌinak li bálsamo, caꞌchꞌinak li xyaꞌal cab, li sununquil ban, aromas ut mirra. Ut te̱cꞌam ajcuiꞌ li nueces ut li almendras.

1 Samuel 10:4

Teꞌxqꞌue xsahil a̱chꞌo̱l ut teꞌxqꞌue a̱cue cuib li caxlan cua. Chacꞌulak li caxlan cua chiruheb.

1 Samuel 16:19

Joꞌcan nak laj Saúl quixtaklaheb lix takl riqꞌuin laj Isaí ut queꞌxye re: —Li rey Saúl naraj nak ta̱takla chak riqꞌuin laj David la̱ cualal li nacꞌacꞌalen reheb li carner, chanqueb.