1 Samuel 16:13 - Li Santil hu

¹³ Ut laj Samuel quixchap li xucub ut quixqꞌue li aceite saꞌ xjolom chiruheb chixjunileb li ras. Li al aꞌan aj David xcꞌabaꞌ. Chalen saꞌ li ho̱nal aꞌan lix musikꞌ li Ka̱cuaꞌ quicuan riqꞌuin laj David. Ut chirix aꞌan laj Samuel quisukꞌi cuiꞌchic saꞌ li tenamit Ramá.

Q'eqchi Bible

¹³ Ut laj Samuel kixchap li xukub', xna'aj li aseeyt, ut kixyul laj David chiruheb' li ras. Chalen sa' li honal a'an li xmusiq' li Qaawa' kichalk sa' xb'een laj David. Chirix chik a'an laj Samuel kixchaq'rab'iheb' ut koho Ramá.

1 Samuel 16:13 ပူးပေါင်းရင်းမြစ်များ

1 Samuel 10:6

Ut la̱at ta̱cuecꞌa lix cuanquil lix musikꞌ li Dios nak ta̱cha̱lk saꞌ a̱be̱n. Tat-oc chi lokꞌoni̱nc rochbeneb. Ut chalen saꞌ li cutan aꞌan jalanak chic la̱ naꞌleb.

Hebreos 1:9

Li ti̱quilal nacuulac cha̱cuu ut li ma̱usilal xicꞌ nacacuil. Joꞌcan nak sicꞌbil a̱cuu inban la̱in li nimajcual Dios. La̱in la̱ Dios. Kꞌaxal numtajenak li sahil chꞌo̱lej xinqꞌue a̱cue la̱at chiru li xinqꞌue reheb chixjunileb la̱ cuech aj cꞌanjelil. (Sal. 45:6-7)

San Juan 3:34

Li Jesucristo, aꞌan taklanbil chak xban li Dios ut naxye li cꞌaꞌru nayeheꞌ re xban li Dios xban nak li Santil Musikꞌej cuan riqꞌuin chi tzꞌakal.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

Jueces 11:29

Lix musikꞌ li Dios quichal riqꞌuin laj Jefté, ut quixcꞌut chiru cꞌaꞌru tixba̱nu. Joꞌcan nak eb laj Israel queꞌnumeꞌ saꞌ li naꞌajej Galaad ut Manasés ut queꞌnumeꞌ ajcuiꞌ Mizpa, li cuan saꞌ xcue̱nt Galaad re nak teꞌre̱chani lix naꞌajeb laj Amón.

Jueces 3:10

Lix musikꞌ li Ka̱cuaꞌ cuan riqꞌuin laj Otoniel ut aꞌan chic laj cꞌamol be chiruheb laj Israel. Laj Otoniel quipletic riqꞌuin laj Cusan-risataim. Ut li Ka̱cuaꞌ quixtenkꞌa laj Otoniel chi numta̱c saꞌ xbe̱neb.

Números 27:18

Ut li Ka̱cuaꞌ quixye re laj Moisés: —Laj Josué li ralal laj Nun, aꞌan cuan lin musikꞌ riqꞌuin. Ta̱qꞌue la̱ cuukꞌ saꞌ xjolom ut ta̱xakab chi cꞌamoc be chiruheb li tenamit.

1 Samuel 16:18

Jun reheb lix mo̱s quixye re: —Laj Isaí li cuan aran Belén cuan jun li ralal naxnau xchꞌeꞌbal li arpa. Li al aꞌan cau rib ut naxnau pletic ut naxnau a̱tinac. Cꞌajoꞌ chakꞌal ru. Ut li Dios cuan riqꞌuin, chan.

2 Reyes 9:6

Quicuacli ut laj Jehú ut queꞌoc saꞌ cab xjuneseb. Ut li profeta quixqꞌue li aceite saꞌ xjolom ut quixye re: —Joꞌcaꞌin xye li Ka̱cuaꞌ li nequeꞌxlokꞌoni eb laj Israel, “Anakcuan xatinxakab chokꞌ xreyeb lin tenamit Israel.

1 Samuel 11:6

Laj Saúl quirecꞌa nak lix musikꞌ li Dios quichal saꞌ xbe̱n ut cꞌajoꞌ nak quijoskꞌoꞌ nak quirabi li queꞌxye li takl.

