1 Samuel 16:16 - Li Santil hu

¹⁶ La̱at naru nacaye ke la̱o aj cꞌanjel cha̱cuu nak takasicꞌ junak li cui̱nk naxnau xchꞌeꞌbal li arpa. Nak ta̱cha̱lk li ma̱us aj musikꞌej cha̱chꞌiꞌchꞌiꞌinquil, li cui̱nk aꞌan tixchꞌeꞌ li arpa, ut li ma̱us aj musikꞌej tixcanab a̱chꞌiꞌchꞌiꞌinquil ut ta̱cꞌojla̱k cuiꞌchic a̱chꞌo̱l, chanqueb.

Q'eqchi Bible

¹⁶ Chakuy qamaak, at awab'ej. Taqlaho laa'o aj k'anjel chawu re naq tqasik' junaq winq li naxnaw xwajb'ankil li aarp, ut naq tatxch'i'ch'i'i li ink'a' usil musiq'ej, a'an taawajb'aq toj reetal taak'ojlaaq wi' chik aach'ool”.

1 Samuel 16:16 ပူးပေါင်းရင်းမြစ်များ

2 Reyes 3:15

Anakcuan cꞌamomak chak cuiqꞌuin junak cui̱nk nachꞌeꞌoc arpa, chan. Ut nak li cui̱nk yo̱ chi cuajbac, li Ka̱cuaꞌ quia̱tinac riqꞌuin laj Eliseo ut quixye re cꞌaꞌru teꞌxba̱nu.

1 Reyes 10:8

Us xak reheb chixjunileb li cuanqueb a̱cuiqꞌuin. Us xak reheb li nequeꞌcꞌanjelac cha̱cuu xban nak junelic yo̱queb chirabinquil li cha̱bil naꞌleb a̱cuiqꞌuin.

1 Samuel 19:9

Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

1 Samuel 18:10

Saꞌ li cutan jun chic li Dios quixtakla li ma̱us aj musikꞌej chixchꞌiꞌchꞌiꞌinquil laj Saúl saꞌ rochoch. Chanchan li lo̱c ru laj Saúl. Cuan xla̱ns saꞌ rukꞌ. Ut laj David yo̱ chixchꞌeꞌbal li arpa chiru joꞌ naxba̱nu rajlal.

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

Génesis 41:46

Nak quirakeꞌ chi a̱tinac laj faraón, laj José qui-el chixsutinquil li tenamit Egipto re nak tixnau ru chixjunileb li tenamit. Laje̱b xcaꞌcꞌa̱l chihab (30) cuan re laj José nak qui-oc chi cꞌanjelac chiru laj faraón.

1 Samuel 16:14

Ut incꞌaꞌ chic quicuan lix musikꞌ li Dios riqꞌuin laj Saúl. Li Dios quixtakla jun li ma̱us aj musikꞌej chixchꞌiꞌchꞌiꞌinquil.

1 Samuel 16:15

Eb lix mo̱s queꞌxye re laj Saúl: —Qꞌue retal, at rey. Li Dios quixqꞌue jun li ma̱us aj musikꞌej re tatxchꞌiꞌchꞌiꞌi.

1 Samuel 16:17

Joꞌcan nak laj Saúl quixye reheb: —Ayukex biꞌ ut te̱sicꞌ chak junak li cui̱nk naxnau chi us xchꞌeꞌbal li arpa. Ut cꞌamomak chak cuiqꞌuin, chan.