1 Samuel 16:1 - Li Santil hu

¹ Li Ka̱cuaꞌ quixye re laj Samuel: —¿Joꞌ najtil chic rahak a̱chꞌo̱l chirix laj Saúl? La̱in incꞌaꞌ chic nacuaj ta̱cua̱nk chokꞌ rey. Ta̱qꞌue li aceite saꞌ li xucub ut tatxic aran Belén riqꞌuin laj Isaí xban nak la̱in xinsicꞌ ru jun reheb li ralal re ta̱oc chokꞌ rey, chan li Ka̱cuaꞌ.

Q'eqchi Bible

¹ Li Qaawa' kixye re laj Samuel: “Toj jo'q'e yooqat chi yaab'ak chirix laj Saúl? Laa'in ink'a' chik nawaj taa'awab'ejinq sa' xb'eeneb' laj Israel. Nujob'resi chi aseeyt laaxukub' ut ayu. Twaj tatxik sa' rochoch laj Jesé aj Belén, xb'aan naq xinsik' ru jun reheb' li ralal cho'q awab'ej”.

1 Samuel 16:1 ပူးပေါင်းရင်းမြစ်များ

2 Reyes 9:1

Li profeta Eliseo quixbok jun li sa̱j cui̱nk xcomoneb li profeta li cuanqueb aran, ut quixye re: —Yi̱b a̱cuib re tatxic saꞌ li naꞌajej Ramot li cuan saꞌ xcue̱nt Galaad ut cꞌam li aceite aꞌin.

1 Samuel 15:23

Li xkꞌetbal xchakꞌrab li Dios, aꞌan nimla ma̱c joꞌ li kꞌehi̱nc. Ut li xtzꞌekta̱nanquil li ra̱tin li Dios, aꞌan nimla ma̱c ajcuiꞌ joꞌ li xlokꞌoninquil li yi̱banbil dios. Joꞌ nak la̱at xatzꞌekta̱na li ra̱tin li Ka̱cuaꞌ, joꞌcan ajcuiꞌ nak li Ka̱cuaꞌ xatxtzꞌekta̱na la̱at ut xatrisi saꞌ la̱ cuanquil. Incꞌaꞌ chic tatcꞌanjelak chokꞌ rey, chan laj Samuel.

1 Samuel 15:35

Ut laj Samuel incꞌaꞌ chic co̱ chirilbal laj Saúl chalen toj nak quicam. Abanan cꞌajoꞌ nak quirahoꞌ xchꞌo̱l xban. Ut li Ka̱cuaꞌ Dios quiyotꞌeꞌ xchꞌo̱l nak quixxakab laj Saúl chokꞌ xreyeb laj Israel.

Romanos 15:12

Tzꞌi̱banbil ajcuiꞌ saꞌ li Santil Hu li quixye laj Isaías: Saꞌ xya̱nkeb li ralal xcꞌajol laj David li ralal laj Isaí ta̱cꞌulu̱nk laj Colonel, li xakabanbil xban li Dios. Ut aꞌan ta̱cua̱nk xcuanquil saꞌ xbe̱neb li ma̱cuaꞌeb aj judío. Ut aꞌan li yo̱keb chixyoꞌoninquil. (Isa. 11:10)

1 Samuel 16:15

Eb lix mo̱s queꞌxye re laj Saúl: —Qꞌue retal, at rey. Li Dios quixqꞌue jun li ma̱us aj musikꞌej re tatxchꞌiꞌchꞌiꞌi.

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

1 Samuel 15:26

Laj Samuel quixye re: —Incꞌaꞌ tinxic cha̱cuix xban nak xatzꞌekta̱na li ra̱tin li Dios. Ut li Ka̱cuaꞌ xatxtzꞌekta̱na la̱at re nak incꞌaꞌ chic tatcua̱nk chokꞌ xreyeb laj Israel, chan.

1 Samuel 9:16

—Saꞌ ajcuiꞌ li o̱r aꞌin cuulaj tintakla a̱cuiqꞌuin jun li cui̱nk. Li cui̱nk aꞌan xcomoneb li ralal xcꞌajol laj Benjamín. La̱at ta̱qꞌue li aceite saꞌ xjolom xban nak aꞌan li xinsicꞌ ru re ta̱takla̱nk saꞌ xbe̱neb laj Israel lin tenamit. Aꞌan ta̱colok reheb chiruheb laj filisteo. La̱in nacuil xtokꞌoba̱l ruheb lin tenamit nak nequeꞌxya̱ba incꞌabaꞌ, chan.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Jeremías 6:30

Lin tenamit chanchaneb li plata li tzꞌekta̱nanbil xban nak ac xintzꞌekta̱naheb, chan li Ka̱cuaꞌ.

2 Reyes 9:6

Quicuacli ut laj Jehú ut queꞌoc saꞌ cab xjuneseb. Ut li profeta quixqꞌue li aceite saꞌ xjolom ut quixye re: —Joꞌcaꞌin xye li Ka̱cuaꞌ li nequeꞌxlokꞌoni eb laj Israel, “Anakcuan xatinxakab chokꞌ xreyeb lin tenamit Israel.

1 Samuel 16:23

Joꞌcan nak laj David quicana riqꞌuin laj Saúl. Nak li Dios naxtakla chak li ma̱us aj musikꞌej chixchꞌiꞌchꞌiꞌinquil, laj David naxchap lix arpa ut naxchꞌeꞌ chiru. Ut li ma̱us aj musikꞌej naxcanab xchꞌiꞌchꞌiꞌinquil ut nacꞌojla cuiꞌchic xchꞌo̱l laj Saúl.