Jueces 14:6

Lix musikꞌ li Ka̱cuaꞌ quichal riqꞌuin laj Sansón ut quixqꞌue xmetzꞌe̱u. Joꞌcan nak laj Sansón quixchap li cakcoj ut quixpedasi riqꞌuin rukꞌ. Chanchan jun li chꞌina chiba̱t chiru. Ut laj Sansón co̱ cuiꞌchic riqꞌuin lix naꞌ xyucuaꞌ, abanan incꞌaꞌ quixye reheb li cꞌaꞌru quixba̱nu.

Jueces 13:25

Ut lix musikꞌ li Ka̱cuaꞌ li Dios qui-oc chirecꞌasinquil xchꞌo̱l laj Sansón nak cuan saꞌ li naꞌajej li cuanqueb cuiꞌ lix muheba̱leb li ralal xcꞌajol laj Dan, li cuan saꞌ xyiheb li cuib chi tenamit Zora ut Estaol.

Números 11:17

La̱in tincubek chak ut tina̱tinak a̱cuiqꞌuin. Ut tinqꞌue lin musikꞌ reheb joꞌ quinqꞌue a̱cue la̱at re nak tateꞌxtenkꞌa chixcꞌambaleb xbe li tenamit aꞌin. Chi joꞌcan incꞌaꞌ ta̱cana̱k saꞌ a̱be̱n a̱junes la̱at li i̱k aꞌin.

Hechos 13:22

Ut nak qui-isi̱c laj Saúl, li Dios quixqꞌue laj David chokꞌ xreyeb ut quixye: “Xinsicꞌ ru laj David ralal laj Isaí. Nacuulac chicuu lix naꞌleb li cui̱nk aꞌan. Aꞌan tixba̱nu chixjunil li cꞌaꞌru nacuaj la̱in,” chan.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

1 Samuel 2:35

La̱in tinsicꞌ ru jun chic li ta̱cꞌanjelak chicuu chokꞌ aj tij. Aꞌan tixba̱nu lix cꞌanjel chi cha̱bil joꞌ nacuaj la̱in. La̱in tinqꞌue ralal xcꞌajol re nak junelic teꞌcꞌanjelak chokꞌ aj tij ut re ajcuiꞌ nak teꞌcꞌanjelak chiru li rey li tinsicꞌ ru la̱in.

1 Samuel 18:12

Laj Saúl qui-oc xxiu xban laj David xban nak li Dios cuan riqꞌuin laj David ut incꞌaꞌ chic nacuan riqꞌuin laj Saúl.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

2 Samuel 5:3

Joꞌcan nak chixjunileb li nequeꞌtaklan saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb saꞌ xcꞌabaꞌ li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb laj Israel.

2 Samuel 12:7

Ut laj Natán quixye re: —At David, la̱at li cui̱nk aꞌan. Joꞌcaꞌin xye a̱cue li Ka̱cuaꞌ, lix Dioseb laj Israel, “La̱in xatinxakab chokꞌ xreyeb laj Israel ut xatincol chiru laj Saúl.

2 Samuel 23:1

Riqꞌuin li a̱tin aꞌin quixrak a̱tinac laj David: Aꞌan aꞌin li a̱tin li quixye laj David li ralal laj Isaí. Aꞌin li ra̱tin laj David li quitaksi̱c xcuanquil xban li Ka̱cuaꞌ. Aꞌin ra̱tin li rey li quisiqꞌueꞌ ru xban li Ka̱cuaꞌ, lix Dios laj Jacob. Aꞌan li quixbicha nabal li bich reheb laj Israel.

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

1 Samuel 1:19

Joꞌ cuulajak chic queꞌcuacli toj ekꞌela ut co̱eb chixlokꞌoninquil li Dios. Ut chirix aꞌan queꞌsukꞌi saꞌ li rochocheb aran Ramá. Ut laj Elcana quicuan riqꞌuin lix Ana li rixakil ut quicana chi yaj aj ixk. Joꞌcaꞌin nak li Dios quixsume lix tij lix Ana.

1 Crónicas 11:3

Ut chixjunileb li nequeꞌcꞌamoc be saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb chiru li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb joꞌ quixye li Ka̱cuaꞌ re laj Samuel.

Salmos 89:21

Junelic cua̱nkin riqꞌuin ut junelic tinqꞌue xcuanquil.