Jeremías 7:16

Li Ka̱cuaꞌ quixye re laj Jeremías: —Mattijoc chirixeb li tenamit aꞌin chi moco tat-oque̱nk chirixeb chicuu. Ma̱tzꞌa̱ma chicuu nak tintenkꞌaheb xban nak la̱in incꞌaꞌ tincuabi la̱ tij.

Isaías 55:4

La̱in xinxakaban re aꞌan chi cꞌamoc be chiruheb ut chi takla̱nc saꞌ xbe̱neb li tenamit ut chixcꞌutbal li cua̱tin chiruheb.

Isaías 11:10

Ta̱cuulak xkꞌehil nak saꞌ xya̱nkeb li ralal xcꞌajol laj Isaí ta̱cꞌulu̱nk jun li ta̱takla̱nk. Ut aꞌanak jun etalil chiruheb li tenamit. Chixjunileb teꞌsicꞌok re. Ut li tenamit li ta̱cua̱nk cuiꞌ kꞌaxal lokꞌak.

2 Reyes 9:3

Nak ac cua̱nk xjunes ta̱qꞌue li aceite saꞌ xjolom ut ta̱ye re, “Joꞌcaꞌin xye li Ka̱cuaꞌ: Anakcuan xatinxakab chokꞌ xreyeb laj Israel,” chan. Nak acak xaqꞌue li aceite saꞌ xjolom, ta̱te li puerta ut tat-e̱lk saꞌ junpa̱t. Matbay aran, chan laj Eliseo.

1 Juan 5:16

Cui la̱o takil junak li kaherma̱n chi ma̱cobc ut naru xcuybal lix ma̱c, chotijok chirix re nak ta̱cuyekꞌ xma̱c xban li Dios ut ta̱cua̱nk riqꞌuin li Dios toj chirix lix camic. Abanan cuan li ma̱c incꞌaꞌ naxcuy li Dios. Ma̱cꞌaꞌ rajbal li tijoc chirix li ani yo̱ chi ba̱nu̱nc re li ma̱c li ma̱cꞌaꞌ xcuybal.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 11:14

Mattijoc chirixeb li tenamit aꞌin chi moco ta̱tzꞌa̱ma usilal saꞌ xbe̱neb. La̱in incꞌaꞌ tincuabi nak teꞌxya̱ba incꞌabaꞌ nak cuanqueb saꞌ raylal.

Isaías 11:1

Saꞌ xya̱nkeb li ralal xcꞌajol laj Isaí ta̱yoꞌla̱k jun li ta̱takla̱nk. Aꞌan chanchan lix tux jun li cheꞌ.

Hebreos 11:32

Toj cuan raj nabal tinserakꞌi e̱re, aban incꞌaꞌ ta̱tzꞌaklok li cutan re tinserakꞌik chirix lix pa̱ba̱leb laj Gedeón, laj Barac, laj Sansón, ut laj Jefté; ut tinye ajcuiꞌ raj e̱re chanru lix pa̱ba̱leb laj David, laj Samuel, ut eb li profeta. Aban incꞌaꞌ ta̱tzꞌaklok li cutan.

1 Reyes 8:16

nak quixye re, “Chalen nak quicuisiheb chak lin tenamit Israel aran Egipto la̱in incꞌaꞌ quinsicꞌ ru saꞌ xya̱nkeb lix te̱paleb li ralal xcꞌajol laj Israel junak li tenamit li teꞌxyi̱b cuiꞌ li cuochoch bar tineꞌxlokꞌoni cuiꞌ, usta ac xinsicꞌ ru laj David chokꞌ xreyeb lin tenamit Israel,” chan li Dios.—

1 Crónicas 11:3

Ut chixjunileb li nequeꞌcꞌamoc be saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb chiru li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb joꞌ quixye li Ka̱cuaꞌ re laj Samuel.

1 Crónicas 28:4

Abanan li Ka̱cuaꞌ li kaDios la̱o aj Israel, aꞌan li quisicꞌoc cuu saꞌ xya̱nkeb chixjunileb li ralal lin yucuaꞌ re tin-oc chokꞌ xreyeb laj Israel chi junelic. Quixsicꞌ ru laj Judá re nak eb li ralal xcꞌajol aꞌan teꞌtakla̱nk saꞌ xbe̱neb laj Israel. Ut saꞌ xya̱nkeb li ralal xcꞌajol laj Judá quixsicꞌ ruheb li ralal xcꞌajol lin yucuaꞌ. Ut saꞌ xya̱nkeb li ralal xcꞌajol lin yucuaꞌ, quixsicꞌ cuu la̱in re tin-oc chokꞌ xreyeb laj Israel.

Zacarías 4:14

Ut li ángel quichakꞌoc ut quixye cue: —Li cuib chi rukꞌ cheꞌ olivo, aꞌaneb retalil li cuib li sicꞌbileb ru chi cꞌanjelac chiru li Ka̱cuaꞌ, laj e̱chal re li ruchichꞌochꞌ, chan.

1 Samuel 17:12

Laj David, aꞌan jun reheb li cuakxakib chi ralal laj Isaí. Lix tenamit laj Isaí, aꞌan Belén Efrata li cuan saꞌ xcue̱nt Judá. Ac ti̱x chic laj Isaí nak laj Saúl quicuan chokꞌ rey.